Nọmbas 11:25 - Edo Bible (E Baibol Ẹdo) Version 1996

²⁵ E Nọyaẹnmwa keghi la okuku tuorre do gu e Mosis guan. Ọ keghi rhie vbe ẹtin ne ọ rhie ne Mosis nẹ, ọ na rhie ne avbe arhin ekigbe siyenẹ ni re ekaolotu nii. Ugbẹn vbe orhiọn nii ghi tuorre yan iran, iran kegha vannọ sokpan zẹ vbe avbe akhasẹ, ọ ma ghi kpẹe ọ keghi dobọyi.

Nọmbas 11:25 ပူးပေါင်းရင်းမြစ်များ

II Ọba 2:15

Avbe akhasẹ ekigbesiyeha ni ke Jẹriko rre keghi dẹghe ẹre, iran wẹẹ, “Ẹtin ọghe Elaija rhuẹ yan Elaisia nẹ.” Iran keghi bu ẹre gha khian, iran na vbokho egbe rriotọ ne ẹẹn,

Nehimaia 9:20

Vbe uwu umamwẹ ruẹn wẹ tama iran emwi ne iran gha ru. U ya e mana koko iran, u na vbe sa amẹ ne iran wọn.

Psalm 99:7

Ọ keghi ke orre okuku gu iran guan, iran kegha ya uhi kevbe emwamwa, ne ọ viọ ye iran otọ ru emwi.

Ẹksọdọs 32:32

Sokpan, banbanna nian, lahọ ya orukhọ iran bọ iran. Adeghẹ u i ra ya bọ iran, lahọ khiẹn eni mwẹ hin ebe ne u gbẹnnẹ eni emwa ruẹn yi rre.”

Ẹksọdọs 34:5

E Nọyaẹnmwa keghi nana okuku tuorre, ọ keghi mudia vbe evba, ọ keghi sunu ye eni irẹn Ne ọ huanrẹn, e Nọyaẹnmwa.

Ẹksọdọs 40:38

Okuku nii ne ọ rhie maa wẹẹ e Nọyaẹnmwa rre evba ghi gha mudia yan Owa Ukpọn nii vbe avan, erhẹn ghi vbe gha ba vbọ vbe asọn vbe ehe ne ivbi Izrẹl hia gha na sẹtin bẹghe vbe uwu ẹghẹ hia ne iran ya gha si ke agọ dinna agọ.

Aizaia 63:11

Sokpan, iran keghi do ye ẹkpo nẹdẹ rre, ẹghẹ e Mosis ne ọguọmwadia e Nọyaẹnmwa, ọ re iran na ghi nọọn wẹẹ, “De ehe ne Nọyaẹnmwa ghi ye yi, ọmwa ne ọ miẹn avbe ọkaolotu emwa irẹn fan vbe obọ okun? De ehe ne Nọyaẹnmwa ghi ye yi ọmwa ne ọ rhie orhiọn irẹn ne Mosis?

Ezikiẹl 8:11

Avbe ọkaolotu Izrẹl ekigbesiyenẹ kegha rre evba, kevbe Jaazanaia ne ovbi e Siafan. Dọmwadẹ ọghọe keghi mu emwi ne a ya gien eturari mwẹ obọ, eturari nii kegha zẹ ighogho ladian.

Nọmbas 11:17

I gha tuorre do guẹ guan vbe evba, I gha rhie vbe orhiọn ne I rhie ne uwẹ nẹ, I ghi rhie ne iran. Ẹghẹ nii iran ghi gha ru iyobọ ne uẹn ya gha gbe aro ghe avbe emwa na, ne ọ ghẹ ghi gha re wẹ wẹ ọkpa ọ re ọ mu uhunmwu da ẹre.”

Nọmbas 12:5

ẹre Nọyaẹnmwa na nana orre okuku tuorre, ọ na mudia ye onurho Owa Ukpọn. ọ keghi da tie wẹẹ, “Errọn! Miriam!” Iran eveva keghi zẹ owẹ ghe odaro.

Nọmbas 16:25

Avbe ọkaolotu ivbi Izrẹl keghi lele Mosis gha rrie ọghe Datan kevbe Abiram.

Nọmbas 24:2

Ọ na bẹghe ivbi Izrẹl vbe ehe ne dọmwadẹ ẹwae na bu agọ. Orhiọn Osanobua ke hin yan rẹn.

Nọmbas 27:18

E Nọyaẹnmwa keghi tama e Mosis wẹẹ, “Rhie Jọsua ne ovbi e Nọn, okpia ne ọ sẹ ihe ne u viọ obọ ruẹ yan ẹre uhunmwu.

Iwinna 11:28

Ọkpa vbe uwu iran, ne a tie eni ẹnrẹn Agabus keghi kpaegbe, ọ keghi ya ẹtin Orhiọn ta ẹe ye otọ ighẹ ukhunmwu nọkhua ra do fi la otọ agbọn hia. (Emwi na gele sunu vbe ẹghẹ ne Klọdiọs na gha re Nọgbaisi.)

I Kọrinti 14:32

Ọ kere ne ọmwa ne a ya ikporhu ẹmwẹ Osanobua we daeyi ye uro ẹsẹse vbe ọ gha guan.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.

Giọgis 3:10

Orhiọn e Nọyaẹnmwa keghi hin yan ẹnrẹn, ọ keghi gha re ọkaolotu Izrẹl. Otniẹl kegha rrie okuo, e Nọyaẹnmwa keghi gie ẹe khọn ọba Mẹsopotamia miotọ.

I Samuẹl 10:10

E Sọl kevbe ọguọmwadia ẹre ghi sẹ Gibea, otu akhasẹ ọkpa keghi do vba ẹre. Orhiọn Osanobua keghi hin yan rẹn udomwurri ọ na deba iran gha kuu, ọ kevbe gha go.