Nehimaia 9:35 - Edo Bible (E Baibol Ẹdo) Version 1996

³⁵ Vbe ekpa afiangbe ruẹ, avbe ọba kegha kha yan emwa ruẹn. Vbe iran rre otọe ne ọ vbẹ aro, ne ọ maa emwiokọ, ne u mu ne iran, sokpan, iran ma fi iyeke gbe orukhọ ne iran do gha ga uwẹ.

Nehimaia 9:35 ပူးပေါင်းရင်းမြစ်များ

Nehimaia 9:25

Emwa ruẹn khọn avbe ẹvbo ne a gbe ekẹn gaa, otọe esiesi kevbe, owa ni vuọn ne emwi ẹfe, avbe uhae ne a fian ye otọ nẹ. Avbe erhan oliv, erhan ni mọ ọmọ kevbe avbe ogba azara iran rri evbare nẹ ọ khọn iran, iran na gha ti ye egbe, iran ke ya emwi ne u viọ ne iran gha ku obọ ye uwa.

Nehimaia 9:34

Avbe erha mwa odede, avbe ọba mwa, ọkaolotu kevbe avbe ohẹn, ne ọ rhie Uhi ruẹ mwẹ i rrọ. Iran ma danmwehọ Uhi kevbe ibude ruẹ.

Aizaia 63:7

I gha na iyẹn ahoẹmwọmwa e Nọyaẹnmwa ne ẹ i fira. I rho ẹre ye iwinnaa ne ọ winna ne ima Ọ fiangbe ivbi Izrẹl ẹsẹse. Rhunmwuda itohan kevbe ahoẹmwọmwa ne ẹ i beghe.

Jerimaia 5:19

Iran gha nọ emwi ne ọ si ẹe ne I na ru avbe emwi na, u ghi tama iran Jerimaia wẹ, zẹ vbene iran fi iyeke gbe mwẹ, iran na gha gho ẹbọ ẹrrẹe vbe ẹvbo iran, erriọ zẹẹ iran khian ya ga avbe orhunmwuyẹn vbe ẹvbo ne iran ma yan.”

Ezikiẹl 5:6

Sokpan, e Jerusalẹm keghi sọtẹ ghe uhi mwẹ, ọ keghi rhie ma wẹ rẹn ọ re ọ ru ọmwa dan sẹẹ avbe ẹvbo nekpa, rẹn ọ re ọ vbe zẹ utun vbe ehọ sẹẹ avbe ẹvbo nekpa ni lẹga ẹre. E Jerusalẹm he iyi mwẹ yotọ, ọ keghi vbe he ne ọ mu uhi mwẹ sẹ.

Diuteronomi 28:47

E Nọyaẹnmwa keghi fiangbe uwa vbe odẹ hia sokpan wa ma ye ẹko oghọghọ kevbe ọyẹnmwẹ ga ẹe.

Diuteronomi 28:48

Rhunmwuda ọnii nian, eghian ne Nọyaẹnmwa, ra viọ ẹre aro da uwa ọ re uwa ra gha ga. Ovbamẹ gha gbe uwa, ohanmwẹ amẹ ghi gbe uwa, wa gha rre ivbabọ, ukpọn kevbe emwi ọvbehe hia. Eghian uwa ghi gha ye ọkhọ ye obọ yẹn uwa uhunmwu rhinrin wa te do fuan.

Diuteronomi 31:21

Ọkhọ dan ni bun ghi do rruan iran. Ẹghẹ nii, ihuan na ghi gha rre evba zẹ vbe osẹe mwẹ ghe iran, rhunmwuda ivbi iran gha ye gha so ẹe. Uhin vbe banbanna nian, vbe I te viọ iran sẹ otọ ne I wẹ I gha mu ne iran, I rẹn emwi ne iran ro vbe ekhọe.”