Nehimaia 9:8 - Edo Bible (E Baibol Ẹdo) Version 1996

⁸ U miẹn wẹ ọ zẹ obọ lele uẹ u yanrẹn ne u mu otọ emwa Kenan ne ẹẹn. Otọ emwa Hiti kevbe Amọri otọ emwa Pẹriz, Jebus, Gẹgas, ne ọ gha re Otọe ne ivbi uniẹn ọnrẹn gha yin. U ru ẹe vbene u tae rhunmwuda, ekhọe ruẹ maa.

Nehimaia 9:8 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 15:6

Ebram keghi ya ẹko e Nọyaẹnmwa rhiẹnrhiẹn ghe ẹre, rhunmwuda ọnii, e Nọyaẹnmwa keghi rhan obọ miẹn ẹnrẹn.

Gẹnẹsis 22:12

Rẹn tama rẹn wẹẹ, “Ghẹ kuan ọmọ nii egbe, ghẹ vbe ru ẹre emwi rhọkpa.” I rẹnrẹn nian wẹẹ, “U mu egbe ne u ya gha hẹnmwẹ ne Osanobua, rhunmwuda, u ma gun mwẹ sinmwi ovbuẹ ne ukpọmọkpa.”

II Samuẹl 22:31

U miẹn vbe emwi ne Osanobua na ru gba ẹe hẹ. U miẹn vbe ẹmwẹ ọnrẹn gia mu ẹtin yan hẹ! Te irẹn yevbe asa, ne iran ne ọ wẹ ne ọ degue iran.

I Krọnikol 1:14

E Kenan, ọ re ọ vbe gha re erha odede ọghe emwa Jebus, Amọri, Gigasi.

I Krọnikol 16:16

Ile ne ọ gu Ebraham ta, emwi ne ọ ve Aizik re.

Ẹzra 9:15

E Nọyaẹnmwa Osanobua Izrẹl, ọmwa ẹmwata ọ re uwẹ khin, u kevbe gie ima miẹn uhunmwu. Ma miẹn orukhọ mwa kue ma ruẹn, ma ma ghi vbe kei ne ọ gha rrie ehe ne uwẹ ye.”

Nehimaia 9:33

Emwiesi ọ re u ru, ne u na rri ima oya wẹ wa gha mwẹ ekhọe esi, egbe ne ima ya ru orukhọ.

Psalm 116:5

E Nọyaẹnmwa mwẹ itohan, ọ vbe maa, ọmwa ne ọ vuọn ne ẹnina, ọ re Osanobua mwa khin.

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ezikiẹl 33:24

“Ovbi ọmwa, avbe emwa ni rre ẹvbo ne a rẹnkhẹn uan vbe Izrẹl gha tae khian wẹẹ, ‘Orhiọnkpa kẹkan ọ re Ebraham gha khin a keghi wa mu otọe nii hia ne ẹẹn, ma wa bun, rhunmwuda ọnii, ma ọ ghi yan otọe nii.’

Nọmbas 13:29

Odẹ ekẹn vbe otọ nii ọ re emwa Amalẹk ye, ẹvbo oke vbọ ọ re avbe Hiti Jebus, kevbe Amọri ye, ivbi Kenan keghi rre ọkpẹn okun Meditẹrrenian, iran yin lele Ẹzẹ Jọdan.”

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Iwinna 13:22

Osanobua ghi rhie ẹre hin ukpo re nẹ, ọ keghi ye Devid ma ọba yan iran, Osanobua keghi kha vbe ekpa Devid wẹẹ, ‘I miẹn wẹ ọmwa ekhọe mwẹ ọre Devid ne ovbi e Jese khin, ọmwa ne ọ gha ru emwi hia ne I gha khama ẹn ne ọ ru.’

Diuteronomi 26:3

U ghi bu ohẹn ne ọ rrọọ ẹghẹ nii gha khian, u ghi tama rẹn wẹẹ, ‘Te imẹ ghi do miẹn kue ma Nọyaẹnmwa Osanobua mwẹ nian wẹ I sẹ otọe ni ne ọ ve avbe erha mwa odede ẹre wẹ rẹn gha mu ne ima nẹ.’

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Diuteronomi 9:5

Ẹ i re rhunmwuda ighẹ wa maa, ra te uwa ru emwi ne ọ kere ne ọ ra na gie uwa mu otọe iran. Ọ gha khulo iran ladian rhunmwuda, emwa dan iran khin, kevbe wẹ rẹn gha ho ne ọ mu ile ne ọ gu avbe erha uwa odede Ebraham, Aizik kevbe Jekọb ta sẹ.

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,

Hibru 11:17

Iyayi ọre ọ ya Ebraham ya Aizik ne ovbi ẹre zọ ese vbe Osanobua danmwẹ Ebraham ghe. Ebraham ọrọre ọmwa ne Osanobua ve ẹre emwi, sẹ evba, ọ keghi wa ye mu egbe ne ọ ye ovbi ẹre ne ukpọmọkpa zọ ese.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

Jọsua 11:23

E Jọsua keghi khọn otọe ni hia fẹẹrẹ zẹ vbene Nọyaẹnmwa tama e Mosis. Ọ keghi muẹn ne ivbi Izrẹl ne ọ gha re ọghe iran, a na do gha ẹre ako ako, ọkpọkpa ne ẹwae ọkpọkpa. Ẹre emwa nii na ghi hẹwẹ vbe okuo.

Jọsua 11:3

Rẹn keghi vbe gie uhunmwu gie ivbi e Kenan ni rre obọ eveva ọghe Jọdan, gie Amọri, Hiti, Pẹriz, Jebus vbe ẹvbo uhunmwu oke kevbe emwa Hivi ni rre ototọ Oke Hẹmọn vbe otọ Mispa.

Jọsua 23:14

“Banbanna nian, te imẹ ghi ra wu, dọmwadẹ ọghọe vbe uwu uwa rẹnrẹn vbe uwu ekhọe kevbe orhiọn rẹn wẹ e Nọyaẹnmwa Osanobua uwa viọ emwi esi hia ne a ve uwa re ne uwa nẹ. Emwi hia ne ọ yanrẹn, a ru iran nẹ, ọkpa ne ọ fira vbe uwu eyan nii, ẹ i rrọọ.

Jọsua 9:1

Avbe ọba hia ni rre orrie Jọdan keghi họn ẹmwẹ na, iran ni rre oke, iran ni rre otọ ne ọ rriẹe kevbe iran hia ni yin lele ọkpẹn Okun Meditẹrrenian, rhinrin ya sẹ Lebanọn, iran na keghi re avbe ọba ivbi e Hiti, Amọri, e Kenan, e Pẹriz, e Hivi kevbe Jebus.

I Jọn 1:9

Sokpan a deghẹ ma miẹn orukhọ mwa kue ma Osanobua, rẹn gha mu eyan ọghọe sẹ, ọ ghi ru vbene ọ keyi, ọ gha ya orukhọ mwa bọ mwa, ọ ghi vbe kpe mwa hin uwu abakuru mwa hia rre.