Nọmbas 13:29 - Edo Bible (E Baibol Ẹdo) Version 1996

²⁹ Odẹ ekẹn vbe otọ nii ọ re emwa Amalẹk ye, ẹvbo oke vbọ ọ re avbe Hiti Jebus, kevbe Amọri ye, ivbi Kenan keghi rre ọkpẹn okun Meditẹrrenian, iran yin lele Ẹzẹ Jọdan.”

Nọmbas 13:29 ပူးပေါင်းရင်းမြစ်များ

Gẹnẹsis 14:7

Iran keghi fi ọdelegbe, iran na gha die Kedẹs (Enmispat ọre a tie ẹre ẹghẹ nii), iran keghi khọn otọ Amẹlẹk hia muotọ kevbe ọghe Amọn ni rre Hazazọn-tama.

Nehimaia 9:8

U miẹn wẹ ọ zẹ obọ lele uẹ u yanrẹn ne u mu otọ emwa Kenan ne ẹẹn. Otọ emwa Hiti kevbe Amọri otọ emwa Pẹriz, Jebus, Gẹgas, ne ọ gha re Otọe ne ivbi uniẹn ọnrẹn gha yin. U ru ẹe vbene u tae rhunmwuda, ekhọe ruẹ maa.

Psalm 83:7

ivbi Gẹbal, Amọn kevbe Amalẹk, kevbe Filistia kevbe Taia.

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Nọmbas 13:17

Ugbẹn vbe Mosis ghi gie iran ladian, ọ tama iran wẹẹ, “Wa la odẹ okuọ la odẹ ekẹn ọghe ẹvbo Kenan ya sẹ ẹvbo oke nii.

Nọmbas 13:30

E Kelẹb keghi gbe eta ye avbe emwa nii gui ma e Mosis unu, ọ wẹẹ, “Te ima ra dekun ẹvbo nii ne a mu ẹẹn nian, ma wegbe sẹ ne ọ gha khọn rẹn miẹn otọ.”

Nọmbas 14:25

Otọe iya ni ne emwa Amalẹk kevbe Kenan ye na. Vbe ẹdẹ na khuẹ, wa werriegbe, wa ya ọdelegbe la odẹ Okun Irunmwu la uwa ẹgbo.”

Nọmbas 14:43

Wa gha mu aro da avbe emwa Amalẹk kevbe Kenan, wa gha wulo ye okuo, e Nọyaẹnmwa i rrọ yaba uwa, rhunmwuda, wa he ne uwa lelẹe.”

Nọmbas 14:45

Ẹre emwa Amalẹk kevbe emwa Kenan ni rre evba na dekun iran, iran na khọn miẹn iran otọe, iran na khu iran do sẹ Họma.

Nọmbas 24:20

Ẹre Balam na vbe miẹn emwa Amalẹk vbe umian, ọ na kha wẹẹ: “Amalẹk ọ te re ẹvbo ne ọ wegbe sẹ ehia, sokpan vbe okiekie, ọ gha fuẹn uan ẹdẹdẹmwẹdẹ.”

Diuteronomi 20:17

Wa wa gbele emwa ni rrọ hia fo fẹẹrẹ: e Hiti, Amọri, e Kenan, e Pẹriz, e Hivi kevbe Jebus zẹ vbene Nọyaẹnmwa tama uwa ne uwa ru.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Jọsua 10:5

Avbe ọba Amọri isẹn na, ọba e Jerusalẹm, Hibrọn, Jamut, e Lakis kevbe Ẹgiọn, keghi si koko kevbe ivbiyokuo iran, iran keghi lẹga Gibiọn, iran na suẹn ọnrẹn ne a gu gbinna.

Jọsua 10:6

Ivbi e Gibiọn keghi gie emwa bu e Jọsua vbe agọ vbe Gilgal wẹẹ, “Ghẹ fi iyeke gbe ima enọwanrẹn! Zẹgiẹgiẹ gha dee do yi ma obọ! Miẹn ima fan! Avbe ọba Amọri hia ni rre ẹvbo odẹ uhunmwu oke wa kugbe mu aro igbinna da ima!”

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.

Jọsua 9:1

Avbe ọba hia ni rre orrie Jọdan keghi họn ẹmwẹ na, iran ni rre oke, iran ni rre otọ ne ọ rriẹe kevbe iran hia ni yin lele ọkpẹn Okun Meditẹrrenian, rhinrin ya sẹ Lebanọn, iran na keghi re avbe ọba ivbi e Hiti, Amọri, e Kenan, e Pẹriz, e Hivi kevbe Jebus.

Giọgis 3:5

Erriọ ọ re ivbi Izrẹl na gbe ẹkun sẹ otọ gha yin vbe uwu ẹbu emwa Kenan, Amọri, Pẹriz, Hivi kevbe Jebus.

Giọgis 6:3

Ẹghẹ kẹghẹ ne ivbi Izrẹl ya kọ emwiokọ, avbe ivbi e Midian deba ivbi Amẹlẹk kevbe emwa ni rre uwu ato ghi do gu iran gha gbinna!

I Samuẹl 14:48

Ọ gbinna igbinna ọmẹguae, obọ ẹre keghi ke ukhunmwu ne ọghe avbe ivbi Amẹlẹk. Ọ keghi degue Izrẹl hin obọ a dekun ọmwa rre.

I Samuẹl 27:8

E Devid kevbe emwa rẹn ghi mu igbinna gie emwa Gẹsiọ, Gizi kevbe Amalẹk ni ka rre otọe nii de yi ke nẹkpo i mwẹẹ arria gha dee. Ọ ghi fu emwi ni rre otọ iran ya sẹ Siọ kevbe rhinrin ya sẹ Igipt,

I Samuẹl 30:1

E Devid kevbe emwa rẹn keghi do sẹ Ziklag vbe iyeke ikpẹdẹ eva. Ivbi Amẹlẹk kegha khọn odẹ ekẹn ọghe Juda, iran na vbe do sẹ Ziklag. Iran keghi wa giẹn ẹvbo nii sẹ otọ.

I Samuẹl 7:14

Avbe ẹvbo ne Filistin te mu nọ hia, kevbe Ẹkrọn ya sẹ Gat, a keghi kie ehia werriegbe ne ivbi Izrẹl. Izrẹl keghi dọlegbe miẹn otọe ẹre hia werriegbe. Ọfumwegbe kegha rre ẹkpo ivbi Izrẹl kevbe emwa Kenan.