Nehimaia 9:27 - Edo Bible (E Baibol Ẹdo) Version 1996

²⁷ Wẹ keghi gie eghian khọn iran, Ne iran vbe gha kha yan iran Iran na gha kha yan iran. Ọlọghọmwa ghi rre, iran keghi da tie ruẹ ne iyobọ U keghi wanniẹn iran ẹmwẹ ke ẹrinmwi rre. Vbe itohan ruẹn nọkhua, u gie olotu bu iran yo Iran keghi wọlọ iran hin obọ eghian rre.

Nehimaia 9:27 ပူးပေါင်းရင်းမြစ်များ

II Ọba 13:5

E Nọyaẹnmwa keghi gie ọkaolotu gie Izrẹl ọ na do miẹn iran fan hin obọ ivbi e Siria rre. Izrẹl keghi vbe do gha rrọ vbe ọfumwegbe vbene iran ka ye de yi.

II Ọba 14:27

sokpan, ẹ i re iho ọghe Nọyaẹnmwa ne ivbi Izrẹl wa gbe ẹro ẹdẹdẹmwẹdẹ, rhunmwuda ọnii, ọ keghi lo e Jeroboam Ne Ogieva ya wọlọ iran ladian vbọ.

II Ọba 17:20

E Nọyaẹnmwa keghi he ivbi Izrẹl hia ye otọ, ọ na rri iran oya, ọ na vbe hẹ iran ne eghian iran ne ekhọe ẹre wegbe, a te do miẹn wẹ, vbe okiekie, a keghi wa ho iran bẹkun vbe odaro ẹre.

II Ọba 17:39

Mẹ ne Nọyaẹnmwa ne Osanobua uwa ọre uwa gha họn ẹmwẹ na, ẹghẹ nii mẹ gha miẹn uwa fan hin obọ avbe eghian uwa hia rre.”

II Krọnikol 36:17

Rhunmwuda ọnii, e Nọyaẹnmwa keghi gie ọba e Babilọn ne ọ mu okuọ gie iran. Ọba nii keghi gbele avbe igbama ni rre Juda, uhin ighẹ te ọ gbele iran vbe uwu Ọgua Osa, ọ ma vbe tohan ọmwa rhọkpa, ibiẹka kevbe ni khian ọmaẹn, ikpia kevbe ikhuo iran ne egbe rranrẹn kevbe iran nikhuọnmwi, Osanobua keghi wa filo iran hia ku ẹre obọ.

Nehimaia 9:19

Sokpan, wẹ ma sẹ iran rae ye ato vbe evba rhunmwuda, itohan ruẹn kpọlọ u ma rhie okuku nii ra erhẹn nii hinrre, ne ọ gha ma iran odẹ vbe avan kevbe asọn.

Psalm 136:24

Ọ keghi fannọ mwa hin obọ eghian mwa rre etẹbitẹ ọ re ahoẹmwọmwa rẹn khin.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Obedaia 1:21

Emwa ni khọnmiotọ vbe Jerusalẹm gha khọn mu Idọm, iran ghi vbe gha kha yan rẹn. E Nọyaẹnmwa tobọ ẹre ọre ọ khian gha re ọba.”

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.