Nehimaia 9:30 - Edo Bible (E Baibol Ẹdo) Version 1996

³⁰ Ke ukpo dinna ukpo, u keghi ye izin egbe gha ma iran emwi u ru ẹe ne avbe akhasẹ ruẹ guan, sokpan emwa ruẹn keghi yin ehọ u keghi rhunmwuda ọnii rhie ẹghẹ ne ẹvbo ọvbehe ya khọn iran.

Nehimaia 9:30 ပူးပေါင်းရင်းမြစ်များ

II Ọba 18:11

Ọgbaisi ọghe Asiria keghi viọ ivbi Izrẹl gha rrie Asiria zẹ vbe oghunmwu, ọ keghi ya viọ iran ye ẹvbo ne a tie ẹre Hala, eso kegha rre ọkpẹn ẹzẹ ne a tie ẹre Habọ vbe otọe Gozan, eso kevbe gha rre otọe Medis.

II Ọba 21:10

E Nọyaẹnmwa keghi gie avbe akhasẹ ne eguọmwadia ẹre wẹẹ,

II Krọnikol 24:19

E Nọyaẹnmwa keghi gie avbe akhasẹ ne iran yan ma iran wẹ ne iran dọlegbe bu irẹn gha dee, sokpan emwa ni ma danmwehọ.

Ẹzra 9:10

“Sokpan, banbanna nian Osanobua, de emwi ne ima ghi ra miẹn ta vbe iyeke avbe emwi ni sunu na hia? Ma ma vbe ya uhi ruẹ

Nehimaia 9:20

Vbe uwu umamwẹ ruẹn wẹ tama iran emwi ne iran gha ru. U ya e mana koko iran, u na vbe sa amẹ ne iran wọn.

Nehimaia 9:26

“Sokpan, emwa ruẹn sọtẹ, iran ma họn ẹmwẹ ne uẹn iran keghi fi iyeke gbe Uhi ruẹ, iran gbele avbe akhasẹ ni bu iran ude ni tama iran ne iran dọlegbe bu ruẹ gha dee iran kegha yagha a yan egbe yan egbe.

Nehimaia 9:29

U yan ma iran, ne iran gha ya emwi ne u ma iran ẹre yin, sokpan vbe uwu uhiomwẹ iran fi iyeke gbe uhi ruẹ, a gha rhe miẹn wẹ a rhie Uhi ruẹ lẹre ọkpa ọre uhunmwu agbọn ne ọ maa ye uhunmwu ibiba, kevbe ni ze vbe udu, iran he ne iran ya ẹe ru emwi.

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Psalm 95:10

Ukpo iyeva ọre egbe iran na wa ya wọ mwẹ I keghi kha wẹẹ, ‘Ghe vbene iran sọtẹ hẹ; iran hee uhi mwẹ ye otọ.’

Aizaia 28:10

Ọ ho ne ọ gha ma ima emwi abidi ọkpọkpa, uviẹn ọkpọkpa, ipapa ebe ọkpọkpa.”

Aizaia 42:24

Gha ọ zẹẹ Izrẹl obọ ne iran ni fu emwi yi? E Nọyaẹnmwa tobọ ẹre nọ, ọmwa ne ima ru orukhọ ghe! Ma ma yin vbene ọ gie mwa, ra ne a gha ru vbene ọ ma ima ẹre.

Aizaia 48:9

“I gbe ibiẹ rrie vbe ohu ne ọ te mu mwẹ ne emwa miẹn ehe na gha rho eni mwẹ. I kie ẹre werriegbe ne I ghẹ ya fuẹn uwa a.

Aizaia 63:10

sokpan, iran keghi sẹmwẹ ọnrẹn, iran keghi gha rhia ẹre ẹko rua. Rhunmwuda ọnii, e Nọyaẹnmwa keghi khian oghian iran, Ọ keghi gu iran gbinna.

