Nọmbas 13:20 - Edo Bible (E Baibol Ẹdo) Version 1996

²⁰ Wa ghe ẹre a deghẹ otọe nii ma emwiokọ, kevbe wẹ deghẹ erhan bun vbe otọe nii. Wa ghẹ mwẹ wa ma viọ rre vbe ọmọ erhan ni rre ẹvbo nii.” (Ẹghẹ ne ọmọ erhan ayọn nọ baa ya suẹn gha vbo nọ.)

Nọmbas 13:20 ပူးပေါင်းရင်းမြစ်များ

I Krọnikol 22:11

E Devid keghi rhie te ẹe wẹẹ, “Banbanna nian, ovbi mwẹ, te Nọyaẹnmwa ne Osanobua ruẹ gha deba ruẹ, ne ọ vbe mu eyan rẹn sẹ ne ọ gie Ọgua Osa ne a ra bọ ne ẹẹn mwẹ ruẹn uhunmwu.

Nehimaia 9:25

Emwa ruẹn khọn avbe ẹvbo ne a gbe ekẹn gaa, otọe esiesi kevbe, owa ni vuọn ne emwi ẹfe, avbe uhae ne a fian ye otọ nẹ. Avbe erhan oliv, erhan ni mọ ọmọ kevbe avbe ogba azara iran rri evbare nẹ ọ khọn iran, iran na gha ti ye egbe, iran ke ya emwi ne u viọ ne iran gha ku obọ ye uwa.

Nehimaia 9:35

Vbe ekpa afiangbe ruẹ, avbe ọba kegha kha yan emwa ruẹn. Vbe iran rre otọe ne ọ vbẹ aro, ne ọ maa emwiokọ, ne u mu ne iran, sokpan, iran ma fi iyeke gbe orukhọ ne iran do gha ga uwẹ.

Ezikiẹl 34:14

I gha gie iran gha rri irunmwu vbe ne a i na rre ẹbe vbe oke kevbe otọ ne irunmwu ye kevbe avbe irunmwu ne ọ bi nununu vbe otọe Izrẹl.

Daniẹl 11:24

Ọ gha mu okuo gie iyaẹvbo ne ẹfe ye vbe a ma ro a ma kọ, ọ gha vbe ru egbe ne avbe ọba ni karo ma ru. Ọ gha ghae avbe ẹfe kevbe emwi ne ọ fu viọ ke okuo ne, ne avbe ekpayẹ ọre. Ọ gha ru emwamwa vbene irẹn gha ya khọn avbe ẹvbo ne a gbe odin ga hẹ, sokpan, ẹ i kpẹe ọghọe ke fo vbotọ.

Maika 7:1

Ẹ i zẹdẹ maa, hiehie re! Te I ghi wa ye vbe ọmwa ne ohanmwẹ gbe ne ọ ma miẹn ọmọ erhan vbe uhunmwu erhan ra alimo ayọn vbe uhunmwu azara. Alimo ayọn hia kevbe avbe ọmọ erhan ni rhiẹnrhiẹn, iran kọlọ ehia fo nẹ.

Nọmbas 13:19

Wa ghe ẹre deghẹ nene ẹvbo maa ra ẹ i maa, kevbe wẹ deghẹ ẹvbo ne a ma gbe ekẹn gaa ra ne a gbe ekẹn ga ẹre iran ye.

Diuteronomi 1:24

Iran kegha rrie ẹvbo uhunmwu oke yasẹ Iya Eskol, iran na ghe ẹre ghe.

Diuteronomi 1:25

Iran keghi miẹn ọmọ erhan eso vba, iran na kọlọ eso bu ima gha dee, iran na do kha wẹ otọe ne Nọyaẹnmwa ne Osanobua mwa mu ne ima, otọe ne ọ ma emwi okọ ẹsẹse nọ.

Diuteronomi 31:23

Ẹre Nọyaẹnmwa na tama Jọsua ne ovbi e Nọn wẹẹ, “Wegbe ne u vbe din. U gha viọ ivbi Izrẹl gha rrie otọe nii ne I ve iran ere. I gha vbe gha rrọọ yaba ruẹ.”

Hibru 13:6

Rhunmwuda ọnii, wa gie ima din ne a kha wẹẹ, “Nọyaẹnmwa ọrọre ne ọ yọ mwẹ obọ, ohan ighi mu mwẹ. De emwi ne ọmwa gha sẹtin ru mwẹ re?”

Jọsua 1:6

U ghi wegbe ne u vbe din, rhunmwuda wẹ ọ re ọ ra mu ọkaolotu viọ emwa na gha rrie otọe nii ne I ve avbe erha iran odede ẹre wẹ I gha mu ne iran.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 2:3

Ẹre ọ na gie ne a khama Rehab wẹẹ, “Emwa ni di owa ruẹ ya, te iran rre do gualotọ otọe na hia! Viọ iran ladian!”