Nọmbas 13:2 - Edo Bible (E Baibol Ẹdo) Version 1996

² “Zẹ ọkpọkpa vbe uwu avbe ọkaolotu avbe ẹwae iweva nii ne u gie iran zẹ vbe ọrhẹ ne iran ya ba otọ Kenan ne I ra mu ne ivbi Izrẹl ghe.”

Nọmbas 13:2 ပူးပေါင်းရင်းမြစ်များ

Ẹksọdọs 18:25

Ọ keghi hannọ emwa nii sẹ ẹe vbe ivbi Izrẹl hia, ọ na ya iran ru ọkaolotu yan iran, ọkaolotu arriaisẹn, iyisẹn, ekigbesiyeha kevbe igbe.

Nọmbas 1:4

U ghi zẹlẹ ọka ẹvbo ọkpọkpa vbe uwu avbe ẹwae ni ne iran yuẹ obọ.”

Nọmbas 11:16

E Nọyaẹnmwa keghi tama e Mosis wẹẹ, “Si arhin ekigbe siyenẹ ni re ọkaolotu ni rẹn enegbe kevbe ne ọghọ rre ọre egbe koko, viọ iran bu mwẹ gha die Owa Ukpọn Ile, tama iran ne iran mudia ke uwẹ vba.

Nọmbas 13:16

Iran na ọrọre avbe ọrhẹ ne Mosis gie ne ọ ya ghe otọe nii ghe, ọ keghi fi eni Hosia ne ovbi e Nọn werriẹ khian Jọsua.

Nọmbas 13:3

E Mosis keghi ru vberriọ ọ na ke ẹgbo Paran gie avbe ọkaolotu na gha khian: Ẹwae Ọkaolotu Ẹwae Riubẹn e Siamua ne ovbi Zakọ E Simiọn e Siafat ne ovbi e Hori E Juda e Kelẹb ne ovbi e Jefunẹ Isaaka Igal ne ovbi e Josẹf Ifreim e Hosia ne ovbi e Nọn E Bẹnjamin e Palti ne ovbi e Rafa E Zebulọn e Gadiẹl ne ovbi e Sodi E Manasẹ e Gadi ne ovbi e Susi E Dan Amiẹl ne ovbi e Gemani Asia e Setọ ne ovbi e Maikẹl Naftali e Nabi ne ovbi e Vopsi E Gad e Gẹuẹl ne ovbi e Makai

Nọmbas 32:8

Erriọ avbe erha uwa vbe ru ẹghẹ ne I na gie iran ke Kedẹs Bania gha khian ne iran ya ghe otọe nii ghe.

Nọmbas 34:18

U ghi vbe rhie ọkaolotu ọkpọkpa vbe dọmwadẹ ẹwae ni rrọọ ne iran vbe gu iran gha ẹre.”

Diuteronomi 1:15

Ọre I na viọ emwa ni wan an, kevbe ni rẹn agbọn vbe uwu avbe ekaolotu uwa ne uwa zẹlẹe vbe ẹwae uwa, I na wẹ ne iran gha gbearoghe uwa. Eso kegha gbearoghe arhin arriaisẹn vbọ, eso iyisẹn, eso ekigbesiyeha, eso igbe. I keghi ye vbe zẹlẹ emwa ọvbehe eso ye ukpo vbe uwu avbe ẹwae nii hia.

Diuteronomi 9:23

Ugbẹn vbe ọ ghi gie uwa kpao vbe Kedẹs Bania rre nẹ, vbene ọ na wẹ ne uwa gha khian ya mu otọe nii ne irẹn ra mu ne uwa, wa keghi sọtẹ ghe ẹre wa ma mu ẹtin yan rẹn ra ne uwa họn ẹmwẹ ọnrẹn.

Jọsua 3:12

Banbanna nian wa zẹ arhin iweva, ọkpọkpa ke dọmwadẹ ẹwae Izrẹl rre.