Nọmbas 13:30 - Edo Bible (E Baibol Ẹdo) Version 1996

³⁰ E Kelẹb keghi gbe eta ye avbe emwa nii gui ma e Mosis unu, ọ wẹẹ, “Te ima ra dekun ẹvbo nii ne a mu ẹẹn nian, ma wegbe sẹ ne ọ gha khọn rẹn miẹn otọ.”

Nọmbas 13:30 ပူးပေါင်းရင်းမြစ်များ

Psalm 60:12

Osanobua deba mwa, ma gha khọnmiotọ rẹn gha khọn avbe eghian mwa.

Nọmbas 13:29

Odẹ ekẹn vbe otọ nii ọ re emwa Amalẹk ye, ẹvbo oke vbọ ọ re avbe Hiti Jebus, kevbe Amọri ye, ivbi Kenan keghi rre ọkpẹn okun Meditẹrrenian, iran yin lele Ẹzẹ Jọdan.”

Nọmbas 13:31

Sokpan avbe emwa ne iran vbe Kelẹb gba yo keghi kha wẹẹ, “Ẹn o, ma ma wegbe sẹ ne ọ gha dekun iran; iran ni rre evba wegbe sẹ mwa.”

Nọmbas 14:24

Sokpan, vbene a na miẹn wẹ Kelẹb ọguọmwadia mwẹ ighẹ uyimwẹ ọghọe lughaẹn, ọ keghi mudia ke mwẹ gbain, I gha rhie ẹre sẹ otọe ne irẹn ya ghe, otọe nii gha khian ọghe ivbi ẹre.

Nọmbas 34:19

Vbe nia: Ẹwae Olotu E Juda E Kelẹb ne ovbi Jefunẹ E Simiọn E Sielumiẹl ne ovbi Amihub E Bẹnjamin Elidad ne ovbi Kislọn E Dan E Buki ne ovbi Jogli E Manasẹ E Hanniẹl ne ovbi Ẹfọd Ifreim E Kemuẹl ne ovbi e Siftan E Zẹbulọn Eliazafan ne ovbi Panak Isaaka E Patiẹl ne ovbi Azan Asia Ahihud ne ovbi Sielomi E Naftali E Pẹdahẹl ne ovbi Amihud

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?

Ebe ne Pọl gbẹẹn gie emwa Rom 8:37

Awua, vbe uwu avbe emwi na hia, ma khọn miotọ nẹ fẹẹrẹ vbe ẹtin irẹn ni ne ọ ho ẹmwẹ mwa.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Hibru 11:33

Iyayi ọre iran ya gu agbọn ẹvbo ni bun khọn, iran na vbe khọnmiotọ. Iran ru emwi ne ọ kere, emwi ne Osanobua ve keghi sẹ iran obọ. Iran gue avbe oduma unu.