Nehimaia 9:7 - Edo Bible (E Baibol Ẹdo) Version 1996

⁷ Wẹ ne Nọyaẹnmwa Osanobua ọ re ọ zẹ Ebram u keghi rhie ẹre ke Ọọ ne Babilọn rre. U ke fi ẹre eni werriẹ ya khian Ebraham.

Nehimaia 9:7 ပူးပေါင်းရင်းမြစ်များ

Gẹnẹsis 11:31

Tẹra keghi rhie ovbi ẹre ighẹ Ebram, eyẹ ọre ighẹ Lọt ne ọ gha re ovbi e Haran, kevbe Serai ne amwẹ ovbi ẹre, amwẹ Ebram, ọ keghi viọ iran baegbe kpao vbe ẹvbo Ọọ ne ọ rre Babilonia rre, ne ọ gha rrie otọ Kenan. Iran khian sẹ Haran, ehe ne iran na mudia yin ẹnrẹn.

Gẹnẹsis 15:7

Ẹre Nọyaẹnmwa na tama rẹn wẹẹ, “Mẹ ọrọre Nọyaẹnmwa ne ọ we ne u kpao vbe Babilonia rre, ne a miẹn ehe na mu otọe na nuẹn zẹ vbe ọwuẹ.”

Gẹnẹsis 17:5

A i ghi ra gha tie ruẹ Ebram ọvbehe sokpan Ebraham. Ọna ọre ọ ghi re eni ruẹn rhunmwuda, I ra ya a ru erha odede ọghe okpẹvbo nibun.

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

I Krọnikol 1:27

kevbe Ebram (ne avbe tie ẹre Ebraham).

Aizaia 51:2

Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.

Diuteronomi 10:15

Sokpan ahoẹmwọmwa ne Nọyaẹnmwa mwẹ ghe avbe erha uwa odede keghi tọn sẹrriọ wẹ rẹn rhie obọ gberra emwa ọvbehe hia, ọ na hannọ uwa zẹ, ẹmwata ena hia wa khin do sẹ ẹdẹnẹrẹ.