Nehimaia 9:14 - Edo Bible (E Baibol Ẹdo) Version 1996

¹⁴ U ma iran ẹre ne iran gha ya Ẹdẹ ikẹtin ru emwi ni huanrẹn u na rhie uhi ruẹ la obọ Mosis ne ọguọmwadia ruẹ gie iran.

Nehimaia 9:14 ပူးပေါင်းရင်းမြစ်များ

Gẹnẹsis 2:3

Rẹn keghi fiangbe ikpẹdẹ ne ogihinrọn, ọ keghi zọe ye otọ zẹ vbe ẹdẹ kpataki, rhunmwuda ẹdẹ nẹdẹrriọ ọre ọ winna iwinna emwi ne ọ yi fo, ọ na dobọ iwinna yi.

Nehimaia 1:8

Yerre nian, vbene u tama Mosis hẹ wẹẹ, ‘A deghẹ wa ne ivbi Izrẹl ma rhie egbe mu mwẹ ẹse, I gha zagha uwa a lele otọe ẹvbo ọvbehe.

Nehimaia 10:32

Ukpukpo ma gha zẹ obọ ọkpa vbe a gha uwan ne kherhe ọghe esiliva ye ihẹ erẹnrẹn, ne a miẹn ya gha ha osa emwi ne a lo vbe Ọgua Osa.

Ẹksọdọs 16:23

Rẹn keghi tama iran wẹẹ, “Iyi ne Nọyaẹnmwa yi ọna khin. Ẹdẹ ikẹtin ọre ẹdẹ ne akhuẹ khin, ẹdẹ ne ọ huanrẹn ọghe ikẹtin ne a ya fiohan ne Nọyaẹnmwa. Wa fian ebrẹd ne uwa gha fian ne uwa vbe le emwi ne uwa gha le. Emwi ne ọ ghi kẹrre hia, wa ya iran gba khua hin rre khẹ ẹdẹnakhuẹ.”

Ẹksọdọs 16:29

Yerre wẹ mẹ ne Nọyaẹnmwa ọre ọ rhie Ẹdẹ Ikẹtin ne uwa, ọnii ọre ọ zẹe ne I na viọ evbare ukhukhu eva ne uwa vbe ikpẹdẹ ne ogiehan. Dọmwadẹ ọghọe ghi gha rre ehe ne ọ ye vbe ẹdẹ ne ne ogihinrọn, ọmwa rhọkpa ghe kpa hin owa rre.”

Ẹksọdọs 24:12

E Nọyaẹnmwa keghi tama e Mosis wẹẹ, “Hin odukhunmwu oke bu mwẹ gha dee ne u do mudia mwa. Mẹ gha viọ uhanhan okuta eva ne avbe iyi kevbe uhi nii ye nuẹn, emwi ne imẹ gbẹnnẹ ne a ya gha ma avbe emwa na emwi.”

Ezikiẹl 20:11

I yi iyi mwẹ ma iran, I keghi vbe ma iran uhi mwẹ ne ọ rhie arrọọ ne ọmwaikọmwa ne ọ yae ru emwi.

Ezikiẹl 20:12

I keghi ya Ẹdẹ Ikẹtin ne a ya hẹwẹ ru ama ye ile ne ima gba ta, ne ọ gha ye iran rre wẹ te imẹ ne Nọyaẹnmwa ya iran khian nọhuanrẹn.

Ezikiẹl 20:20

Wa ya Ẹdẹ Ikẹtin khian ẹdẹ nọhuanrẹn, ne ọ miẹn ehe na gha re ama ile ne ima gba ta, ọ ghi vbe gha ye uwa rre wẹ mẹ ọrọre Nọyaẹnmwa ne Osanobua uwa.

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Levitikọs 27:34

Ena ọrọre uhi ne Nọyaẹnmwa viọ ne Mosis vbe oke Sainai ne ọ viọ ne ivbi Izrẹl.

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Diuteronomi 4:45

Ọ keghi viọ avbe uhi na ma ima vbe iran lahin Igipt rre nẹ vbe iran rre odẹ ahọ Ẹzẹ Jọdan vbe iya ne ọ mu aro da ẹvbo Betpeọ, otọe Saihọn ne ọba ivbi Amọri ọ re ọna ye, Hesbọn ọ re ọ ke gha khaemwisẹ rre. E Mosis kevbe ivbi Izrẹl keghi khọn miẹn ẹre otọ vbe iran ke Igipt ladian nẹ.

Diuteronomi 4:5

“I ma uwa uhi nii hia nẹ, zẹ vbene Nọyaẹnmwa Osanobua mwẹ ma mwẹ re. Wa ghi gha ya iran ru emwi vbe otọe nii ne uwa ra ya khọn na ne uwa yin ẹnrẹn.

Diuteronomi 5:31

Sokpan e Mosis, wẹ mudia ke mwẹ vbe emwa, I gha viọ avbe uhi ke iyi mwẹ hia ma ruẹn. Ma avbe emwa ni re, ne iran miẹn ehe na gha ya iran ru emwi vbe otọ ne I ra mu ne iran.’