Nehimaia 9:37 - Edo Bible (E Baibol Ẹdo) Version 1996

³⁷ Emwi ne otọe mọ ladian, obọ avbe ọba ọ re ọ yo iran na uwẹ viọ yan ima rhunmwuda ne ima na rukhọ, iran ghi gha ru ima kevbe emwirri mwa, vbene ọ rhirhi a khọn iran. Uwu akhiẹ nọkhua ma ghi ye.”

Nehimaia 9:37 ပူးပေါင်းရင်းမြစ်များ

Ẹzra 4:13

Umogun, a gha miẹn wẹ, a dọlegbe bọ ẹvbo na kevbe ekẹn ne a gbe lẹga ẹre fo; emwa ni gha da obọ igho uhunmwu ne a zẹ mu guẹ, ẹghẹ nii, ẹfe ruẹ zẹ vbe ọba ghi do dibu.

Ẹzra 6:8

Te imẹ ghi yan tama uwa nian wẹ ne uwa yi iran obọ ya bọe. Igho ne a loro, wa ghi gha rhie igho vbe aza ẹguae vbe igho ne a koko vbe igho uhunmwu vbe otọe orrie Yufretes, ya gha ha ẹre ẹgiẹgiẹ, ne a ghẹ dobọ iwinna ni yi.

Ẹzra 7:24

Ghẹ koko igho uhunmwu vbe obọ avbe ohẹn ra avbe Livai, ikpemaba, iran ni khẹ odẹ, iran ni winna, ra ọmwaikọmwa ne ọ ghi mwẹ emwi ne ọ ru nẹ vbe Ọgua Osa.

Nehimaia 5:8

I tama iran wẹẹ, “Te ima hia vbene ẹtin mwa sẹe, ne a ya gha dẹlẹ iran werriegbe ighẹ avbe Ju ni khiẹnnẹ egbe iran eviẹn ne avbe orhunmwuyẹn, wanwanna nian, te uwa ghi sua avbe etẹn uwa ne iran gha khiẹnnẹ egbe iran ne uwa ne Ju ne ihua iran.” Avbe ọkaolotu nii keghi hunwan kpọi, iran ma miẹn ẹmwẹ ta.

Eve Orriara 5:5

A khu mwa ọgbẹgbẹ zẹ vbe ẹsin ra e kamẹl egbe wọ mwa, sokpan a ma gie ima hẹwẹ.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Iyẹn ne ọ Maan Ọghe Jọn 8:33

Iran wanniẹn tama rẹn wẹẹ, “Ivbi Ebraham ma khin ma ma he ru ọviẹn ọmwaikọmwa ẹdẹ. Vbe u a ya ẹmwẹ ni kha wẹ, ‘A gha ya uwa khian enọyan egbe ẹre’?”

Diuteronomi 28:33

Ẹvbo ẹrrẹe ghi viọ emwiokọ uwa ne uwa miẹn ẹsọn nọkhua yi ya kọ, vbene emwirhọkpa ina sẹ uwa obọ gberra ukpokpo ekugbakẹghẹrẹ kevbe obọ ne ọ tọn ne a ya mu uwa.

Diuteronomi 28:39

Wa gha kọ emwiokọ ne a ya ru ayọn ne ọ baa wa ghi vbe dọlọ ẹe yi, sokpan wa i ra kọlọ ọmọ, ra ne uwa wọn ayọn rẹn, rhunmwuda ọkhọe gha rri erhan ne a ya ru ayọn ne ọ baa na.

Diuteronomi 28:48

Rhunmwuda ọnii nian, eghian ne Nọyaẹnmwa, ra viọ ẹre aro da uwa ọ re uwa ra gha ga. Ovbamẹ gha gbe uwa, ohanmwẹ amẹ ghi gbe uwa, wa gha rre ivbabọ, ukpọn kevbe emwi ọvbehe hia. Eghian uwa ghi gha ye ọkhọ ye obọ yẹn uwa uhunmwu rhinrin wa te do fuan.

Diuteronomi 28:51

Iran ghi rri ẹmila kevbe emwiokọ uwa, ovbamẹ ghi gbe uwa la ẹrinmwi. Iran i ra sẹ ikpẹ ọka ọkpa rae ne uwa ra ayọn ra ofigbọn ọliv, ra ẹmila ra ohuan, wa ghi wulo.