Nehimaia 9:29 - Edo Bible (E Baibol Ẹdo) Version 1996

²⁹ U yan ma iran, ne iran gha ya emwi ne u ma iran ẹre yin, sokpan vbe uwu uhiomwẹ iran fi iyeke gbe uhi ruẹ, a gha rhe miẹn wẹ a rhie Uhi ruẹ lẹre ọkpa ọre uhunmwu agbọn ne ọ maa ye uhunmwu ibiba, kevbe ni ze vbe udu, iran he ne iran ya ẹe ru emwi.

Nehimaia 9:29 ပူးပေါင်းရင်းမြစ်များ

II Ọba 17:13

E Nọyaẹnmwa gie avbe odibo ẹre kevbe avbe akhasẹ ne a tama Izrẹl kevbe Juda wẹẹ, “Wa la hin odẹ dan ne uwa la khian rre, ne uwa gha ru vbene I khare zẹ vbene ọ rre uwu uhi ne I rhie ne avbe erha uwa odede, ne I vbe rhie ne avbe akhasẹ ne eguọmwadia mwẹ rhie ye uwa obọ.”

II Ọba 17:14

Sokpan, iran ma họn ẹmwẹ ne ọ tama iran, iran na vbe gha yin uyinmwẹ dan ne erha iran vbe yin ne iran ma na ya e Nọyaẹnmwa ne Osanobua iran yi.

II Krọnikol 24:19

E Nọyaẹnmwa keghi gie avbe akhasẹ ne iran yan ma iran wẹ ne iran dọlegbe bu irẹn gha dee, sokpan emwa ni ma danmwehọ.

II Krọnikol 33:10

Vbene Nọyaẹnmwa ya obọ sekhae ne Manasẹ kevbe emwa rẹn sẹ iran ma zẹ yọ.

II Krọnikol 36:15

E Nọyaẹnmwa ne Osanobua avbe erha iran odede kegha gie avbe akhasẹ rre ne ọ do gha bu iran ude, rhunmwuda, rẹn te gha ho ne ọ sẹ iran kevbe Ọgua Osa rae.

Nehimaia 13:15

Vbe ẹghẹ nii, I keghi miẹn emwa Juda vbe iran minọ alimo vbe Ẹdẹ Ikẹtin. Eso ọvbehe kegha kun ihẹ ọka, ayọn alimo, ọmọ ohọ kevbe ọvbehe yan ekẹtẹkẹtẹ iran ne iran viọ rrie Jerusalẹm. I keghi ya obọ sekhae ne iran wẹ ne iran ghẹ khiẹn emwi vbe Ẹdẹ Ikẹtin.

Nehimaia 9:10

U winna ọyunnuan ne ọkpaodin yan ọba, iran ni rre asẹ kevbe emwa otọe ni. Rhunmwuda, u rẹn vbene iran zẹ emwa ruẹn kpokpo hẹ, u keghi gbe miẹn ọghọ; ne ọ ye lele uẹ khian ẹrẹna.

Nehimaia 9:16

Sokpan avbe erhamwa odede ke gha hio iran na vbe ze vbe udu, iran ke ghi he ne iran họn ẹmwẹ ne uẹn.

Nehimaia 9:26

“Sokpan, emwa ruẹn sọtẹ, iran ma họn ẹmwẹ ne uẹn iran keghi fi iyeke gbe Uhi ruẹ, iran gbele avbe akhasẹ ni bu iran ude ni tama iran ne iran dọlegbe bu ruẹ gha dee iran kegha yagha a yan egbe yan egbe.

Nehimaia 9:30

Ke ukpo dinna ukpo, u keghi ye izin egbe gha ma iran emwi u ru ẹe ne avbe akhasẹ ruẹ guan, sokpan emwa ruẹn keghi yin ehọ u keghi rhunmwuda ọnii rhie ẹghẹ ne ẹvbo ọvbehe ya khọn iran.

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Jerimaia 17:23

Avbe erha iran odede ma họn ẹmwẹ mẹ ra ne iran zẹ yọ mwẹ re. Sokpan iran keghi ze vbe udu, iran ma họn ẹmwẹ mẹ amawẹ ne iran ruẹ emwi vbe ehe ne I ye.

Jerimaia 19:15

Wẹ e Nọyaẹnmwa ne Oghodua, ne ọ re Osanobua Izrẹl khare wẹẹ, “Oya hia ne I khare ighe I gha rri iran re, I ra mu ẹẹn sẹ vbe egbe ẹvbo na kevbe avbe ẹvbo ni sikẹ ọre, rhunmwuda, wa zevbudu gbe, wa i vbe danmwehọ ẹmwẹ ne I ta.”

Jerimaia 42:19

Ọre I na rhie te ẹe wẹẹ, “E Nọyaẹnmwa tama uwa na ne ọ ghi kẹe vbe Juda wẹ ne uwa ghẹ dọlegbe gha rrie Igipt. Rhunmwuda ọnii nian, I tama uwa yotọ nẹ o.

