Nehimaia 9:33 - Edo Bible (E Baibol Ẹdo) Version 1996

³³ Emwiesi ọ re u ru, ne u na rri ima oya wẹ wa gha mwẹ ekhọe esi, egbe ne ima ya ru orukhọ.

Nehimaia 9:33 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

Ẹzra 9:15

E Nọyaẹnmwa Osanobua Izrẹl, ọmwa ẹmwata ọ re uwẹ khin, u kevbe gie ima miẹn uhunmwu. Ma miẹn orukhọ mwa kue ma ruẹn, ma ma ghi vbe kei ne ọ gha rrie ehe ne uwẹ ye.”

Nehimaia 9:34

Avbe erha mwa odede, avbe ọba mwa, ọkaolotu kevbe avbe ohẹn, ne ọ rhie Uhi ruẹ mwẹ i rrọ. Iran ma danmwehọ Uhi kevbe ibude ruẹ.

Nehimaia 9:8

U miẹn wẹ ọ zẹ obọ lele uẹ u yanrẹn ne u mu otọ emwa Kenan ne ẹẹn. Otọ emwa Hiti kevbe Amọri otọ emwa Pẹriz, Jebus, Gẹgas, ne ọ gha re Otọe ne ivbi uniẹn ọnrẹn gha yin. U ru ẹe vbene u tae rhunmwuda, ekhọe ruẹ maa.

Job 33:27

Ọ ghi ta ẹe ne agbọn họn wẹẹ, ‘I rukhọ. I ma ru vbene ọ kere, sokpan, Osanobua ye miẹn mwẹ fan.

Job 34:23

Osanobua i vbe bu ẹdẹ yọ ne emwa ya rre ne irẹn bu ohiẹn iran.

Psalm 106:6

Ma rukhọ, zẹ vbene avbe erha mwa odede vbe ru, ma ru emwi dan, ma vbe mwẹ ekhọe dan.

Psalm 119:137

Ọmwata ọ re uwẹ khin, Nọyaẹnmwa, ẹmwata ọ re uhi ruẹ hia vbe khin.

Psalm 145:17

Ọmwata ọ re Nọyaẹnmwa khin vbe emwi ne ọ ru hia, ọ vuọn ne itohan vbe iwinna rẹn hia.

Ẹksọdọs 32:31

E Mosis keghi werriegbe bu e Nọyaẹnmwa gha khian, ọ wẹẹ, “Wẹ miẹn orukhọ ne ọ mu ohan ne iran an ru. Iran ya igoru ma ẹbọ ne egbe iran.

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Jerimaia 44:3

Rhunmwuda, emwa iran ru emwi dan ne iran na ya ohu mu mwẹ. Iran zọ ese ghe avbe ẹbọ ọvbehe; iran kevbe gha ghoo avbe ẹbọ ne iran tobọ iran, ra uwa, ra avbe erha uwa odede ma gho ẹdẹ.

Eve Orriara 1:18

“Sokpan, emwi ne ọ khẹke ọ re Nọyaẹnmwa ru, rhunmwuda mẹ ọ re ọ yan ẹẹn zẹ. Wa danmwehọ mwẹ, emwa ni rre ehe hia wa ghe mwẹ vbe uwu obalọ ne I ye. A viọ avbe igbama kevbe avbe uvbi mwẹ oghunmwu gha rrie.

Ezikiẹl 11:12

Wa gha rẹn wẹ mẹ ọrọre Nọyaẹnmwa, kevbe wẹ ẹghẹ ne uwa na gha ya uhi avbe emwa ni lẹga uwa ru emwi, te uwa gha rra uhi mwẹ, wa na vbe gha fieghe uhunmwu ye uhi mwẹ.”