Nọmbas 10:33 - Edo Bible (E Baibol Ẹdo) Version 1996

³³ Ugbẹn vbe emwa nii ghi sii kpao vbe Sainai ne oke ne ọ huanrẹn, iran keghi khian okhian ikpẹdẹ eha, Ẹkpẹti Ile ọghe Nọyaẹnmwa keghi kodaro ne iran ne ọ gualọ ehe ne iran gha bu agọ yi ne iran.

Nọmbas 10:33 ပူးပေါင်းရင်းမြစ်များ

Psalm 95:11

Ohu keghi mu mwẹ ọre I na yan wẹẹ, ‘Wa i ra la otọe nii ne I gha na te rriẹ ikẹtin ne uwa.’ ”

Ẹksọdọs 19:3

E Mosis keghi hin uhunmwu oke nii ne ọ ya vba Osanobua. E Nọyaẹnmwa keghi datie ẹre ke uhunmwu oke rre, ọ na tama rẹn wẹ ne ọ tama ivbi Izrẹl ne ivbi uniẹn Jekọb wẹẹ:

Ẹksọdọs 3:1

Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 28:12

Ọ rhie ikẹtin kevbe ọfumwegbe ne uwa, sokpan, wa ma danmwehọ ẹre.

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Jerimaia 3:16

Ẹghẹ nii, wa ghẹ ghi do gha bun nẹ vbe otọe nii, ẹghẹ nii, emwa i ghi ra, ye gha guan kan ẹmwẹ Ẹkpẹti Ile mwẹ. Iran i ghi ra ye gha mu ẹmwẹ ọnrẹn ro ra ne a ye ye ẹre rre. Iran i ghi ra vbe gha mwẹ emwi ne iran yae ru, ama ghi wẹ ne iran ye vbe kan ọvbehe.

Jerimaia 31:2

I tohan iran ni miẹn uhunmwu vbe obọ uwu vbe ato. Ugbẹn vbe ivbi Izrẹl ghi wẹ iran gualọ ikẹtin.

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Ezikiẹl 20:6

Ẹghẹ nii ọ re I na tama iran ighẹ I gha viọ iran hin Igipt rre, I ghi viọ iran gha rrie otọe ne I mu khẹ iran, otọe ne ẹfe ye ne ọ maa emwiokọ ẹsẹse, otọe ne ọ maa sẹ vbe uwu ehia.

Nọmbas 10:12

Ọre ivbi Izrẹl na deyan okhian iran, ne iran ya kpao vbe Oke Sainai rre. Okuku ni keghi do yakọ vbe ẹgbo ọghe Paran.

Diuteronomi 1:33

Ọmwa ne ọ gha ke odaro ne uwa vbe ẹghẹ hia ne ọ ya gha gualọ ehe ne uwa gha gbe agọ yi ye otọ khẹ uwa. Asọn gha rre, ọ ghi mu akpa orre erhẹn yọ ya ke odaro ne uwa, avan gha rre ọ ghi gha re orrẹ okuku amẹ, ne ọ miẹn ehe na ma uwa odẹ.

Diuteronomi 31:26

“Wa rhie ebe uhi Osanobua na, ne uwa rhie ẹre ye ọkpẹn Ẹkpẹti Ile ọghe Nọyaẹnmwa Osanobua uwa, ne ọ sẹtin gha rre evba zẹ vbe osẹe ghe emwa ẹnrẹn.

Diuteronomi 9:9

Mẹ hin uhunmwu oke ne I ya viọ avbe uhanhan okuta ne a gbẹnnẹ ile ne Nọyaẹnmwa gu uwa ta yi, I keghi gbe asọn iyeva kevbe avan iyeva vbe evba, I ma re, I ma da.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Jọsua 4:7

Wa ghi tama iran wẹ ẹghẹ ne Ẹkpẹti Ile ọghe Nọyaẹnmwa na fian Ẹzẹ Jọdan rra, amẹ ọnrẹn keghi dobọ ulẹmwẹ yi. Avbe okuta na ghi gha re ama ayere ne ivbi Izrẹl ẹdẹdẹmwẹdẹ.”

Giọgis 20:27

Iran kevbe nọ e Nọyaẹnmwa ọta (Ẹkpẹti Ile ọghe Nọyaẹnmwa, e Bẹtẹl ọ re ọ gha ye vbe ẹghẹ ne a kha na. E Finihaz ne ovbi Eliaza ne ovbi Errọn ọ re ọ gha gbearoghe ẹre.) Iran keghi nọ wẹẹ, “Ne ima ye ya gu etẹn ima ighẹ ivbi Bẹnjamin gbinna ra ne ima ghẹ ghi yo?” E Nọyaẹnmwa keghi kha wẹẹ, “Ẹdẹ ne akhuẹ, I gha gie uwa khọnmiotọ vbe uhunmwu iran. Wa ya gbinna.”

I Samuẹl 4:3

Iran ni miẹn uhunmwu vbọ ghi dọlegbe sẹ agọ nẹ, avbe ọkaolotu ivbi Izrẹl keghi kha wẹẹ, “Vbọzẹ ne e Nọyaẹnmwa na gie ivbi Filistin khọn ima miotọ ẹrẹna yi? Wa gie ima ya mu Ẹkpẹti Ile ọghe Nọyaẹnmwa ke Silo gha dee ne ọ miẹn ehe na lele ima gha khian, ne ọ ya miẹn ima fan vbe obọ avbe eghian mwa.”