Nọmbas 13:32 - Edo Bible (E Baibol Ẹdo) Version 1996

³² Iran na wewe iyẹn ohoghe vbe ekpa ẹvbo ne iran ya ghe gba ẹbu ivbi Izrẹl hia, Iran wẹẹ, “Evbare ne a miẹn vbe otọ nii i kue sẹ ẹvbo nii rrọọ re. Emwa ne ima miẹn hia wa ye higboo.

Nọmbas 13:32 ပူးပေါင်းရင်းမြစ်များ

II Samuẹl 21:20

Okuo ọvbehe keghi vbe gha rre Gat, arhuanran ne igbinna wa yẹ keghi rre evba. Ọ kegha mwẹ ikpinhianbọ ehe-han vbe obọ ọkpọkpa, kevbe ikpinhia-nwẹ ehan vbe owẹ ọkpọkpa.

I Krọnikol 20:6

Okuo ọvbehe ne iran ghi vbe khọn kegha re ne iran khọn rẹn vbe Gat ehe ne arhuanran ọkpa ne ọ mwẹ ikpinhianbọ ehan vbe obọ ọkpọkpa kevbe ikpinhianwẹ owẹ ehan vbe owẹ ọkpọkpa ye. Uniẹn avbe arhuanran nẹdẹ ọ re ọ gha khin.

Psalm 106:24

Ẹghẹ nii, iran keghi he otọ esi ni, rhunmwuda iran ma ya eyan Osanobua yi.

Ezikiẹl 36:12

Ivbi Izrẹl ne emwa mwẹ, I gha viọ uwa rre ne uwa do dọlegbe yin otọe nii. Ọ gha khian otọe uwa, ohanmwẹ i ghi ra dọlegbe gbe uwa emọ.

Emọs 2:10

I viọ uwa ke Igipt ladian, I na su uwa la ato gberra vbe ukpo iyeva, I na mu otọ ivbi Amọri ne uwa, ne ọ gha re ọwua.

Emọs 2:9

“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Nọmbas 13:28

Sokpan, emwa ni rrọ keghi re emwa ẹtin, a na wa vbe gbe ekẹn ọnrẹn ẹsẹse. Ne ọ ghi wa ya khọ sẹ ehia, ma miẹn avbe ivbi uniẹn arhuanran vbe evba.

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Diuteronomi 1:28

Vbọzẹ ne ima gha na gha rrie evba. Ohan mu mwa. Emwa ne ima gie werriegbe rre do tama ima ighẹ emwa ni rre evba wegbe, iran kọnkọn sẹ ima. Iran wẹ ẹvbo ne a gbe ekẹn ne ọ yo sẹ iso gaa ọ re iran ye. Iran vbe miẹn avbe arhuanran vbe evba.’