Nọmbas 13:17 - Edo Bible (E Baibol Ẹdo) Version 1996

¹⁷ Ugbẹn vbe Mosis ghi gie iran ladian, ọ tama iran wẹẹ, “Wa la odẹ okuọ la odẹ ekẹn ọghe ẹvbo Kenan ya sẹ ẹvbo oke nii.

Nọmbas 13:17 ပူးပေါင်းရင်းမြစ်များ

Gẹnẹsis 12:9

Ebram keghi laghe odẹ ekẹn, ọ keghi khian ke agọ ọkpa dinna ọvbehe vbe odẹ ne ọ laghe otọe Kenan.

Gẹnẹsis 13:1

Ebram keghi la odẹ okuọ lahin Igipt rre gha rrie otọ odẹ ekẹn Kenan, ke irẹn kevbe amwẹ ọnrẹn, kevbe emwi ne irẹn mwẹ hia. Lọt kevbe lelẹe.

Gẹnẹsis 13:17

Wanwanna nian, mu egbe ne u khian la otọe nii ga a, rhunmwuda, te I ra mu ehia nuẹn.”

Gẹnẹsis 13:3

Rẹn keghi si ke agọ la agọ kevbe ihe ọkpa la ọvbehe gha rrie odẹ Bẹtẹl vbe ehe ne ọ ka bu agọ yi ẹghẹ ọkpa vbe ẹkpo Bẹtẹl kevbe Ai.

Gẹnẹsis 14:10

Uvun ọdan ọre ọ vuọn iya ọghe Sidim, ugbẹn vbe avbe ọba Sọdom kevbe Gomorra ghi te ra lẹ kua vbe okuo, iran na kharha ye uwu uvun nii, iran nekpa ke lẹ la uhunmwu oke.

Nọmbas 13:18

Wa ghe egbe ẹvbo ne ọ khin, inu emwa ni rre evba kevbe vbene iran wegbe sẹ hẹ.

Nọmbas 13:29

Odẹ ekẹn vbe otọ nii ọ re emwa Amalẹk ye, ẹvbo oke vbọ ọ re avbe Hiti Jebus, kevbe Amọri ye, ivbi Kenan keghi rre ọkpẹn okun Meditẹrrenian, iran yin lele Ẹzẹ Jọdan.”

Nọmbas 14:40

Vbe owiẹ ikpẹdẹ ne ọ lelẹe, iran kegha khian ya khọn ẹvbo ne ọ rre uhunmwu oke, iran wẹẹ, “Ma mu egbe nian ne a gha rrie ehe ne Nọyaẹnmwa tama mwa nii. Ma miẹn kue ighẹ ma rukhọ.”

Diuteronomi 1:44

Ẹre emwa Amọri ni rre avbe ẹvbo nii na vẹ rhu uwa vbe owọn, iran keghi zẹ uwa khu, ya sẹ Họma obọ iran na ke odukhunmwu ne uwa vbe evba vbe ẹvbo oke ọghe Idọm.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 15:3

Ọ keghi vbe niẹn ghe odẹ ekẹn ke Akrabim Pas kpao wa ya sẹ Zin. Ọ na niẹn obọ ghe odẹ ekẹn gha rrie Kedẹs Bania, ọ keghi fian Hẹzrọn rra gha rrie Ada, ọ keghi vbokho ghe odẹ Kaka,

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Giọgis 1:15

Ọmọ okhuo nii keghi wanniẹn wẹẹ, “Ihaoko, vbene u ghi na rhie mwẹ ye ato nẹ, mu uhae amẹ eso mẹ.” Ọ re Kelẹb na mu ovbi ẹzẹ ne ọ ke otọ kevbe ne ọ ke ukhunmwu ne ẹẹn.

Giọgis 1:9

Vbe iyeke ọnii, iran keghi mu okuo gie ivbi e Kenan ni rre ẹvbo oke kevbe ẹvbo ni vbe yerre uye ni gbe ghe otọ.