Nọmbas 11:31 - Edo Bible (E Baibol Ẹdo) Version 1996

³¹ Vbe udomwurri, e Nọyaẹnmwa keghi gie ẹhoho ni viọ Ukorobozo ke odẹ okun gha dee, iran kegha tin lele omwa ibata eha ke otọ kpao. Iran keghi yakọ vbe agọ nii la ibiriki eso lẹga ẹre vbe asefẹn ọnrẹn hia.

Nọmbas 11:31 ပူးပေါင်းရင်းမြစ်များ

Psalm 105:40

Iran nọ rẹn ọ keghi viọ ukobozo gie iran, ọ rhie evbare gie iran ke ẹrinmwi rre ne ọ gie ẹko vuọn iran.

Psalm 106:15

Ọ keghi rhunmwuda ọnii rhie emwi ne iran nọ rẹn ne iran, sokpan, ọ keghi vbe mu emianmwẹ dan ku iran.

Psalm 135:7

Ọ mu okpẹhoho okuku amẹ ke ehe ne agbọn sẹe gha dee, ọ ru ayan ne okpẹhoho, ọ kevbe kie okpẹhoho ke uwu aza ẹre ladian.

Ẹksọdọs 10:13

Ẹre Mosis na niẹn ọkpọ ẹre, e Nọyaẹnmwa na gie ẹhoho hoho la otọe nii hia la ẹghẹ avan kevbe ẹghẹ asọn hia ke odẹ ọlarre ovẹn gha dee. Ẹdẹ ghi gbe, ọ viọ avbe irhiso nii hia rre nẹ.

Ẹksọdọs 10:19

E Nọyaẹnmwa keghi fi ẹhoho nii werriẹ khian ọ ghe odẹ orrie ne ọ viọ avbe irhiso nii, ọ ke kpolo ehia ku okun Irunmwu. Irhiso ọkpa ma vbe ke ẹe vbe otọ Igipt.

Ẹksọdọs 15:10

Sokpan, ẹhoho uhiọnrọnmwẹ okpa ke ehe ne u ye rre, okun keghi gue ivbi Igipt muotọ. Iran na dinmwi zẹ vbe oze, gha rrie ototọ amẹ ne ọ gbe orrirri nii.

Ẹksọdọs 16:13

Ọ ghi sẹ ẹghẹ ota, ahianmwẹ ne iran tiẹre kuel keghi vẹ rre, ọ gba agọ nii hia, ọ ghi vbe sẹ owiẹ, evbu keghi ro lẹga agọ nii.

Nọmbas 11:30

Ẹre Mosis kevbe avbe ekaolotu ekigbesiyenẹ vbe Izrẹl nii na werriegbe gha rrie agọ.