Nọmbas 14:10 - Edo Bible (E Baibol Ẹdo) Version 1996

¹⁰ Emwa nii ghi te ra filo okuta gbele iran an, sokpan vbe udomwurri, iran keghi ya bẹghe vbe uwanmwẹ ne ẹ i gia ghe nii ne ọ rhie maa we Nọyaẹnmwa re evba, rhie egbe ladian yan Owa Ukpọn Ile.

Nọmbas 14:10 ပူးပေါင်းရင်းမြစ်များ

Ẹksọdọs 16:10

Ehe ne Errọn na gu avbe emwa nii guan nii, iran na gbe aro ghe odẹ ato, vbe udomwurri, awanwan ne ẹi gie a ghe nii keghi rhie egbe ma vbe okuku.

Ẹksọdọs 16:7

Vbe owiẹ, wa gha miẹn awanwan ne ẹi gie a ghe ọghe ehe ne Nọyaẹnmwa ye. Ọ họn ẹzọ ne uwa gu irẹn gui, rhunmwuda uhunmwu ne ọ gie ọre ima yo.”

Ẹksọdọs 17:4

E Mosis keghi kakabọ na erhunmwu ghe Nọyaẹnmwa wẹẹ, “Vbe I a ra ru emwa na hẹ yi? Te iran ghi ra filo okuta ya gbe mwẹ uan.”

Ẹksọdọs 40:34

Okuku keghi rhu yan Owa Ukpọn nii awanwan ne ẹ i gie a ghe ọghe Nọyaẹnmwa keghi vuọn rẹn.

Levitikọs 9:23

E Mosis kevbe Errọn keghi la uwu Owa Ukpọn Ile, iran ghi ladian, iran keghi fiangbe emwa nii, uyi e Nọyaẹnmwa keghi rhie egbe ma emwa nii hia.

Nọmbas 16:19

Ẹre Kora na si emwa ni hia koko, iran keghi mudia viọ aro da e Mosis kevbe Errọn vbe onurho Owa Ukpọn. Vbe udomwurri, uwanmwẹ ne ẹ i gia ghe nii, ne a ya rẹn ighẹ Nọyaẹnmwa rre evba, keghi rhie egbe maa emwa nii hia.

Nọmbas 16:42

Iran ghi si koko nẹ ne iran ya gui ẹzọ ọghe ọ ma kei ma e Mosis kevbe Errọn, iran keghi gbe aro ghe odẹ Owa Ukpọn Ile, iran keghi miẹn wẹ okuku degue ẹre kevbe wẹ uwanmwẹ ne ẹ i gia ghe, ne ọ rhie maa ighẹ Nọyaẹnmwa rre evba vbe rhie egbe maa.

Nọmbas 17:7

E Mosis keghi viọ avbe ọkpọ nii hia ye odaro Ẹkpẹti Ile Nọyaẹnmwa vbe uwu Owa Ukpọn Ile.

Nọmbas 20:6

E Mosis kevbe Errọn keghi ke odaro emwa ni gha dee do mudia ye onurho Owa Ukpọn Ile. Iran keghi vbẹ rre mu aro rhu otọ, awanwan ne ẹ i gia ghe nii ne ọ rhie ma wẹ Nọyaẹnmwa rre evba keghi rhie egbe ma iran.

Matiu 23:37

“Jerusalẹm, Jerusalẹm, wẹ ne ọ gbele avbe akhasẹ, u na vbe ye okuta gbele emwa ne Osanobua gie bu ruẹ gha dee! Inugba inugba I he te gha ho ne I tan obọ mwẹ ga emwa ruẹn zẹ vbene iye ọkhọkhọ tan ifuẹn gue ivbi ẹre, sokpan, u ma kue yọ.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Iwinna 7:59

Iran kegha filo okuta gbe Stivin vbe ne ọ ya da tie eni Nọyaẹnmwa nii, “Nọyaẹnmwa Jesu rhan obọ miẹn orhiọn mwẹ.”

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.