Nehimaia 9:19 - Edo Bible (E Baibol Ẹdo) Version 1996

¹⁹ Sokpan, wẹ ma sẹ iran rae ye ato vbe evba rhunmwuda, itohan ruẹn kpọlọ u ma rhie okuku nii ra erhẹn nii hinrre, ne ọ gha ma iran odẹ vbe avan kevbe asọn.

Nehimaia 9:19 ပူးပေါင်းရင်းမြစ်များ

Nehimaia 9:12

U ya okuku su iran vbe ẹghẹ avan, u keghi ya erhẹn rhukpa ne iran vbe ẹghẹ asọn.

Nehimaia 9:27

Wẹ keghi gie eghian khọn iran, Ne iran vbe gha kha yan iran Iran na gha kha yan iran. Ọlọghọmwa ghi rre, iran keghi da tie ruẹ ne iyobọ U keghi wanniẹn iran ẹmwẹ ke ẹrinmwi rre. Vbe itohan ruẹn nọkhua, u gie olotu bu iran yo Iran keghi wọlọ iran hin obọ eghian rre.

Nehimaia 9:31

Sokpan, rhunmwuda ighẹ itohan ruẹn kpọlọ, u ma fi iyeke gbe ra ne u fuẹn iran an Osanobua ne ọ vuọn ne ẹsọhẹ ne ọ mwẹ itohan, ọre uwẹ khin.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Psalm 136:16

Ọ su emwa rẹn la ato gberra, etẹbitẹ ọ re ahoẹmwọmwa rẹn khin.

Ẹksọdọs 40:36

Ẹghẹikẹghẹ ne ivbi Izrẹl ya si ke ago ọkpa gha rrie ọvbehe, te iran miẹn wẹ okuku nii si hin uhunmwu owa ukpọn nii rre nẹ.

Ẹksọdọs 40:38

Okuku nii ne ọ rhie maa wẹẹ e Nọyaẹnmwa rre evba ghi gha mudia yan Owa Ukpọn nii vbe avan, erhẹn ghi vbe gha ba vbọ vbe asọn vbe ehe ne ivbi Izrẹl hia gha na sẹtin bẹghe vbe uwu ẹghẹ hia ne iran ya gha si ke agọ dinna agọ.

Aizaia 44:21

E Nọyaẹnmwa khare wẹẹ, “Izrẹl, ye ẹmwẹ na rre, yerre i ghẹ ọguọmwadia mwẹ ọ re u khin. Te imẹ yii uwẹ ne u gha re ọguọmwadia mwẹ, mẹ i ra mianmian uwẹ ẹdẹ.

Eve Orriara 3:22

Aho ẹmwẹ ọmwa ne ẹ i fira kevbe itohan ọghe e Nọyaẹnmwa ye rrọọ rhinrin,

Ezikiẹl 20:14

Sokpan, I ma ru vberriọ, rhunmwuda, ọnii gha mu ozan gie eni mwẹ vbe ehe ne avbe uhunmwu ẹvbo nii ye, iran ne aro ẹre se ọe vbe I viọ ivbi Izrẹl ke Igipt ladian.

Ezikiẹl 20:17

“Sokpan, I keghi tohan iran, I na ghi kha wẹ I i ra gbele iran an ye uwu ato vbe evba sokpan,

Ezikiẹl 20:22

Sokpan, I ma ru vberriọ, rhunmwuda, te ọnii gha mu ozan gie eni mwẹ vbe ẹbu uhunmwu ẹvbo ni miẹn mwẹ vbe I viọ ivbi Izrẹl ke Igipt ladian.

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Daniẹl 9:9

Wẹ mwẹ itohan, u keghi vbe yabọ, a gha rhe miẹn wẹ ma sọtẹ ghe ruẹ.

Malakai 3:6

Mẹ ọrọre Nọyaẹnmwa, mẹ i vbe fiwerriẹ. Rhunmwuda ọnii wa ma he wa wirua fo, wa ne ivbi uniẹn e Jekọb.

Nọmbas 14:14

Iran ghi do tama emwa ni rre ẹvbo na. Emwa na ka họn nẹ wẹ, wẹ ne Nọyaẹnmwa rrọọ yaba mwa, wẹ, te u wa ya egbe ne a miẹn vbe okuku ruẹ a de mudia vbe odukhunmwu ehe ne ima ye, kevbe wẹ avan gha rre, u ghi ke odaro ne ima vbe uwu orre okuku amẹ kevbe asọn, vbe uwu orre erhẹn.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

I Samuẹl 12:22

Osanobua wa yan nẹ, rẹn i ra fi iyeke gbe uwa, rhunmwuda, te irẹn yan yọ wẹ rẹn gha ya uwa ru emwa irẹn.