Nọmbas 12:14 - Edo Bible (E Baibol Ẹdo) Version 1996

¹⁴ E Nọyaẹnmwa keghi wanniẹn wẹẹ, “Akpawẹ te erha ẹe ghi tu asẹn ye ọre aro vbo, ẹre te ọ gha ziengbe efaa ẹre la ikpẹdẹ ihinrọn. Rhunmwuda ọnii, wa rhie ẹre hin agọ rre la uzọla ọkpa, vbe iyeke ọnii, a sẹtin rhie ẹre werriegbe rre.”

Nọmbas 12:14 ပူးပေါင်းရင်းမြစ်များ

II Ọba 15:5

E Nọyaẹnmwa keghi hihiẹ emwirregbekẹn ne emianmwẹ dan ku Uzaia. Ọ ma lahin ẹre egbe rre ọ te ya wu. Rẹn ọkpa vbe ẹhi ẹre keghi ya gha re owa ọkpa, a ma ghi gie ẹe ru emwi ne ọ khẹ ke ẹe rhọkpa, e Jotan ne ovbi ẹre kegha khaemwisẹ gbearoghe ẹvbo.

Job 17:6

Eban nian, te emwa ghi kpa itan na mẹ. Iran ghi do gha tulo asẹn yọ mwẹ aro.

Job 30:10

Te iran ghi sọnnọ mwẹ, iran wẹ iran maa sẹ mwẹ gbe, iran gha bẹghe mwẹ, iran ghi gha tulo asẹn yọ mwẹ aro.

Aizaia 50:6

I bannọ iyeke mwẹ yotọ ne iran ni gbe mwẹ, iran rhovbiẹ mwẹ, I ma gbe eta ye iran unu ẹghẹ nii iran na gha vbọlọ mwẹ eto ne uhunmwu iran na tulo asẹn yọmwẹ aro.

Levitikọs 13:4

Sokpan a deghẹ ikpakpa egbe ne ọ hinmwiaẹn nii fuọfua ighẹ ọ yevbe ne ọ ma dinmwi ghe otọ gberra ikpakpa egbe ni lẹga ẹre, ighẹ eto ni rrọọ ma he vbe khian nọfua, ohẹn ghi wẹ ne irẹn ọkpa ya gha rre ihe ọkpa la ikpẹdẹ ihinrọn.

Levitikọs 14:8

Ọmwa nii ghi họ ukpọn rẹn, ọ ghi zẹ eto ẹre hia kua, ọ ghi ya khuẹ, ẹghẹ nii, ọ ghi do gha re ne ẹ i ghi mwẹ awua. Ọ sẹtin la uwu agọ sokpan, ọ ghi di owa ẹre ya ọ te sẹ ikpẹdẹ ihinrọn.

Nọmbas 5:1

E Nọyaẹnmwa keghi tama e Mosis wẹẹ,

Matiu 26:67

Ẹghẹ ni, iran na ghi gie asẹn ye ọre aro, iran keghi ya ugbemwẹ rhanmwẹ ọẹn. Iran ni gbe ubi ye ọre aro keghi vbe kha wẹẹ,

Diuteronomi 25:9

okhuo ni ne ọtiọnrẹn wu sẹrae ni ghi khian sikẹ ọ re vbe sirra avbe ọkaolotu ẹvbo, ọ ghi yuo ibata ọkpa hin ẹre owẹ rre, ọ ghi tu asẹn ye ọ re aro, ọ ghi kha wẹẹ, ‘Erriọ ọ re ọ sunu vbe egbe ọmwa ne ọ he ne ọ gie ọtiọnrẹn mwẹ ọmọ ye agbọn.’

Hibru 12:9

Zẹ vbene erha ima ni rre agbọn na ye, iran gbe ima hin ọkhọ rre, ma ghi ye vbe gha ye ọghọ ne iran. Inuinu ọ ghi wa ya ke sẹẹ, ne ima gha gbe uhunmwu ke otọ ne Erha mwa vbe ọ ghe orhiọn! Ne ima vbe die agbọn ya.