Nehimaia 9:25 - Edo Bible (E Baibol Ẹdo) Version 1996

²⁵ Emwa ruẹn khọn avbe ẹvbo ne a gbe ekẹn gaa, otọe esiesi kevbe, owa ni vuọn ne emwi ẹfe, avbe uhae ne a fian ye otọ nẹ. Avbe erhan oliv, erhan ni mọ ọmọ kevbe avbe ogba azara iran rri evbare nẹ ọ khọn iran, iran na gha ti ye egbe, iran ke ya emwi ne u viọ ne iran gha ku obọ ye uwa.

Nehimaia 9:25 ပူးပေါင်းရင်းမြစ်များ

I Ọba 14:9

Orukhọ ne u he ru sẹ ọghe iran hia ni ka gha rriọba khẹ ruẹ ẹsẹse. U fi iyeke gbe mwẹ nẹ, u keghi gua izohu mwẹ kpao vbekpa ne u na gha mannọ amazẹ, u na dunmwu ẹbọ ematọn ne u miẹn gha gho.

I Ọba 8:66

Vbe ikpẹdẹ ne ogierẹnrẹn, e Solomọn keghi zẹ. emwa ni hia urrie, iran hia keghi tian rẹn, iran kegha rrie owa vbe ne ọyẹnmwẹ na sẹ iran ye emwi esi hia ne Nọyaẹnmwa ya ne Devid ne ọguọmwadia ẹre kevbe ivbi Izrẹl ne emwa rẹn.

Nehimaia 9:35

Vbe ekpa afiangbe ruẹ, avbe ọba kegha kha yan emwa ruẹn. Vbe iran rre otọe ne ọ vbẹ aro, ne ọ maa emwiokọ, ne u mu ne iran, sokpan, iran ma fi iyeke gbe orukhọ ne iran do gha ga uwẹ.

Psalm 105:44

Ọ mu otọe emwa ọvbehe ne iran ọ na vbe gie iran munọ ugbo iran.

Psalm 65:11

U miẹn vbe emwiokọ ne iruẹmwi ẹse ruẹ rhie ne emwa bun hẹ! Ọkpọkua ghi gha rre ehe ne u la ẹe hia.

Itan 30:9

I gha do gha mwẹ gberra vberriọ, ne I ghẹ do ya gha kha wẹ u i mwẹ emwi ne u ye mẹ. Sokpan, I gha re ovbiogue, ne a ghẹ miẹn wẹ te I ghi ya rha, I na fa Osanobua mwẹ uan.

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Aizaia 63:7

I gha na iyẹn ahoẹmwọmwa e Nọyaẹnmwa ne ẹ i fira. I rho ẹre ye iwinnaa ne ọ winna ne ima Ọ fiangbe ivbi Izrẹl ẹsẹse. Rhunmwuda itohan kevbe ahoẹmwọmwa ne ẹ i beghe.

Jerimaia 2:7

I keghi viọ iran gha die otọ ne ọ maa emwiokọ. Ne iran do gha ya emwiokọ ni rrọ ru, deba emwi ni maa ni rrọọ hia. Sokpan, ne iran gha na te ru vberriọ, iran keghi mu otọe mwẹ rhia. Iran keghi ru ẹvbo ne I mu ne iran awua.

Jerimaia 31:14

I gha ye evbare ne ọ ghi maa sẹẹ koko avbe ohẹn ne ẹko vuọn iran I ghi vbe gie iho avbe emwa mwẹ sẹ iran ọkẹn. Mẹ ne Nọyaẹnmwa tae nẹ.”

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Ezikiẹl 20:6

Ẹghẹ nii ọ re I na tama iran ighẹ I gha viọ iran hin Igipt rre, I ghi viọ iran gha rrie otọe ne I mu khẹ iran, otọe ne ẹfe ye ne ọ maa emwiokọ ẹsẹse, otọe ne ọ maa sẹ vbe uwu ehia.

Daniẹl 11:24

Ọ gha mu okuo gie iyaẹvbo ne ẹfe ye vbe a ma ro a ma kọ, ọ gha vbe ru egbe ne avbe ọba ni karo ma ru. Ọ gha ghae avbe ẹfe kevbe emwi ne ọ fu viọ ke okuo ne, ne avbe ekpayẹ ọre. Ọ gha ru emwamwa vbene irẹn gha ya khọn avbe ẹvbo ne a gbe odin ga hẹ, sokpan, ẹ i kpẹe ọghọe ke fo vbotọ.

Hozia 13:6

Sokpan, wa ghi la otọe esi nii nẹ, ẹko keghi vuọn uwu, ọ keghi vbe sẹ uwa ọkẹn, wa keghi do gha hio, wa na mianmian mwẹ.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Ebe ne Pọl gbẹẹn gie emwa Rom 2:4

Ra te uwẹ miẹn ọẹn fo ighẹ itohan rẹn nọkhua kevbe ifuẹko kevbe i ziengbe ẹre? Wẹ ma rẹn ighẹ te Osanobua ziengbe ne ọ rhie ẹghẹ nuẹn ne u ya fiwerriẹ?

Diuteronomi 3:5

Ẹvbo ne a kha na hia, ta a wa gbe ekẹn ni yo ga iran, ẹkhu kevbe ogba ọre a ya khui ehia. Igue ne a ma gbe ekẹn ga a ni bun kevbe gha rrọọ.

Diuteronomi 32:13

Ọ gie iran gha kha yan otọe ni yo, iran kegha rri emwi ni zọrre vbe oha iran miẹn owọn oha vbe uwu okuta erhan ohọ iran kegha maa vbe otọe okuta.

Diuteronomi 32:14

Ẹmila kevbe ohuan iran kegha la ewẹn ẹsẹse, iran kegha mwẹ ohuan ni maa sẹẹ, ẹwe kevbe ẹmila ọka ne ọ maa sẹẹ kevbe ayọn ne ọ rhiẹnrhiẹn sẹẹ.

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.