Nọmbas 14:19 - Edo Bible (E Baibol Ẹdo) Version 1996

¹⁹ Lahọ, la ekpa ahoẹmwọmwa ruẹn nọkhua kevbe ne ẹ i fiwerriẹ ya orukhọ emwa na bọ iran, zẹ vbene u ya gha bọ iran ya ke ne iran kpao vbe Igipt gha dee.”

Nọmbas 14:19 ပူးပေါင်းရင်းမြစ်များ

I Ọba 8:34

u ghi danmwehọ iran vbe ẹrinmwi, ya orukhọ emwa ruẹn bọ iran, ne u vbe viọ iran werriegbe gha die otọ ne u mu ne erha iran odede.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Psalm 78:38

Sokpan, Osanobua tohan emwa rẹn ọ ya orukhọ iran bọ iran, ọ ma fuẹn iran an. Ẹghẹ nibun ọ re ọ ya mu ohu ne ọ te mu ẹẹn yotọ ọ ke vbe werriegbe vbe ohu ẹre nọkhua.

Psalm 85:2

U ya orukhọ emwa ruẹn bọ iran u kevbe ye abakuru iran hia lekhue,

Ẹksọdọs 32:32

Sokpan, banbanna nian, lahọ ya orukhọ iran bọ iran. Adeghẹ u i ra ya bọ iran, lahọ khiẹn eni mwẹ hin ebe ne u gbẹnnẹ eni emwa ruẹn yi rre.”

Ẹksọdọs 33:17

E Nọyaẹnmwa tama e Mosis wẹẹ, “I gha ru vbene u khare na, rhunmwuda ẹko mwẹ rhiẹnrhiẹn ghe ruẹ I keghi vbe rẹn ruẹn ẹsẹsẹmwẹse.”

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Daniẹl 9:19

Nọyaẹnmwa, họn ọghomwa, Nọyaẹnmwa, yabọ mwa. Nọyaẹnmwa, họn ọghomwa, ne u guan yọ. Ne emwa hia miẹn ehe na rẹn ighe Osanobua wẹ khin, ghe si ẹe kpee vbe otọ Nọyaẹnmwa. Ẹvbo na kevbe emwa na, ọwuẹ ehia khin.”

Emọs 7:2

Vbe uwu umian nii, I keghi bẹghe vbe avbe irhiso wa rri irunmwu ni ghi bi nunuunu hia vbe otọe nii, ọre imẹ na kha wẹẹ, “E Nọyaẹnmwa ne Udazi, yabọ emwa ruẹn, vbe iran ra ya miẹn uhunmwu hẹ vbe ọna? Iran wa kanmwa, iran ma vbe wegbe!”

Emọs 7:5

Ọre imẹ na kha wẹẹ, “Dobọyi e Nọyaẹnmwa Osanobua. Vbe emwa ruẹn ra ya miẹn uhunmwu hẹ vbe ọna? Iran wa kanmwa, iran ma vbe wegbe!”

Jona 3:10

Osanobua keghi miẹn emwi ne iran ru, ọ miẹn wẹ iran mu uyinmwẹ dan iran fua. Rẹn keghi rhunmwuda ọnii fi ekhọe werriẹ, ọ ma ghi rri iran oya vbene ọ te wẹ rẹn gha ru.

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Habakọk 3:2

E Nọyaẹnmwa, I họọn emwi ne u ru, ohan wa mu mwẹ. Banbanna nian, vbe ru vbe ẹghẹ ima, avbe emwi nikpọlọ ne u te ka ru ẹkpo nẹdẹ. Ye vbe mwẹ itohan a gha rhe wẹ te ohu mu ẹẹn.

Nọmbas 23:21

I miẹn ọẹn nẹ wẹ ẹbe ra ọkhọ ẹ i rre ivbi Izrẹl ẹdẹ na khuẹ, e Nọyaẹnmwa ne Osanobua iran rrọ ne iran.

Jems 5:15

Erhunmwu ne a ye iyayi na, gha miẹn ọmwa ne ọ khuọnmwi nii fan, Nọyaẹnmwa gha rhie egberranmwẹ nẹẹn, a ghi vbe ya orukhọ ne ọ te ru bọ ẹe.