Nọmbas 11:17 - Edo Bible (E Baibol Ẹdo) Version 1996

¹⁷ I gha tuorre do guẹ guan vbe evba, I gha rhie vbe orhiọn ne I rhie ne uwẹ nẹ, I ghi rhie ne iran. Ẹghẹ nii iran ghi gha ru iyobọ ne uẹn ya gha gbe aro ghe avbe emwa na, ne ọ ghẹ ghi gha re wẹ wẹ ọkpa ọ re ọ mu uhunmwu da ẹre.”

Nọmbas 11:17 ပူးပေါင်းရင်းမြစ်များ

Gẹnẹsis 11:5

E Nọyaẹnmwa keghi tuorre do ghe nene ẹvbo kevbe ogogoro ne emwa nii bọe,

Gẹnẹsis 17:22

Osanobua ghi gu Ebraham guan nẹ, Ọ na sọrae.

Gẹnẹsis 17:3

Ebram keghi diguẹ mu aro rhu otọ, ẹre Osanobua na kha wẹẹ,

Gẹnẹsis 18:33

Ugbẹn vbe ọ ghi gu Ebraham guan fo nẹ, e Nọyaẹnmwa keghi kpao, ọre Ebraham na gha rrie owa.

II Ọba 2:15

Avbe akhasẹ ekigbesiyeha ni ke Jẹriko rre keghi dẹghe ẹre, iran wẹẹ, “Ẹtin ọghe Elaija rhuẹ yan Elaisia nẹ.” Iran keghi bu ẹre gha khian, iran na vbokho egbe rriotọ ne ẹẹn,

II Ọba 2:9

Elaija kevbe khama Elaisia vbe evba wẹẹ, “Tama mwẹ emwi ne u ho ne I ru nuẹn vbe a te mu mwẹ kpao.” Elaisia keghi wanniẹn wẹẹ, “Gie eso vbe ẹtin ruẹn, ne ọ gha sẹ mwẹ ya mudia ye ukpo ọmwa ne ọ rhie ihe ruẹ, sẹ mwẹ obọ.”

Nehimaia 9:20

Vbe uwu umamwẹ ruẹn wẹ tama iran emwi ne iran gha ru. U ya e mana koko iran, u na vbe sa amẹ ne iran wọn.

Ẹksọdọs 18:18

U gha ru ẹe, te u ra wiẹn egbe ruẹ ya na ke uwẹ kevbe emwa nii guẹ. Ọ na bun gbe sẹ mwẹ, wẹ ọkpa i sẹtin ru ẹe.

Ẹksọdọs 18:22

Gie iran gha re ne ọ bu ohiẹn iran na ne a wa rẹn yọ. Iran sẹtin gha viọ ẹzọ nii lọghọ bu ruẹ rre, sokpan iran ghi gha tobọ iran bu avbe ne giẹrẹ nii rrọọ. Erriọ ọre ọ gha na khuẹrhẹ nuẹn sẹ vbe iran ra guẹ mu vbe ihe na.

Ẹksọdọs 19:11

vbe ẹdẹ ne irakhuẹ, vbe ẹdẹ ne ẹdẹrriọ, mẹ ne Nọyaẹnmwa gha tuorre vbe uhunmwu oke Sainai ehe ne avbe emwa nii hia gha na bẹghe mwẹ.

Ẹksọdọs 19:20

E Nọyaẹnmwa keghi tuorre ye uhunmwu oke Sainai, ọ keghi tie Mosis la uhunmwu oke, e Mosis keghi hin odukhunmwu.

Ẹksọdọs 34:5

E Nọyaẹnmwa keghi nana okuku tuorre, ọ keghi mudia vbe evba, ọ keghi sunu ye eni irẹn Ne ọ huanrẹn, e Nọyaẹnmwa.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Aizaia 63:11

Sokpan, iran keghi do ye ẹkpo nẹdẹ rre, ẹghẹ e Mosis ne ọguọmwadia e Nọyaẹnmwa, ọ re iran na ghi nọọn wẹẹ, “De ehe ne Nọyaẹnmwa ghi ye yi, ọmwa ne ọ miẹn avbe ọkaolotu emwa irẹn fan vbe obọ okun? De ehe ne Nọyaẹnmwa ghi ye yi ọmwa ne ọ rhie orhiọn irẹn ne Mosis?