Jerimaia 43:2

Ẹre Azaraia ne ovbi e Hosiaia, kevbe Johanan ne ovbi e Karea, kevbe avbe emwa nii hia nekpa fẹẹrẹ na tama mwẹ wẹẹ, “Ohoghe ọ re u ta, e Nọyaẹnmwa ne Osanobua mwa ma gie uẹ ne u tama ima wẹ ne ima ghẹ gha rrie Igipt ne a ya yin odọ nii.

Jerimaia 44:10

Sokpan, do sẹ ẹdẹnẹrẹ na, wa ma ye mu egbe rriotọ. Wa ma he ye ya ọghọ mẹ ra ne uwa gha ya uhi ne I yi ne uwa kevbe avbe erhan uwa odede ru emwi.

Jerimaia 7:26

Sevba ọmwa ne ọ zẹyọ ra ne ọ vbe danmwehọ I rrọọ, sokpan, wa keghi do ze vbe, udu wa keghi vbe sọtẹ sẹẹ avbe erha uwa odede.

Ezikiẹl 20:11

I yi iyi mwẹ ma iran, I keghi vbe ma iran uhi mwẹ ne ọ rhie arrọọ ne ọmwaikọmwa ne ọ yae ru emwi.

Daniẹl 5:20

Sokpan, ugbẹn vbe ọ ghi do ze vbudu, ọ na gha hioo, ọ na do gha ru emwi dan, a keghi sii ẹe hin ẹkete ẹre rre, uyi ne ọ rre ọre egbe keghi wii.

Hozia 6:5

Ọnii ọ si ẹe ne I na gie avbe akhasẹ mwẹ bu uwa gha dee, ne iran do gu uwa guan vbekpa ibuohiẹn kevbe ọfuan. I ma vbe rhie emwi ne I ho vbe obọ uwa lẹre, te I wa taa ẹe ladian gboo.

Levitikọs 18:5

Wa gha ru emwi zẹ vbene I mwamwa uhi ẹre ye otọ ne uwa. Te uwa ra ya ẹe sinmwi uhunmwu uwa ye agbọn deghẹ wa ru vberriọ. Mẹ ọrọre Nọyaẹnmwa.

Matiu 19:17

Jesu wanniẹn tama rẹn wẹẹ, “Vbọzẹ ne u na gualọ otọ emwi ne ọ maa vbe obọ mwẹ yi? Ọmwa Ne ọ maa ọkpa kẹkan ọre ọ rrọọ. Deghẹ u hoo ne ẹfe ne ẹ i fo sẹ uẹ obọ, gha mu uhi sẹ.”

Iyẹn ne ọ Maan Ọghe Luk 10:28

Jesu wanniẹn wẹẹ, “Ewanniẹn ruẹn gbae, ya gha ru vberriọ, u gha fe.”

Ebe ne Pọl gbẹẹn gie emwa Rom 10:5

Ẹmwẹ ne Mosis gbẹn ọ na khin, vbekpa ọghe ne a rhunmwuda ighẹ a mu nene Uhi sẹ, dọlọ ọmwa kugbe ba Osanobua: “Ọmwa ne ọ rhirhi mu nene Uhi sẹ gha la ekpa ẹre gha rrọọ.”

Galatia 3:12

Sokpan ẹ i re iyayi ọre nene Uhi ye egbe yan. Sokpan, zẹ vbene ebe kha re, “ọmwaikọmwa ne ọ ru zẹ vbe emwi hia ne nene Uhi kha re, ọ gha vbe la ekpa ẹre fe.”

Diuteronomi 31:21

Ọkhọ dan ni bun ghi do rruan iran. Ẹghẹ nii, ihuan na ghi gha rre evba zẹ vbe osẹe mwẹ ghe iran, rhunmwuda ivbi iran gha ye gha so ẹe. Uhin vbe banbanna nian, vbe I te viọ iran sẹ otọ ne I wẹ I gha mu ne iran, I rẹn emwi ne iran ro vbe ekhọe.”

Diuteronomi 31:27

I rẹn vbene iran ze vbe udu sẹ hẹ kevbe ne iran na vbe sọtẹ. A deghẹ iran sọtẹ ghe Nọyaẹnmwa vbe imẹ rre agbọn, I gha wu nẹ, evba iran ra na sọtẹ sẹ.

Diuteronomi 4:26

Wa gha ru emwi na, I tie ẹrinmwi kevbe agbọn vbe osẹe ẹre na, wẹ wa gha rherhe gbẹro vbe otọ na. Wa i khian tọ vbe otọe ne ọ rre vbe a gha fian Jọdan rra ne uwa ra ya yin na. Te a ra wa fuẹn uwa fo fẹẹrẹ.

Giọgis 6:10

I tama uwa wẹ mẹ ọrọre Nọyaẹnmwa ne Osanobua uwa, kevbe wẹ ne uwa ghẹ gho ẹbọ avbe emwa Amọri ne uwa di otọ ẹre ya na. Sokpan, wa ma zẹ yọ mwẹ re.”