Nọmbas 13:3 - Edo Bible (E Baibol Ẹdo) Version 1996

^3-15 E Mosis keghi ru vberriọ ọ na ke ẹgbo Paran gie avbe ọkaolotu na gha khian: Ẹwae Ọkaolotu Ẹwae Riubẹn e Siamua ne ovbi Zakọ E Simiọn e Siafat ne ovbi e Hori E Juda e Kelẹb ne ovbi e Jefunẹ Isaaka Igal ne ovbi e Josẹf Ifreim e Hosia ne ovbi e Nọn E Bẹnjamin e Palti ne ovbi e Rafa E Zebulọn e Gadiẹl ne ovbi e Sodi E Manasẹ e Gadi ne ovbi e Susi E Dan Amiẹl ne ovbi e Gemani Asia e Setọ ne ovbi e Maikẹl Naftali e Nabi ne ovbi e Vopsi E Gad e Gẹuẹl ne ovbi e Makai

Nọmbas 13:3 ပူးပေါင်းရင်းမြစ်များ

Nọmbas 10:12

Ọre ivbi Izrẹl na deyan okhian iran, ne iran ya kpao vbe Oke Sainai rre. Okuku ni keghi do yakọ vbe ẹgbo ọghe Paran.

Nọmbas 12:16

Ẹre iran na kpao vbe Hazẹrot ya gbe agọ ye Paran.

Nọmbas 13:2

“Zẹ ọkpọkpa vbe uwu avbe ọkaolotu avbe ẹwae iweva nii ne u gie iran zẹ vbe ọrhẹ ne iran ya ba otọ Kenan ne I ra mu ne ivbi Izrẹl ghe.”

Nọmbas 13:26

e Mosis, Errọn kevbe ivbi Izrẹl hia gha die Kedẹs vbe ẹgbo Paran. Iran keghi na iyẹn emwi ne iran miẹn, iran na vbe mu ọmọ erhan ne iran viọ rre ma iran.

Nọmbas 32:8

Erriọ avbe erha uwa vbe ru ẹghẹ ne I na gie iran ke Kedẹs Bania gha khian ne iran ya ghe otọe nii ghe.

Nọmbas 34:17

“Eliaza ne ohẹn ne ovbi e Errọn gha guẹ ghae avbe otọe nii kevbe e Jọsua ne ovbi e Nọn.

Diuteronomi 1:19

“Ma keghi ru zẹ vbene Nọyaẹnmwa gie. Ma si kẹ oke Sainai kpao, ma na la ato nọkhua ne ọ mu ohan ne ọ rre odẹ ne a la ye ẹvbo oke emwa Amọri. Ma ghi sẹ Kedẹs Bania,

Diuteronomi 1:23

“Ọnii keghi wa ye vbe emwi ne ọ ma ne ọ kere ne a ru, ọ re I na hannọ arhin iweva, ọkpọkpa ke ẹwae ọkpọkpa rre.

Diuteronomi 9:23

Ugbẹn vbe ọ ghi gie uwa kpao vbe Kedẹs Bania rre nẹ, vbene ọ na wẹ ne uwa gha khian ya mu otọe nii ne irẹn ra mu ne uwa, wa keghi sọtẹ ghe ẹre wa ma mu ẹtin yan rẹn ra ne uwa họn ẹmwẹ ọnrẹn.

I Samuẹl 25:1

E Samuẹl keghi wu, ọre ivbi Izrẹl hia na si koko, iran na do khiẹ ọre. Iran na ghi re ẹre ye Rama ne ẹvbo ẹre. Vbe iyeke ọnọna, e Devid keghi kpao, ọ na gha rrie ẹgbo ọghe Paran.