Nọmbas 13:33 - Edo Bible (E Baibol Ẹdo) Version 1996

³³ Ma miẹn avbe arhuanran vbe evba, iran ne ivbi Anak. Ma keghi yevbe atete vbe ehe ne iran ye zẹ vbene ima ro egbe ima yi. Erriọ ọre ima gha vbe khọ vbe aro iran.”

Nọmbas 13:33 ပူးပေါင်းရင်းမြစ်များ

Gẹnẹsis 6:4

Vbe ẹghẹ ne a kha na kevbe iyeke ẹghẹ nii, avbe arhuanran ne ikhuo nii kevbe avbe ẹrinmwi nii biẹlẹe kegha rre agbọn. Iran nii ọre ọ gha re avbe ọkhae ni hin usi ọghe ẹkpo nẹdẹ.

I Krọnikol 11:23

Ọ kevbe gbe ovbi Igipt ọkpa ne gẹdẹgbẹẹ ne ọ sẹ omwa emita ihinrọn vbe ukhiọnmwẹ vbe utanmwẹ, ọ na vbe mu asoro nọkhua mwẹ ne ọ ya gbinna. E Benaia keghi ya orhokhua yan rẹn, ọ na sanmwẹ ọre asoro hin obọ ovbi Igipt ni rre, ọ na ya gbe ẹe rua.

Aizaia 40:22

Ọmwa ne ọ tota ye ẹkete ẹre ọ re ọ ru ẹe vbe odukhunmwu agbọn, a ghi gberra iso, emwa ni rre ototọ ye giẹnrẹn vbe iranmwẹ ọ tan agbọn zẹ vbe ukpọn ne a taẹn zẹ vbe owa ukpọn ne ọ mwa ra dia.

Nọmbas 13:22

Iran keghi ka laghe odẹ ekẹn ẹvbo nii iran ke do sẹ Hibrọn ehe ne ivbi uniẹn iran ye ighẹ avbe Ahiman, Siesia kevbe Talmai ne arhuanran, ẹwae iran na ọ re a tie ẹre Anakin (Ukpo ihinrọn ọre a ka ya bu Hibrọn khẹ Zoan ne ọ rre Igipt.)

Nọmbas 13:28

Sokpan, emwa ni rrọ keghi re emwa ẹtin, a na wa vbe gbe ekẹn ọnrẹn ẹsẹse. Ne ọ ghi wa ya khọ sẹ ehia, ma miẹn avbe ivbi uniẹn arhuanran vbe evba.

Nọmbas 14:1

Vbe asọn nii hia, avbe emwa nii kegha viẹ eve orriara.

Diuteronomi 1:28

Vbọzẹ ne ima gha na gha rrie evba. Ohan mu mwa. Emwa ne ima gie werriegbe rre do tama ima ighẹ emwa ni rre evba wegbe, iran kọnkọn sẹ ima. Iran wẹ ẹvbo ne a gbe ekẹn ne ọ yo sẹ iso gaa ọ re iran ye. Iran vbe miẹn avbe arhuanran vbe evba.’

Diuteronomi 2:10

(Uniẹn avbe arhuanran ne a tie ẹre Emim, ọ re ọ te gha rre Ar. Iran hia ke wa tan zẹ vbe uniẹn arhuanran ọvbehe ne a tie ẹre Anakim.

Diuteronomi 3:11

(Ọg ne ọba kegha re ne ọ ghi kiekie vbe avbe Refeim. Okuta ọ re a ya ru ẹkpẹti orinmwi ẹnrẹn, uvbẹmwẹ ọnrẹn kegha re ibata ehan utanmwẹ ọnrẹn kegha re omwa ibata iwenẹ zẹ vbe ọmwa ne agbọn hia ya mwa emwi. Ọ ye rre ẹvbo ne a tie ẹre Raba vbe Amọri ẹre na.)

Diuteronomi 9:2

Emwa ni rrọọ tobọ iran taẹn, iran vbe wegbe, arhuanran ọ re iran khin, wa họn ẹẹn vbe a ka ta ẹe wẹ a i miẹn ọmwa ne ọ sẹtin mu aro da iran.

Jọsua 11:21

Ẹghẹ na ọ re Jọsua na gha khian ya fuẹn iran ne arhuanran ighẹ Anakim ni rre uhunmwu oke, vbe Hibrọn, Debẹ, Anab kevbe avbe uhunmwu oke Juda kevbe Izrẹl. E Jọsua keghi wa fuẹn iran kevbe ẹvbo iran an fẹẹrẹ.

Jọsua 14:12

Rhunmwuda ọnii nian, mu ẹvbo uhunmwu oke ne e Nọyaẹnmwa ta ẹmwẹ ọnrẹn ma mwẹ vbe ẹdẹ ne ima vbe emwa mwẹ do na iyẹn mẹ. Ma tama uwa ẹghẹ nii wẹẹ avbe Anakim ne arhuanran rre evba vbe uwu ẹvbo nọkhua ne a gbe ekẹn gaa. Ọ gha ke ẹe, e Nọyaẹnmwa gha rrọọ ya ba mwẹ, I ghi khulo iran ladian zẹ vbene, e Nọyaẹnmwa khare.’ ”

Jọsua 15:14

E Kelẹb keghi khulo ivbi Anak ighẹ Siẹsiai, Ahima kevbe Talmi hin evba rre.

I Samuẹl 17:24

Ugbẹn vbe ivbi Izrẹl ghi bẹghe Golaiat, ohan mu iran ẹsẹse, iran keghi lẹkua.

I Samuẹl 17:42

Ugbẹn vbe ọ ghi dẹghe e Devid ẹse nẹ, ohu ẹre keghi mu ẹẹn ẹsẹse rhunmwuda, ọmọ ne ọ mose ẹsẹse nọ.