Nehimaia 8:8 - Edo Bible (E Baibol Ẹdo) Version 1996

⁸ Iran keghi zẹ edu ẹre ladian iran na vbe rhan otọ ẹre zẹ vbene iran gha na rẹn otọ ẹre ighẹ emwa nii.

Nehimaia 8:8 ပူးပေါင်းရင်းမြစ်များ

II Ọba 23:2

Iran hia keghi gha rrie Ọgua Osa, vbe ne avbe ohẹn na lele iran kevbe avbe akhasẹ deba emwa nekpa hia fẹẹrẹ kevbe avbe ọdafẹn kevbe ivbiogue. Ọba keghi tie ẹre ye iran hia ehọ ighẹ ebe ile nii ne a miẹn vbe Ọgua Osa.

Ẹzra 4:18

“A tie ebe ne uwa gbẹn gun mwẹ nẹ, a vbe zẹ edu ẹre ma mwẹ.

Nehimaia 8:12

Rhunmwuda ọnii, emwa ni hia ke gha rrie owa. Iran na ya re, iran na da vbe ẹko rhiẹnrhiẹnmwẹ, iran na ghae ne emwa ọvbehe vbe emwi ne iran mwẹ rhunmwuda, emwi ne a tie ma iran, la iran ehọ.

Nehimaia 8:7

Iyekọni, iran keghi kpaegbe, iran na mudia ye ihẹ iran, avbe Livai keghi rhan otọ nene Uhi ma iran: e Jesua, e Bani, e Siẹrebia, e Jamin, Akub, e Siabetai, e Hodaia, e Maaseia, e Kelita, Azaraia, e Jozabad, e Hanan, kevbe Pelaia.

Nehimaia 8:9

Iran ghi họn emwi ne Uhi nọ rẹn, ọ keghi da iran sẹrriọ wẹ iran na suẹn gha viẹ. Ẹre Nehimaia ne ne ọkhaemwisẹ, Ẹzra ne ohẹn kevbe ne ọ rẹn nene Uhi, kevbe avbe Livai ni gha rhan otọ nene Uhi ma emwa nii, keghi tama iran wẹẹ, “Ẹdẹnẹrẹ na, ẹdẹ nọhuanrẹn nọ ne Nọyaẹnmwa ne Osanobua uwa rhunmwuda ọnii, wa ghẹ khiẹ ra ne uwa vbe gha viẹ.

Nehimaia 9:3

Vbe omwa ẹgogo eha, a keghi gha tie Uhi e Nọyaẹnmwa ne Osanobua iran ma iran, vbe ẹgogo eha ne ọ lele ẹe, iran kegha miẹn orukhọ iran kue, iran na gha ga e Nọyaẹnmwa ne Osanobua iran.

Ezikiẹl 46:10

Emwa nii gha la owa, ọ re ovbiọba gha na vbe la owa iran gha ladian, ọ ghi vbe ladian.

Habakọk 2:2

E Nọyaẹnmwa keghi wanniẹn mwẹ ẹmwẹ vbenian wẹẹ, “Emwi ne I rhie ma ruẹn, gbẹnnẹ ọẹn ẹse ye uhanhan vbene ọ gha na wa gie a gha tie ọwarọkpa.

Iyẹn ne ọ Maan Ọghe Luk 24:27

Jesu keghi rhan otọ ẹmwẹ hia ne Ebe tae vbekpa irẹn ma iran. Ọ keghi suẹn vbe ebe Mosis rhinrin ya sẹ emwi ne avbe akhasẹ gbẹnnẹ.

Iyẹn ne ọ Maan Ọghe Luk 24:32

Iran keghi gu egbe iran guan wẹẹ, “Ẹ i re te ọ gha giẹn vbe uwu ima vbe erhẹn vbe ọ guan, ẹkpo ne ọ na gha rhan otọ ebe ne ọ huanrẹn ma ima ban vbe odẹ!”

Iyẹn ne ọ Maan Ọghe Luk 24:45

Ọ keghi rhie ẹwaẹn ye iran ekhọe ne iran miẹn ehe na rẹn otọ avbe Ebe ni.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.