Nehimaia 9:20 - Edo Bible (E Baibol Ẹdo) Version 1996

²⁰ Vbe uwu umamwẹ ruẹn wẹ tama iran emwi ne iran gha ru. U ya e mana koko iran, u na vbe sa amẹ ne iran wọn.

Nehimaia 9:20 ပူးပေါင်းရင်းမြစ်များ

Nehimaia 9:30

Ke ukpo dinna ukpo, u keghi ye izin egbe gha ma iran emwi u ru ẹe ne avbe akhasẹ ruẹ guan, sokpan emwa ruẹn keghi yin ehọ u keghi rhunmwuda ọnii rhie ẹghẹ ne ẹvbo ọvbehe ya khọn iran.

Psalm 105:41

Ọ kie okuta nọkhua, amẹ na vẹ kua ọ keghi lẹ la ato gberra zẹ vbe ẹzẹ.

Psalm 143:10

Wẹ ọrọre Osanobua mwẹ, ma mwẹ ẹre ne I gha ru iho ruẹ. Gha ru mwẹ ẹse, ne u vbe gha dia mwẹ, la odẹ ne ẹbe i ye.

Ẹksọdọs 16:15

Ugbẹn vbe ivbi Izrẹl ghi miẹn ọẹn, iran ma rẹn emwi ne ọ khin, iran na gha nọ egbe ọta wẹẹ, vbe ọna khin yi? E Mosis keghi tama iran wẹẹ, “Ebrẹd ne Nọyaẹnmwa viọ gie uwa re ọre ena khin.

Ẹksọdọs 16:35

Ukpo iyeva ọre ivbi Izrẹl rri emana la, iran te do sẹ otọe Kenan ne iran yinrin.

Ẹksọdọs 16:4

E Nọyaẹnmwa keghi tama e Mosis wẹẹ, “Mẹ ra ru ẹe ne ebrẹd gha dele ke odukhunmwu rre ne uwa hia, dọmwadẹ ọghọe vbe uwu avbe emwa nii ghi gha ladian ya gha rhọ ne ọ gha sẹ vbe ọghe ẹdẹ ọkpa. Vbe nian ọre I gha ya danmwẹ iran ghe, a deghẹ iran gha ya uhi mwẹ ru emwi.

Ẹksọdọs 17:3

Sokpan ohanmwẹ amẹ kegha kakabọ gbe emwa nii, iran na gha gui ẹzọ Mosis. Iran wẹẹ, “Vbọzẹ ne u na hẹ ima ke Igipt ladian? te u wẹ ne u do ya ohanmwẹ amẹ gbele ima an ra, ke emọ kevbe emwirri?”

Ẹksọdọs 17:6

I gha mudia ye odaro ruẹ vbe uhunmwu okuta vbe oke Sainai. Ya ọkpọ nii kpe okuta, amẹ gha vẹ ke uwu ẹre ladian ne emwa nii wọn.” E Mosis keghi sirra avbe ekaolotu Izrẹl nii ru vberriọ.

Aizaia 48:21

Ẹghẹ ne Nọyaẹnmwa na viọ emwa la uwu ato ne ọ kae kevbe ne ọ tọn ovbamẹ ma gbe iran. Ọ gie amẹ ke uwu okuta vẹ ladian ne iran, ọ wa gha okuta yotọ, amẹ keghi vẹ ladian.

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Hagai 2:5

Ẹghẹ ne uwa na ke Igipt ladian, I yanrẹn wẹ I gha gu uwa gha rrọ ẹghẹ hia. I ye gu uwa rrọ, rhunmwuda ọnii wa ghẹ fian afianma.

Nọmbas 11:17

I gha tuorre do guẹ guan vbe evba, I gha rhie vbe orhiọn ne I rhie ne uwẹ nẹ, I ghi rhie ne iran. Ẹghẹ nii iran ghi gha ru iyobọ ne uẹn ya gha gbe aro ghe avbe emwa na, ne ọ ghẹ ghi gha re wẹ wẹ ọkpa ọ re ọ mu uhunmwu da ẹre.”

Iyẹn ne ọ Maan Ọghe Jọn 4:10

Jesu wanniẹn wẹẹ, “Akpawẹ te u rẹn emwi ne Osanobua ya ru ọmwa ẹse ke ọmwa ne ọ wẹ ne u sa amẹ ne irẹn wọn, te u gha nọ rẹn, rẹn gha ghi vbe sa amẹ arrọọ nuẹn.”

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Ebe ne Pọl gbẹẹn gie emwa Rom 15:30

Etẹn mwẹ, I kakabọ ye Nọyaẹnmwa Jesu Kristi, kevbe ahoẹmwọmwa ne Orhiọn rhie ne ọmwa rinmwian uwa ne uwa deba mwẹ kakabọ gha na erhunmwu ghe Osanobua mẹ.

I Kọrinti 10:3

Iran rri evbare orhiọn ọkpa nii.

Ẹfisọs 5:9

Rhunmwuda, uwanmwẹ ọre ọ rhie otọ ne avbe emwi esi, vbene umamwẹ, emwi ne ọ gbae kevbe ẹmwata ye, ne a mọ ọmọ wọrhọwọrhọ.

Jọsua 5:12

Vbe iyeke ọnii, emana keghi dobọyi, ọ ma ghi dele rre. ivbi Izrẹl ma ghi vbe miẹn. Iran keghi suẹn vbe ukpo nii gha rri evbare ne a rhọre vbe otọe Kenan.

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.