Nọmbas 11:18 - Edo Bible (E Baibol Ẹdo) Version 1996

¹⁸ Banbanna nian, tama avbe emwa nii wẹẹ, “Wa họnmwẹ egbe rhunmwuda wa gha miẹn emiowo re akhuẹ. E Nọyaẹnmwa họn izuyọn uwa, ne uwa na vbe kha wẹ akpawẹ te uwa miẹn emiowo re nian, kevbe wẹ agbọn ma uwa sẹ ọna vbe Igipt. Banbanna nian, e Nọyaẹnmwa gha rhie emiowo ne uwa, te uwa gha rri ọe.

Nọmbas 11:18 ပူးပေါင်းရင်းမြစ်များ

Gẹnẹsis 35:2

Ẹre Jekọb na do khama ẹgbẹe ọre kevbe emwa ni guẹe rre evba wẹẹ, “Wa viọ ẹbọ ẹrrẹe ne uwa mwẹ kua, wa khuẹ egbe uwa huan ne uwa viọ ukpọn nihuanrẹn ye egbe.

Job 20:23

A giee rri emwi ne ọ ho hia, Osanobua gha ya ohu kevbe okuosu rri ẹre oya.

Psalm 78:20

Ẹmwata nọ wẹ, ọ fi okuta emwi amẹ kegha lẹ ogbigbi ladian. Sokpan, ọ gha vbe sẹtin rhie evbare ne ima ra ne ọ vbe viọ emiowo gie emwa rẹn?”

Ẹksọdọs 16:8

E Mosis keghi kha wẹẹ, “E Nọyaẹnmwa ọre ọmwa ne ọ ra rhie emiowo ne uwa re vbe ota kevbe inu ebrẹd ne uwa ho vbe owiẹ, rhunmwuda ọ họn vbe ne uwa ghi gui ẹzọ irẹn hiẹ.”

Ẹksọdọs 19:10

E Mosis keghi tama e Nọyaẹnmwa vbene emwa nii kha hẹ, e Nọyaẹnmwa keghi tama e Mosis wẹẹ, “Bu emwa nii gha khian ya tama iran ne iran mu egbe ugamwẹ ye otọ khẹ ẹrẹna kevbe ẹdẹ ne akhuẹ, ne iran họnmwẹ egbe ye otọ khẹ ugamwẹ. Wẹ ne irẹn họ ukpọn iran ne a miẹn wẹ,

Ẹksọdọs 19:15

E Mosis keghi khama iran wẹẹ, “Wa ghi mu egbe irakhuẹ. Okpia vbe okhuo ghẹ miegbe vbe uwu ẹghẹ na.”

Ẹksọdọs 19:22

Uhin avbe ohẹn nii sikẹ mwẹ, deghẹ ẹ i re te iran họnmwẹ egbe, te I ra rri iran oya.”

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 11:19

Wa gha miẹn ọn re, ẹ i re wẹ la ẹdẹ ọkpa ra ikpẹdẹ eva ra ikpẹdẹ isẹn ra igbe ra ikpẹdẹ ugie.

Iwinna 7:39

“Sokpan avbe erha mwa odede ma miẹn ẹre ẹmwẹ ye ehọ, iran bie ẹe fua, ọ kegha khọn iran ne iran dọlegbe gha rrie Igipt.

Jọsua 7:13

Kpaegbe! Ya khuẹ awua hin egbe avbe emwa nii rre ne u wẹ ne iran mu egbe ne iran bu mwẹ gha dee. Tama iran ne iran mu egbe ne iran bu mwẹ gha dee ẹdẹ nakhuẹ, rhunmwuda mẹ ne Osanobua Izrẹl mwẹ emwi ne I ra ta wẹẹ: ‘Izrẹl, emwi eso ne I wẹ ne uwa fuẹn uan guẹ. Wa i ra sẹtin mudia vbe odaro avbe eghian uwa vbe ẹi re te uwa viọ avbe emwi na hin ehe ne uwa ye rre nẹ.’

Giọgis 21:2

Ẹre ivbi Izrẹl na gha die Bẹtẹl. Iran keghi tota ye odaro Osanobua rhinrin ya sẹ ota. Iran kegha khiẹ ne aro dae vbe odẹ ne ọ rriara.