Nọmbas 12:13 - Edo Bible (E Baibol Ẹdo) Version 1996

¹³ Ẹre Mosis na datu tie Nọyaẹnmwa wẹẹ, “Osanobua, mu ẹre egbe rran.”

Nọmbas 12:13 ပူးပေါင်းရင်းမြစ်များ

Gẹnẹsis 20:17

Nọyaẹnmwa keghi ruẹe ne okhuoikokhuo ghe miẹn ọmọ biẹ vbe owa Abimẹlẹk rhunmwuda emwi ne ọ sunu vbe egbe Sera ne amwẹ Ebraham. Ebraham keghi na erhunmwu ne Abimẹlẹk, Osanobua keghi mu ẹre egbe rran. Ọ kevbe mu amwẹ ọnrẹn ke avbe eviẹn ọnrẹn nikhuo ne iran sẹtin gha biẹlẹ.

I Ọba 13:6

E Jeroboam ne ọba keghi tama akhasẹ nii wẹẹ, “Lahọ na erhunmwu ghe e Nọyaẹnmwa Osanobua ruẹ mẹ ne u tama rẹn ne ọ dọlọ obọ mwẹ yi.” Akhasẹ keghi na erhunmwu ghe e Nọyaẹnmwa, a keghi dolọ obọ ọba yi.

Psalm 30:2

Nọyaẹnmwa Osanobua mwẹ, I tu tie ruẹ nọ iyobọ. U keghi mu mwẹ egbe rran

Psalm 41:4

Mẹ khare wẹẹ, “Nọyaẹnmwa mẹ rukhọ ghe ruẹ nẹ tohan mwẹ ne u mu mwẹ egbe rran.”

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Ẹksọdọs 4:7

E Nọyaẹnmwa keghi kha wẹẹ, “Dọlegbe rhie obọ ruẹ ye uwu ẹwu ruẹ.” Ọ keghi ru vberriọ, ọ ghi rhie ẹre ladian, ọ kegha ye zẹ vbene egbe ẹre nekpa ye.

Aizaia 30:26

Uki ghi gha baa vbe owẹn, owẹn ghi rhie ukhukhu ihinrọn ba egbe vbene ọ ya yunmwu de yi, vbene a miẹn wẹ ne ọ gha te yunmwu vbe ikpẹdẹ ihinrọn ọ re ọ ghi wa rhie ye ikpẹdẹ okpa kẹkan. Ọna gha sunu, vbe ẹghẹ ne Nọyaẹnmwa gha na gbalọ, ọ ghi kpee rrie ighe ẹwẹn ne ọ te fian emwa rẹn re.

Jerimaia 17:14

Nọyaẹnmwa, mu mwẹ egbe rran, egbe gha wa rran mwẹ giẹnrẹn; yuo mwẹ ladian, I gha vbe fe vbe obọ ẹbe fẹẹrẹ, wẹ ọrọre ọmwa ne imẹ rho vbe uyi!

Nọmbas 11:2

Emwa nii keghi viẹ bu e Mosis wẹ ne ọ yi iran obọ, rẹn keghi na erhunmwu ghe Nọyaẹnmwa, ọ re erhẹn nii na dọyọ.

Nọmbas 12:12

Ghẹ gie ẹe do yevbe emwi ne a biẹe ne ọ wu ye agbọn, vbe ne asefẹn ọkpa vbe ikpakpa egbe ẹre na khian ne emwi re.”

Nọmbas 14:2

Iran kegha gui ẹzọ e Mosis kevbe Errọn wẹẹ, “Ma te wa wulo vbe Igipt ra vbe uwu ẹgbo na ọre ọ maa sẹ.

Nọmbas 16:41

Ẹdẹ ne ọ lelẹe, emwa ni hia keghi suẹn gha gui ẹzọ uwu unu ghe Mosis kevbe Errọn wẹẹ, “Wa gbele eso ua vbe uwu emwa e Nọyaẹnmwa.”

Iyẹn ne ọ Maan Ọghe Luk 23:34

Jesu keghi kha wẹẹ, “Evbavba yabọ iran rhunmwuda iran ma rẹn emwi ne iran ru.” Iran keghi yan uta ye ukpọn rẹn, iran na gha ẹre ne egbe.

Iyẹn ne ọ Maan Ọghe Luk 6:28

Wa gha na erhunmwu ne iran ni tie ihẹn ne uwa, ne uwa vbe gha ho ọ maa ghe iran ni ru uwa khọ.

Iwinna 7:60

Rẹn keghi de fie iguẹ, ọ na datu wẹ, “Nọyaẹnmwa ghẹ ka orukhọ na ye iran owẹ.” Ọ ghi tae nẹ, ọ keghi wu.

Ebe ne Pọl gbẹẹn gie emwa Rom 12:21

Ghẹ gia obọ ọkhọ ke odukhunmwu nuẹn, sokpan, ya ọ maa rhie obọ yan ọkhọ uhunmwu.

Jems 5:15

Erhunmwu ne a ye iyayi na, gha miẹn ọmwa ne ọ khuọnmwi nii fan, Nọyaẹnmwa gha rhie egberranmwẹ nẹẹn, a ghi vbe ya orukhọ ne ọ te ru bọ ẹe.

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.

I Samuẹl 15:11

“Ọ da mwẹ ne I na ma e Sọl ọba, ọ fi iyeke gbe mwẹ nẹ, te ọ ghi rra uhi mwẹ.” Ohu keghi mu e Samuẹl, ọ na ye asọn ni hia rinmwian e Nọyaẹnmwa.