Jerimaia 25:4

Wa ma danmwehọ a ma wẹ, wa ra zẹ yọ, a gha rhe miẹn wẹ te Nọyaẹnmwa gha giee avbe eguọmwadia ẹre ighẹ avbe akhasẹ gie uwa.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Jerimaia 44:4

I kegha giee avbe eguọmwadia mwẹ ighe avbe akhasẹ gie uwa, iran na vbe gha tama uwa ne uwa ghẹ gha ru avbe emwi dan na ne ẹ i yẹ mwẹ.

Jerimaia 44:5

Sokpan, wa ma danmwehọ, amawẹ te uwa ghi ra zẹ yọ. Wa ma dobọ emwi dan ne uwa ru yi ra ne uwa dobọ ese ne a zọ ghe ẹbọ yi.

Jerimaia 7:25

Ke ẹdẹ ne erha uwa ke Igipt ladian gha dee do sẹ ẹdẹnẹrẹ na, te I gha gie avbe eguọmwadia mwẹ ighe avbe akhasẹ gie uwa.

Eve Orriara 2:17

E Nọyaẹnmwa ye ru ẹe vbene ọ wẹ rẹn re ru ẹe: Ọ fuẹn ima an vbe ne a i na mwẹ itohan, zẹ vbene ọ taa ẹe yotọ ke ẹghẹ nii gha dee. Ọ gie obọ avbe eghian mwa ke ukhunmwu, ọ keghi ye ọyẹnmwẹ sẹ iran ye udemwẹ mwa.

Daniẹl 9:6

Ma ma zẹ ye avbe eguọmwadia ruẹ re, kevbe avbe akhasẹ ruẹ, ni ya eni ruẹn gu avbe ọba mwa, kevbe iran ni khaemwisẹ yan ima guan, kevbe erha mwa odede, kevbe ẹvbo mwa hia fẹẹrẹ.

Zẹkaraia 7:12

iran keghi ye ekhọe iran wegbe zẹ vbe okuta nọkhua. Rhunmwuda ne iran ma na zẹye emwi ne I la obọ avbe akhasẹ ni rrọ vbe ẹghẹ ne ọ kpẹre ma iran re, ohu keghi mu mwẹ ẹsẹse.

Zẹkaraia 7:13

Rhunmwuda ne iran ma na zẹ yọ vbe I gu iran guan, iran ghi vbe na erhunmwu, mẹ ma vbe zẹ yọ.

Nọmbas 11:26

Eva vbe uwu avbe ekigbesiyenẹ nii keghi mudia vbe agọ, iran ma yo Owa Ukpọn nii, iran na ọre Ẹldad kevbe Mẹdad. Ehe ne iran ye vbe agọ ọre nene orhiọn na mu iran, iran kevbe gha vannọ zẹ vbe avbe akhasẹ.

Iwinna 13:18

Ukpo iyeva ọre ọ ya mu ẹmwẹ iran woo egbe vbe uwu ato.

Iwinna 28:25

Ẹmwẹ iran ma ghi gu egbe ro, sokpan vbe iran ghi te kpao, Pọl keghi ta ẹmwẹ ọkpa na ma iran wẹẹ, “Ẹmwata ọre ẹmwẹ ne Orhiọn Ne Ọ Huanrẹn la unu akhasẹ Aizaia tama avbe erha uwa odede wa khin wẹẹ,

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Ebe ne Pọl gbẹẹn gie emwa Rom 2:4

Ra te uwẹ miẹn ọẹn fo ighẹ itohan rẹn nọkhua kevbe ifuẹko kevbe i ziengbe ẹre? Wẹ ma rẹn ighẹ te Osanobua ziengbe ne ọ rhie ẹghẹ nuẹn ne u ya fiwerriẹ?

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.

II Pita 3:9

Zẹ vbene emwa eso roro ẹe, ẹ i re te Nọyaẹnmwa ghi si ẹe kpẹe vbe otọ ighẹ emwi ne ọ wẹ rẹn ra ru, sokpan te ọ ziengbe rhunmwuda uwa, rhunmwuda, rẹn iho ne ọmwa rhọkpa fuan, sokpan ọ ho ne emwa hia fiwerriẹ hin orukhọ iran rre.