Nọmbas 1:1 - Edo Bible (E Baibol Ẹdo) Version 1996

¹ Vbe ikpẹdẹ ne okaro ọghe uki ne ogieva vbe ivbi Izrẹl kpao vbe Igipt rre nẹ, e Nọyaẹnmwa keghi gu e Mosis guan vbe uwu Owa Ukpọn Ile vbe ato ọghe Sainai. Ọ wẹẹ,

Nọmbas 1:1 ပူးပေါင်းရင်းမြစ်များ

I Ọba 6:1

Ọ ghi rre ukpo iyenẹ yan uri eva (480) ne ivbi Izrẹl kpao vbe Igipt rre, ne ọ vbe re ukpo ne ogienẹ ne Solomọn rriọba yan Izrẹl, vbe uki ne ogieva, uki ne a tie ẹre Ziv, e Solomọn keghi suẹn iwinna nene Ọgua Osa.

Ẹksọdọs 19:1

Ivbi Izrẹl keghi kpao vbe Rẹfidim rre, vbe ikpẹdẹ ne okaro ọghe uki ne ogieha ne ivbi Izrẹl kpao vbe Igipt rre, iran keghi do sẹ ato ọghe Sainai. Iran na bu agọ ye ototọ oke Sainai.

Ẹksọdọs 25:22

Evba I gha na do gha miẹn ruẹn, I gha vbe mudia ye ugue Ẹkpẹti ne, I do rhie uhi mwẹ hia ne uwa ke adesẹneva emwi nii nẹ ifuẹn nii gha dee, gie ivbi Izrẹl.

Ẹksọdọs 40:17

Rhunmwuda ọnii, vbe ikpẹdẹ nokaro ọghe ukpo nokaro vbe ọ ghi rre ukpo eva ne iran kpao vbe Igipt, a ke ghi mu Owa Ukpọn nii mudia.

Ẹksọdọs 40:2

“Vbe ikpẹdẹ nokaro ọghe uki nokaro, u ghi mu Owa Ukpọn nii mudia, ọghe ehe ne Nọyaẹnmwa ye.

Levitikọs 1:1

E Nọyaẹnmwa keghi datie Mosis ke uwu Owa Ukpọn e Nọyaẹnmwa rre, ọ na viọ avbe uhi na ne ẹẹn wẹẹ,

Levitikọs 27:34

Ena ọrọre uhi ne Nọyaẹnmwa viọ ne Mosis vbe oke Sainai ne ọ viọ ne ivbi Izrẹl.

Nọmbas 1:18

Iran keghi tie emwa nii sikoko vbe ikpẹdẹ ne okaro ọghe uki ne ogieva, a keghi gbẹnnẹ eni emwa nii hia ye ebe zẹ vbe ẹwae kevbe ẹgbẹe ọghe dọmwadẹ ọghe ọe, a keghi gbẹnnẹ eni emwa ni hia ni sẹ ikpugie ra ni sẹẹ onii ye ebe, a keghi ka iran.

Nọmbas 12:4

Vbe udomwurri, e Nọyaẹnmwa keghi tama e Mosis, Errọn kevbe Miriam wẹẹ, “I ho ne uwa eheha gha die uwu Owa Ukpọn Ile.” Iran na gha khian,

Nọmbas 9:1

Vbe uki ne okaro ọghe ukpo ne ogieva ne ivbi Izrẹl kpao vbe Igipt rre, e Nọyaẹnmwa keghi gu e Mosis guan vbe Ato Sainai. Ọ wẹẹ,

Diuteronomi 1:3

Vbe ikpẹdẹ ne okaro ọghe uki ne ogiowọrọ vbe ọ rre ukpo iyeva ne iran ghi kpao vbe Igipt rre, e Mosis keghi talọ emwi hia ne Nọyaẹnmwa wẹ ne ọ tama emwa ni ma iran.

Diuteronomi 2:14

Ke ẹghẹ ne ima ya kpao vbe Kedẹs Bania rre yasẹ ne ima ya fian Zẹrẹd rra, ke gha re ukpo eva irrọvbiyeva. Emwa ni sẹtin yo okuo vbe orre nii hia wulo fo nẹ zẹ vbe ne Nọyaẹnmwa ta ẹe wẹ iran gha wulo.

Diuteronomi 2:7

“Wa yerre wẹ e Nọyaẹnmwa ne Osanobua uwa wa fiangbe uwa vbe emwi ne uwa he ru hia. Ọ kegha gbe aro ghe uwa vbe uwa zozo lele uwu ato nọkhua na khian. Ukpo iyeva na, ọ re ọ ya gu uwa gha rrọọ, emwi ne uwa a rhirhi gha ho hia keghi vbe sẹ uwa obọ.