Nọmbas 11:29 - Edo Bible (E Baibol Ẹdo) Version 1996

²⁹ E Mosis keghi wanniẹn wẹẹ, “Ohanmwẹ i to uwẹ ra? Ọ gha wa ye mwẹ akpawẹ e Nọyaẹnmwa gha rhie orhiọn na ne emwa rẹn hia ne iran hia gha guan zẹ vbe akhasẹ.”

Nọmbas 11:29 ပူးပေါင်းရင်းမြစ်များ

Joẹl 2:27

Izrẹl wa gha rẹn ẹghẹ nii wẹ adesẹneva uwa ọ re I ye kevbe wẹ mẹ ne Nọyaẹnmwa, ọrọre Osanobua uwa, kevbe wẹẹ, ọvbehe i rrọ. A i ghi dọlegbe zan emwa mwẹ ọvbehe.

Joẹl 3:1

E Nọyaẹnmwa khare wẹẹ, “Ọ gha sẹ ẹghẹ nii, I gha gie agbọn dọlegbe maa e Juda kevbe Jerusalẹm.

Nọmbas 11:30

Ẹre Mosis kevbe avbe ekaolotu ekigbesiyenẹ vbe Izrẹl nii na werriegbe gha rrie agọ.

Iyẹn ne ọ Maan Ọghe Luk 10:2

Ọ tama iran wẹẹ, “Emwiorhọ wa bun sokpan emwa iwinna ni ra rhọ ẹre i bun. Wa gha na erhunmwu ghe ne ọ yan emwiorhọ ne ọ miẹn ehe na gie emwa ni bun sa yọ gha dee do rhọ emwiorhọ.

Iwinna 26:29

E Pọl keghi wanniẹn wẹ, “Ọre vbe ovbi ẹghẹ kherhe nọ ra ẹghẹ ne ọ taẹn nọ, erhunmwu ne I na ghe Osanobua ọrọre wẹ ne uwẹ kevbe emwa hia ni danmwehọ mwẹ ẹrẹna dọ khian vbene I mẹ yi, sokpan ẹ i re ọghe ọgiọrọ na I kha vbọ!”

I Kọrinti 13:4

Te aho ẹmwẹ ọmwa ziengbe emwi, ọ vbe mwẹ itohan, oya ọmwa i da ẹe, aho ẹmwẹ ọmwa, ẹ i ye obọ rra ẹwẹe ra ne ọ gha tọn egbe mu.

I Kọrinti 14:5

Ne ọ gha wa yẹ mwẹ sẹ ọrọre ne a ya ẹmwẹ ikporhu Osanobua we uwa hia. Rhunmwuda, ọmwa ne ọ kpe orhu ẹmwẹ Osanobua ọre ọ maa sẹ ne ọ ya urhu ne a ma rẹn guan, sokpan a ma wẹ, ọmwa ne ọ gha zẹ edu rre evba, ne ọ miẹn ehe na ru iyobọ ne esọsi hia.

I Kọrinti 3:21

Rhunmwuda ọnii, we ne ọmwa rhọkpa ghẹ ya emwi ne emwa ne agbọn sẹtin ru rhuọ: Vbe ẹmwata, wa ọre ọ yan emwi hia.

I Kọrinti 3:3

Rhunmwuda emwi agbọn na he wa ye gu uwa obọ ro. Ugbẹn vbe a miẹn wẹ, wa ye gbe ọvo egbe, wa gu egbe gui, ẹ i re te ọnii rhie maa ighẹ emwa kẹkan ọ ghe agbọn na ọre uwa he ye khin, wa keghi wa yin zẹ vbene iran guẹe.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”

Jems 5:9

Wa ghẹ gha gui ẹzọ egbe khian, etẹn mwẹ. Ne Osanobua ghẹ vbe bu ohiẹn uwa. Ne ọ bu ohiẹn sẹ emwa fo nẹ, ọ mu egbe nẹ ne ọ la owa.

I Pita 2:1

Rhunmwuda ọnii nian, wa gie a wabọ emwi dan hin ehe ne uwa ye rre, ohoghe ne a ta fo, kevbe ẹkẹ vbe iwẹnwẹn kevbe oya ọmwa da ọmwa, kevbe ẹmwẹ obi unu.

I Samuẹl 10:6

Orhiọn Osanobua gha hin yan ruẹn, u ghi deba iran gha ku, u ghi vbe gha go, u ghi gha ru vbe ọmwa ughaẹn fẹẹrẹ.