Nọmbas 11:20 - Edo Bible (E Baibol Ẹdo) Version 1996

²⁰ Sokpan la uki hoho, rhinrin ọ te la uwa ehọ ladian, rhinrin ọ te do khan uwa. Ọ na gha sunu rhunmwuda ne uwa na he Nọyaẹnmwa, ne ọ gu uwa rre emwa na, wa gui ma rẹn wẹ ọ ma te kei ne uwa kpa hin Igipt rre?”

Nọmbas 11:20 ပူးပေါင်းရင်းမြစ်များ

II Samuẹl 12:10

Banbanna nian, te a gha miẹn ivbi uẹ eso ne ọ gha wu uwu ikpanikpan vbe orre hia, rhunmwuda, u rra uhi mwẹ, u keghi rhie amwẹ Uraia.

Psalm 106:15

Ọ keghi rhunmwuda ọnii rhie emwi ne iran nọ rẹn ne iran, sokpan, ọ keghi vbe mu emianmwẹ dan ku iran.

Ẹksọdọs 16:13

Ọ ghi sẹ ẹghẹ ota, ahianmwẹ ne iran tiẹre kuel keghi vẹ rre, ọ gba agọ nii hia, ọ ghi vbe sẹ owiẹ, evbu keghi ro lẹga agọ nii.

Ẹksọdọs 16:3

Iran wẹẹ, “E Nọyaẹnmwa wa gbele ima ye Igipt ọre ọ te maa sẹ. Evba ma gha na te gha tota ke ọkpan emiowo, ma ghi vbe gha rri evbare vbene ọ khọn mwa sokpan wa viọ ima la uwu ato na ne uwa do ya ohanmwẹ gbele ima an.”

Ẹksọdọs 16:8

E Mosis keghi kha wẹẹ, “E Nọyaẹnmwa ọre ọmwa ne ọ ra rhie emiowo ne uwa re vbe ota kevbe inu ebrẹd ne uwa ho vbe owiẹ, rhunmwuda ọ họn vbe ne uwa ghi gui ẹzọ irẹn hiẹ.”

Itan 27:7

Ẹko gha vuọn ọmwa nẹ, te ọ he owọn vbe a gha rhie ne ẹẹn, sokpan ohanmwẹ gha gbe ọmwa, uhin ighe te avbe evbare ni rriara hia ghi rhiẹnrhiẹn.

Malakai 1:6

E Nọyaẹnmwa ne Oghodua tama avbe ohẹn wẹẹ, “Te ọmọ ya ọghọ ne erha ẹe, ọviẹn vbe ya ọghọ ne arowa ẹre. Mẹ ọrọre erha uwa, vbọzẹ ne uwa i na ya ọghọ mẹ? Mẹ ọrọre arowa uwa, vbọzẹ ne uwa i na lohan mwẹ? Wa zan mwẹ wa ghi ye vbe gha nọ wẹẹ, ‘Vbe ima ya zan ruẹn hẹ?’

Nọmbas 11:13

Vbia ra na miẹn emiowo viọ ne iran na hia? Iran gha khiẹkhiẹ egbe, iran gha nọ ne a rhie emiowo ne iran.

Nọmbas 11:19

Wa gha miẹn ọn re, ẹ i re wẹ la ẹdẹ ọkpa ra ikpẹdẹ eva ra ikpẹdẹ isẹn ra igbe ra ikpẹdẹ ugie.

Nọmbas 11:21

E Mosis keghi khama e Nọyaẹnmwa wẹẹ, “Arhunmwu arriaisẹn uri eha (600,000) ọ re I hẹ khian na, wẹ ke kha wẹ u gha ya emiowo ne ẹko ẹre gha vuọn iran koko iran la uki hoho?

Nọmbas 14:3

Vbọzẹ ne Nọyaẹnmwa na viọ ima rrie ẹvbo nii yi? Iran gha gbele ima rua vbe okuo, iran ghi munọ avbe ivbi ima kevbe amwẹ ima oghunmwu viọ gha rrie. Ẹre a wa werriegbe gha rrie Igipt ọre ọ maa sẹ.”

Nọmbas 14:4

Iran na rhunmwuda onii zẹ ọe vbe iro ma egbe iran wẹẹ, “Wa gie ima zẹ ọkaolotu ne a dọlegbe gha rrie Igipt.”

Nọmbas 16:13

Ne u na viọ ima ke otọ esiesi vbe Igipt ladian ne u do gbele ima an vbe uwu ẹgbo na ma he ye sẹ ra? Te u ghi ra vbe gha ya ima ru ẹe rua ba onii ra?

Nọmbas 20:4

Vbọzẹ ne uwa na hẹ ima la ẹgbo? Ẹre te ima vbe emwirri ra wulo na?

Nọmbas 21:5

Iran kegha filo unu gie Osanobua kevbe Mosis, iran kegha gui ẹzọ uwu unu wẹẹ, “Vbọzẹ ne uwa na viọ ima ke Igipt gha die uwu ato yi ne ima do wulo vbe ehe ne evbare i ye, amẹ i rrọ. Ẹtin ima ghi sẹ ẹmwẹ evbare oya na ọvbehe.”

Iwinna 13:41

“ ‘Ghe, wa ne ọkpọzua, wa gie ẹe yan uwa aro ua ne uwa wulo! Rhunmwuda iwinna ne I winna vbe ẹghẹ rua na keghi re emwi ne uwa i ra yayi, a gha rhe miẹn ne ọ rhan otọ ẹre ma uwa!’ ”

I Tẹsalonaika 4:8

Rhunmwuda ọnii, ọmwaikọmwa ne ọ ma rhan obọ miẹn iruẹmwi na, ẹ i re ọmwa ne agbọn ọre ọ ma rhan obọ miẹn ighẹ Osanobua ne ọ rhie nene iruẹmwi rre nọ, ọmwa ne ọ rhie Orhiọn Ne Ọ Huanrẹn ọghọe ne uwa.

Jọsua 24:27

ọ keghi tama emwa ni hia wẹẹ, “Wa ghe okuta na; ọ na ọ re ọ ra gha re osẹe ima. Ọ họn ẹmwẹ hia ne Nọyaẹnmwa tama ima. Rhunmwuda rẹn ọ re ọ ra sẹ osẹe gbe uwa, ne ọ ghẹ gie uwa ya sọtẹ ghe Osanobua uwa.”

I Samuẹl 10:19

Mẹ ọrọre Osanobua uwa, ne ọ viọ uwa hin uwu ukpokpo kevbe ọlọghọmwa ne uwa ye rre, sokpan banbanna nian, wa he mwẹ yotọ, wa na wẹ ne I rhie ọba ne uwa. Ọ maa khekherriọ, wa do si egbe koko ye odaro mwẹ vbe uniẹn kevbe ẹgbẹe!’ ”

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.