Nọmbas 14:18 - Edo Bible (E Baibol Ẹdo) Version 1996

¹⁸ ‘Mẹ ne Nọyaẹnmwa ohu i rherhe mu mwẹ, mẹ rhie ahoẹmwọmwa kevbe ayegbe yan ọmwa maa, I ghi vbe gha ya orukhọ kevbe isọtẹ bọ ọmwa sokpan ẹ i mwẹ I ma rria ikhi erha kevbe avbe ivbi ẹre, kevbe emiwu kevbe eyẹ kevbe orre ne ogieha kevbe ne ogienẹ, rhunmwuda orukhọ evbibiẹ iran.’

Nọmbas 14:18 ပူးပေါင်းရင်းမြစ်များ

Nehimaia 9:17

Iran ma họn ẹmwẹ ne uẹn, iran mianmian emwi hia ne u ru iran mianmian iwinna ọyunnuan, ne u he winna hia. Vbe uwu itengbemu, iran zẹ olotu ọvbehe, ne ọ viọ iran dọlegbe gha rrie Igipt; sokpan, Osanobua ne ọ yabọ ọmwa ọ re uwu khin wẹ vuọn ne ẹsọhẹ kevbe ahoẹmwọmwa itohan ruẹn kpolo, u ma he iran ye otọ.

Job 21:19

Wa wẹ, ‘Osanobua rria ọmọ ikhi ye orukhọ erha ẹe.’ Ẹn o, giẹ Osanobua rri emwa orukhọ tobọ iran oya. Gie ẹe rhie ma wẹ rhunmwuda orukhọ iran ọre irẹn na ru ẹe.

Psalm 103:8

E Nọyaẹnmwa mwẹ itohan ọ mwẹ aho ẹmwẹ ọmwa, ẹ i rherhe mu ohu, ọ vuọn ne aho ẹmwẹ ọmwa ne ẹ i beghe.

Psalm 108:4

Aho ẹmwẹ ọmwa ruẹn ne ẹ i beghe yo gberra ẹrinmwi, a gia mu ẹtin yan ruẹn yo gberra iso.

Psalm 109:14

Te Nọyaẹnmwa gha ye orukhọ avbe erha odede ẹre rre, ẹ i gha ya orukhọ iye ẹe bọ ẹe.

Psalm 145:8

E Nọyaẹnmwa mwẹ ahoẹmwọmwa kevbe ẹnina ẹ i rherhe mu ohu, ọ vuọn ne ahoẹmwọmwa ne ẹ i beghe.

Psalm 78:38

Sokpan, Osanobua tohan emwa rẹn ọ ya orukhọ iran bọ iran, ọ ma fuẹn iran an. Ẹghẹ nibun ọ re ọ ya mu ohu ne ọ te mu ẹẹn yotọ ọ ke vbe werriegbe vbe ohu ẹre nọkhua.

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Ẹksọdọs 20:6

Sokpan iran nii ho ẹmwẹ mwẹ nii vbe rhie uhi mwẹ mwẹ, aro nọmaa mwẹ gha rre iran egbe ya sẹ orre arriaisẹn arriaisẹn.

Jerimaia 23:2

Vbenian, ọ re Nọyaẹnmwa ne Osanobua Izrẹl khare vbekpa ọkaolotu ne ọ te kei ne ọ gha gbearoghe emwa rẹn: “Wa ma gbearoghe emwa mwẹ, wa zagha iran an, wa keghi khulo iran kua. Banbanna nian, I ra do rri uwa oya ye emwi dan ne uwa ru.

Jerimaia 32:18

U rhie aho ẹmwẹ ọmwa ne ẹ i beghe ma arriaisẹn, erriọ vbe nọ, u vbe rri emwa eso oya ye orukhọ ne evbibiẹ iran ru. Osanobua nọkpọlọ kevbe ne ọ mwẹ ẹtin ọ re uwẹ khin. Wẹ ọrọre Nọyaẹnmwa ne Oghodua.

Eve Orriara 5:7

Avbe erha mwa odede ru orukhọ, sokpan iran i ghi rrọ nian, te ima ghi rri oya ye orukhọ iran.

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Nọmbas 14:17

Rhunmwuda onii e Nọyaẹnmwa lahọ, rhie ẹtin ruẹn ma mwa ne u vbe ru vbene u khare ẹkpo ne u na wẹẹ,

Nọmbas 23:21

I miẹn ọẹn nẹ wẹ ẹbe ra ọkhọ ẹ i rre ivbi Izrẹl ẹdẹ na khuẹ, e Nọyaẹnmwa ne Osanobua iran rrọ ne iran.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Diuteronomi 5:10

Sokpan I ghi rhie ahoẹmwọmwa mwẹ ma inu arriaisẹn ne ọ khin vbe uwu iran ni ho ẹmwẹ mwẹ, ni vbe ya uhi mwẹ ru emwi.

Diuteronomi 5:9

Ghẹ ya uhunmwu rhanmwẹ otọ ne amazẹ rhọkpa ra ne u vbe ga iran, rhunmwuda mẹ ọ re Nọyaẹnmwa Osanobua ruẹ, a i gun mwẹ mwa ẹrrẹe. I rri iran ni khuiwu mwẹ oya kevbe ivbi iran ya sẹ orre ne ogieha kevbe ne ogienẹ.

Diuteronomi 7:10

Sokpan ẹ i sọn ọ te gha rria iran ni khuiwu ẹre ikhi.

Diuteronomi 7:9

Wa yerre wẹ e Nọyaẹnmwa Osanobua uwa ọkpa ọrọre Osanobua, ọ vbe gia mu ẹtin yan. Ọ gha mu ile ọghe ọe sẹ, ọ ghi vba gha rhie ahoẹmwọmwa ne ẹ i fafaa ọghe ọe ma orre arriaisẹn vbe uwu iran ni ho ẹmwẹ ọnrẹn, iran na vbe gha ye uhi ẹre ru emwi.