Nehimaia 9:38 - Edo Bible (E Baibol Ẹdo) Version 1996

³⁸ Rhunmwuda avbe emwi na ni sunu hia, ma ne ivbi Izrẹl rhie obọ ye ebe nian vbe iro ne a zẹ gba, a keghi gbẹn ọẹn ye otọ, avbe ọkaolotu ima avbe Livai kevbe avbe ohẹn ima, keghi yi ẹre okhi.

Nehimaia 9:38 ပူးပေါင်းရင်းမြစ်များ

II Ọba 23:3

Rẹn keghi mudia ye ọkpẹn orrẹ ọba, ọ na gu e Nọyaẹnmwa ta ile wẹ rẹn gha họn ẹmwẹ ne ẹẹn, kevbe ne ọ ya orhiọn kevbe ekhọe ẹre hia gha rhie uhi kevbe iyi ẹre mwẹ, kevbe ne ọ vbe gha ru zẹ vbe ne a mwamwa emwi ye otọ vbe uwu ile ne a gbẹnnẹ ye ebe ni. Emwa nii hia keghi yan wẹ iran gha rhie ile ni ya gha yin.

II Krọnikol 23:16

E Jehoiada ne ohẹn keghi rhie ọba Joas ba egbe kevbe avbe emwa nii, iran na ru eyan wẹ iran ghaa re emwa e Nọyaẹnmwa.

II Krọnikol 29:10

“Te imẹ ghi tae nian wẹ I ra gu e Nọyaẹnmwa ne Osanobua Izrẹl ta ile ne ọ ghe ghi mu ohu ghe ima ọvbehe.

II Krọnikol 34:31

Ọ keghi mudia ke orrẹ ọghe ọba, ọ keghi yan ma e Nọyaẹnmwa wẹ rẹn gha họn ẹmwẹ ne ẹẹn, rẹn rhie uhi kevbe iyi ẹre mwẹ, vbe ekhọe ẹre hia kevbe orhiọn rẹn hia kevbe ne ọ vbe gha ru vbene a tae ye ebe uhi, zẹ vbene a gbẹnnẹ ọẹn ye ebe.

Ẹzra 10:3

“Banbanna nian, te ima gha do yan ma Osanobua mwa wẹ ma gha wẹ ne avbe ikhuo orhunmwuyẹn na, kevbe ivbi iran gha rrie. Ma gha ru vbene uwẹ kevbe avbe emwa ni ya uhi Osanobua ru emwi wẹ ne ima ru. Ma gha ru vbene uhi Osanobua khare.”

Nehimaia 10:1

Ọmwa nokaro ne ọ rhie obọ ye ehe ni kegha re ne ọ khaemwisẹ ighẹ Nehimaia ne ovbi e Hakalaia, vbe iyeke ọnii, e Zedekaia keghi vbe rhie obọ yọ. Iran na vbe rhie obọ yọ:

Nehimaia 10:29

Ma deba avbe ọkaolotu ima vẹn ihẹn, ne a miẹn wẹ, a deghẹ ma rhie obọ gberra, emwi gha rruan ima, wẹ, ma gha ya Uhi Osanobua ru emwi, uhi ne ọ rhie ne Mosis ne ọguọmwadia ẹre rhie rre, wẹ ma gha ru zẹ vbene e Nọyaẹnmwa khare hia, wẹ ma gha rhie uhi ẹre mwẹ, ma ghi vbe gha ru vbene ọ ho.

Aizaia 44:5

“Ọkpọkpa ọ re emwa ra ya gha kha wẹẹ, ‘ọghe Nọyaẹnmwa ọ re imẹ khin.’ Iran gha do ya egbe ba ivbi Izrẹl. Dọmwadẹ ọghọe gha yi ama e Nọyaẹnmwa ye obọ ẹre, ọ ghi vbe tie egbe ẹre okpa vbe uwu emwa Osanobua.”

Matiu 27:66

Rhunmwuda ọnii, iran keghi kpao iran na ya ru ẹmwẹ idin ni gbua vbekpa ne iran na ya ama ye okuta ni, iran na vbe zẹ emwa yọ ne iran gha khẹ ọre.