Joẹl 2:28

“Vbe okiekie, I gha hihiẹ orhiọn mwẹ yan dọmwadẹ emwa, ivbi uwa nikpia kevbe ivbi uwa nikhuo ghi gha ta uhunmwu ne I gie; avbe ọmaẹn ghi gha mina, avbe igbama ghi gha miẹn umian.

Nọmbas 11:25

E Nọyaẹnmwa keghi la okuku tuorre do gu e Mosis guan. Ọ keghi rhie vbe ẹtin ne ọ rhie ne Mosis nẹ, ọ na rhie ne avbe arhin ekigbe siyenẹ ni re ekaolotu nii. Ugbẹn vbe orhiọn nii ghi tuorre yan iran, iran kegha vannọ sokpan zẹ vbe avbe akhasẹ, ọ ma ghi kpẹe ọ keghi dobọyi.

Nọmbas 12:5

ẹre Nọyaẹnmwa na nana orre okuku tuorre, ọ na mudia ye onurho Owa Ukpọn. ọ keghi da tie wẹẹ, “Errọn! Miriam!” Iran eveva keghi zẹ owẹ ghe odaro.

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Nọmbas 27:18

E Nọyaẹnmwa keghi tama e Mosis wẹẹ, “Rhie Jọsua ne ovbi e Nọn, okpia ne ọ sẹ ihe ne u viọ obọ ruẹ yan ẹre uhunmwu.

Nọmbas 7:89

Ẹghẹikẹghẹ ne Mosis ya la uwu Owa Ukpọn Ile nii, ne ọ ya gu e Nọyaẹnmwa guan, ọ ghi họn vbe Nọyaẹnmwa a gha gu ẹe guan ke odukhunmwu ugue Ẹkpẹti Ile, ne ọ rre adesẹneva aranmwẹ eva ni zẹ ifuẹn.

Iyẹn ne ọ Maan Ọghe Jọn 3:13

Ọmwa ne ọ he hin odukhunmwu gha rrie ẹrinmwi ẹ i rrọọ gberra Ovbi Ọmwa ne ọ ke ẹrinmwi tuorre gha dee.”

Iyẹn ne ọ Maan Ọghe Jọn 7:39

Jesu ta ẹmwẹ na rhunmwuda Orhiọn ne a gha rherhe rhie ne iran ni ya ẹe yi. Ẹghẹ na, a ma he rhie Orhiọn ne ọmwarhọkpa rhunmwuda a ma he tọn Jesu mu la uwu uyi.)

Ebe ne Pọl gbẹẹn gie emwa Rom 8:9

Sokpan ẹ i rre vbene egbe uwa zẹ vbene a yi ẹe ho, ẹre uwa wa ru, emwi ne Orhiọn kha re ọre uwa ya ru emwi a deghẹ Orhiọn Osanobua gele rre uwu uwa vbe ne ẹmwata. Ọmwaikọmwa ne ẹ i mwẹ Orhiọn Kristi, ẹ i re ọghọe.

I Kọrinti 2:12

Ẹ i re ekhọe agbọn na ọre a rhie ne ima, Orhiọn ne Osanobua rhie ne ima.

I Tẹsalonaika 4:8

Rhunmwuda ọnii, ọmwaikọmwa ne ọ ma rhan obọ miẹn iruẹmwi na, ẹ i re ọmwa ne agbọn ọre ọ ma rhan obọ miẹn ighẹ Osanobua ne ọ rhie nene iruẹmwi rre nọ, ọmwa ne ọ rhie Orhiọn Ne Ọ Huanrẹn ọghọe ne uwa.

I Pita 1:22

Vbene uwa ghi na la ekpa ne uwa na ru vbene ẹmwata khare, ye egbe uwa khian ne ọ huanrẹn nẹ nian, ne uwa na vbe mwẹ aho ẹmwẹ ọmwa ẹmwata ghe emwa iyayi ne iho uwa, wa gha ya ekhọe uwa hia ho ẹmwẹ egbe uwa ẹsẹse.

Ebe ne Jud gbẹẹn 1:19

Iran na ọre ọ si iwannegbe rre, iran ne amiẹn wẹ, emwi egbe kẹkan ọkpa ọre ọ ya iran ruemwi, emwa ne Orhiọn nii i gue hiehie.

I Samuẹl 10:6

Orhiọn Osanobua gha hin yan ruẹn, u ghi deba iran gha ku, u ghi vbe gha go, u ghi gha ru vbe ọmwa ughaẹn fẹẹrẹ.