Nehimaia 9:11 - Edo Bible (E Baibol Ẹdo) Version 1996

¹¹ U zẹ odẹ ye adesẹ okun ne emwa ruẹn. U na viọ iran la otọe ne ọ kae gha khian. Iran ni khulo iran khian ke wulo ye uwu amẹ, vbene okuta ye vbe okun ne Ọ gbinna.

Nehimaia 9:11 ပူးပေါင်းရင်းမြစ်များ

Psalm 66:6

Ọ ye okun khian otọe ne ọ kae, avbe erha mwa odede keghi ya owẹ fian ẹzẹ rra. Ma ghọghọe ye emwi ne ọ ru vbe evba nii.

Psalm 78:13

Ọ wa okun ye ihe eva, ọ na viọ iran la ẹe gberra, ọ keghi ru ẹe ne amẹ mudia, zẹvbe egbekẹn.

Ẹksọdọs 14:14

E Nọyaẹnmwa gha gbinna ne uwa, emwi ne ọ kan uwa ne uwa gha ru ọrọre ne uwa gha ghe ughe.”

Ẹksọdọs 14:25

Ọ keghi munọ owẹ ikẹkẹ okuo iran mwẹ sẹrriọ wẹ okhian kegha ba so iran. Avbe ivbi Igipt keghi kha wẹẹ, “Wa gie ima lẹ ne ivbi Izrẹl rhunmwuda e Nọyaẹnmwa ọre ọ gu ima gbinna ne iran!”

Ẹksọdọs 14:29

Sokpan ivbi Izrẹl keghi ya owẹ fian okun ne ọ ka ẹe rra vbene amẹ na yevbe egbekẹn ye iran obọ eveva.

Jerimaia 32:20

Vbe ẹghẹ ne ọ kpee fua, u keghi winna iwinnaan ama kevbe ọyunnuan vbe Igipt, do sẹ ẹdẹ ne ẹre na, te u ye winna ẹn vbe ehe ne avbe ivbi Izrẹl, kevbe avbe ẹvbo ọvbehe hia ye, sẹrriọ wẹ te a ghi rẹn ruẹn nian vbe ehe hia.

I Kọrinti 10:1

Etẹn mwẹ, I ho ne I ye uwa emwi ne ọ sunu vbe egbe avbe erha mwa odede ni lele Mosis khian rre. Okuku mu aghọnghọn gue iran, iran keghi vbe fian Okun Ne Ọ Baa rraa hẹnnẹdẹn.

Hibru 11:29

Iyayi ọre ivbi Izrẹl ya fian Okun Ne ọ baa rraa, vbene a miẹn wẹ otọ, ne ọ kae ọre nọ. Ivbi Igipt ghi te ra vbe ru vberriọ, amẹ keghi minọ iran re.

Arhie Maan 18:21

Ẹghẹ nii ọre odibosa nọkhua ọkpa na tọn okuta ne ọ kpọlọ vbe olọ nọkhua mu, ọ keghi fi ẹe fi uwu okun, ọ wẹẹ, “Erriọ ọre a ra rhie Babilọn ne ẹvbo nọkhua fian mwẹ otọ, a i ghi ra vbe dọlegbe miẹn ọẹn ọvbehe.