Nehimaia 9:1 - Edo Bible (E Baibol Ẹdo) Version 1996

^1-2 Vbe ikpẹdẹ ne ọ ya gba vbe enẹyan ugie vbe uki ọkpa nii, avbe ivbi Izrẹl keghi si egbe koko ne iran do ye aguẹ ya khiẹ ye orukhọ iran. Iran keghi wannegbe iran hin uwu ẹbu avbe ọrriọvbe rre nẹ, iran keghi rhuan ukpọn akhiẹ iran na zẹ ekẹn ye uhunmwu zẹ vbe ama akhiẹ. Iyeke ọnii, iran keghi kpaegbe mudia gha miẹn orukhọ ne iran kevbe avbe erha iran odede ru kue.

Nehimaia 9:1 ပူးပေါင်းရင်းမြစ်များ

II Samuẹl 1:2

Vbe ikpẹdẹ ne ọ lele ẹe, igbama ọkpa keghi ke agọ e Sọl rre. Ọ keghi sọ ukpọn ye ẹkun ẹnrẹn, ọ na zẹ iku yan uhunmwu zẹ vbe ama ọghe akhiẹ. Ọ keghi bu e Devid gha khian, ọ keghi vbe rre ye uhunmwu kan otọ ne ẹẹn zẹ vbe otuẹ ọghọ.

II Krọnikol 20:3

Udu ke wa e Jehosiafat, ọ keghi na erhunmwu ghe Nọyaẹnmwa wẹ ne ọ giodẹ ma irẹn emwi ne irẹn gha ru. Ọ keghi wẹ ne emwa hia ni rre ẹvbo nii hia wa gha rrie aguẹ.

II Krọnikol 7:10

Vbe ikpẹdẹ ne ọ ghi lele ẹe, ne ọ re ikpẹdẹ ne ogieha yan ugie ọghe uki ne ogihinrọn, e Solomọn keghi zẹ emwa ni urrie. Ọyẹnmwẹ keghi sẹ iran ye afiangbe ne Osanobua rhie ne Izrẹl ne emwa rẹn, e Devid kevbe Solomọn.

Ẹzra 8:21

A ghi sẹ Ẹzẹ ne a fiaẹn ọghe Ahava, I keghi wẹ ne ima hia yo aguẹ, ne avbe mu egbe rriotọ vbe odaro Osanobua mwa, ne a vbe rinmwiaẹn ne ọ su ima vbe okhian mwa, kevbe ne ọ degue ima kevbe ivbi ima deba emwi ne ima mwẹ hia.

Ẹzra 8:23

Rhunmwuda ọnii, ma kegha rrie aguẹ, a na na erhunmwu ghe Osanobua ne ọ degue mwa, ọ keghi họn erhunmwu mwa.

Nehimaia 8:2

Ẹre Ẹzra ghi na mu nene ebe gha die ehe ne iran hia si egbe koko yi ikpia, ikhuo kevbe ibiẹka ni gha wan sẹ nẹ ne ọ gha na rẹn emwi ne a guan yan.

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Ẹsta 4:3

Ehe ne otọe ni lae ehe ne ọ rhanmwẹ, ehe ne a ghi na wewe ẹmwẹ na, eve orriara kegha rrọọ vbe uwu ẹbu avbe Ju. Iran kegha yo aguẹ, iran na gha viẹ, iran na gha go, ni bun vbe uwu iran kegha viọ ukpọn akhiẹ ye egbe, iran na lovbiẹ ye uwu emuẹn.

Job 2:12

Urria iran he ye vbe iran bẹghe Job sokpan iran ma ghi rẹn ọnrẹn. Ẹghẹ ne iran ghi ya rẹn ọnrẹn, iran keghi gbe akhe eve ua, iran na yanghan ukpọn ye egbe iran ẹkun, iran na gha zẹ ebubẹ fi, iran na gha kpolo ye uhunmwu.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Joẹl 2:12

“Sokpan, vbene emwi hia ye ye na, wa fiwerriẹ ne uwa bu mwẹ gha dee, ekhọekekhọe hia, deba aguẹ, kevbe eve kevbe akhiẹ.” Erriọ Nọyaẹnmwa khare:

Levitikọs 23:39

Vbe ikpẹdẹ ekesugie ọghe uki nogihinrọn, vbe uwa a ghi rhọ emwiokọ ugbo rua nẹ, wa ghi ru emwiukpo na la ikpẹdẹ ihinrọn. Ikpẹdẹ ne okaro ghi gha re ne a ya hẹwẹ kpataki.

Jọsua 7:6

E Jọsua kevbe avbe ekaolotu keghi ye akhiẹ sọ ukpọn rẹn uan, ọna de mu aro rhu otọ vbe odaro Ẹkpẹti Ile ọghe Nọyaẹnmwa. Avbe ọkaolotu Izrẹl keghi gu ẹe lovbiẹ ye evba ya sẹ ota. Iran na zẹ ebubẹ ye uhunmwu ne iran ya rhie akhiẹ iran maa.

Arhie Maan 11:3

Mẹ gha gie avbe osẹe mwẹ eva, ni yọ ukpọn ẹkpo ivin, iran ghi vbe ya gha kpe orhu ẹmwẹ Osanobua vbe uwu ikpẹdẹ iyeha yan uri yan arriaisẹn nii (1,260).”

Giọgis 20:26

Ivbi Izrẹl hia kevbe gha rrie Bẹtẹl ya khiẹ. Iran keghi tota ye odaro e Nọyaẹnmwa vba, iran ma rri evbare ọ te ya sẹ ota. Iran si sara, iran keghi giẹn emwi ne a ya zọ ese eso ohoho vbe odaro e Nọyaẹnmwa.

I Samuẹl 4:12

Okpia ọkpa vbe uniẹn Bẹnjamin ke ghi lẹfua ke odaro okuo gha die Silo, ọ keghi vbe sẹ evba vbe ẹdẹ ne ẹdẹrriọ zẹẹ. Ọ keghi yanghan ukpọn ye ẹkun, ọ na vbe viọ iku ye uhunmwu zẹ vbe ama ne ọ ya rhie maa ighẹ te irẹn khiẹ.

I Samuẹl 7:6

Iran keghi rhunmwuda ọnii ya miẹn egbe vbe Mizpa. Iran keghi sa amẹ, iran na sa ẹe kua zẹ vbe emwi imuohan ne Nọyaẹnmwa. Iran keghi wa ya ẹdẹrriọ hia gha rre aguẹ. Iran kegha kha wẹẹ, “Ma ru orukhọ ghe e Nọyaẹnmwa nẹ.” (E Samuẹl kegha rre Mizpa, ọ na gha khaemwisẹ yan ivbi Izrẹl.)