Nehimaia 8:7 - Edo Bible (E Baibol Ẹdo) Version 1996

⁷ Iyekọni, iran keghi kpaegbe, iran na mudia ye ihẹ iran, avbe Livai keghi rhan otọ nene Uhi ma iran: e Jesua, e Bani, e Siẹrebia, e Jamin, Akub, e Siabetai, e Hodaia, e Maaseia, e Kelita, Azaraia, e Jozabad, e Hanan, kevbe Pelaia.

Nehimaia 8:7 ပူးပေါင်းရင်းမြစ်များ

I Ọba 8:14

Emwa nii hia ghi wa mudia ye evba, e Solomọn keghi fi egbe werriẹ mu aro da iran, ọ na ya erhunmwu nọ afiangbe Osanobua ne iran.

II Krọnikol 30:22

E Hẹzekaia ne Ọba keghi tian avbe Livai ye iguemwi ne iran ya ru ugamwẹ e Nọyaẹnmwa.

II Krọnikol 35:3

Ọ kevbe gu avbe e Livai ni re emamwaemwi Izrẹl guan, iran na ni re emwa ni ye egbe fi ohan ne Nọyaẹnmwa, ọ keghi tama iran wẹẹ, “Wa mu Ẹkpẹti Ile ye uwu Ọgua Osa ne Solomọn ne ovbi e Devid bọe. Wa ghẹ ghi dada ẹe yo dada ẹe rre ọvbehe, sokpan wa ghi gha ga e Nọyaẹnmwa kevbe ivbi Izrẹl ne emwa rẹn.

Ẹzra 8:18

Vbe ekpa ẹse ọhẹ Osanobua, iran keghi gie Siẹrebia, e Livai, ne ọ sihe, ne ovbi ẹwae Mali, bu ima gha dee, arhin evai rrọvbugie, vbe uwu avbe ivbi ẹre kevbe etiọnrẹn keghi lele ẹe gha dee.

Nehimaia 10:2

Avbe ohẹn: E Seraia, Azaraia, e Jerimaia, e Pasiọ, Amaraia, e Malkija, e Hatus, e Siebanaia, e Maluk, e Harim, e Meremot, Obedaia, e Daniẹl, e Gineton, e Barọk, e Mẹsiulam, Abija, e Mijamin, e Maazaia, e Bilgai kevbe Siemaia.

Nehimaia 11:16

E Siabetai kevbe Jozabad, ni re Livai ni hin usi, ni vbe gha gbe aro ghe iwinna ne a winna hia ne ẹ i ghi re uwu Ọgua Osa.

Nehimaia 11:19

Iran ni khẹ Ọgua Osa: Akub, e Talmọn kevbe etẹn iran, ehia kegha re erẹnrẹn irrọvbe iyenẹ yan iyisẹn (172).

Nehimaia 12:33

Avbe ohẹn ni gha kpe okpe keghi lele iran iyeke Azaraia, Ẹzra, e Mẹsiulam, e Juda e Bẹnjamin, e Siemaia kevbe Jerimaia. Ọmwa ne ọ ghi lele iran ni kegha re Zẹkaraia ne ovbi e Jonatan kevbe eyẹ Siemaia. (Usun avbe erha ẹe odede ọ re iran vbe ye ighẹ Matanaia, e Mikaia kevbe Zakọ ne uniẹn Asaf.)

Nehimaia 3:17

Avbe Livai na ọ re ọ bọlọ ako ni bun ni lele ẹe. E Rehum ne ovbi e Bani ọ re ọ bọ ako ne ọ lele ẹe. E Hasiabaia, ne ọ khaemwisẹ yan obọkpa vbe otọe Keila keghi bọ ako ne ọ lele ẹe vbe eni ẹvbo ẹre.

Nehimaia 3:19

Ẹzẹ, ne ovbi e Jesua, ne ọ khaemwisẹ yan Mizpa keghi bọ ako ne ọ lelẹe ne ọ rre odaro ehe ne a viọ emwi igbinna yi, rhinrin ya sẹ ehe ne ekẹn ke vbokho egbe ghe ehe ọvbehe.

Nehimaia 3:23

E Bẹnjamin kevbe Hasiub keghi bọ ako ne ọ lele ẹe ne ọ rre odaro owa iran; Azaraia ne ovbi e Maaseia kevbe eyẹ Ananaia keghi bọ ako ne ọ lele ẹe ne ọ vbe rre odaro owa irẹn.

Nehimaia 8:12

Rhunmwuda ọnii, emwa ni hia ke gha rrie owa. Iran na ya re, iran na da vbe ẹko rhiẹnrhiẹnmwẹ, iran na ghae ne emwa ọvbehe vbe emwi ne iran mwẹ rhunmwuda, emwi ne a tie ma iran, la iran ehọ.

Nehimaia 8:4

Ẹzra keghi mudia yan ekpatako ne a kan yo ghe ukhunmwu khẹ emwi na. Avbe ikpia na keghi mudia ye ọre oberhọmwa: e Matitaia, e Siẹma, Anaia, Uraia, e Hilkaia kevbe Maaseia. Iran na kevbe mudia ye ọre obọ iye ọmwa: e Pedaia, e Misiaẹl, e Malkija, e Hasium, e Hasbadana, e Zẹkaraia kevbe Mẹsiulam.

Nehimaia 8:6

Ẹzra keghi kha wẹẹ, “Wa rho e Nọyaẹnmwa, ne Osanobua nọkhua!” Emwa ni hia keghi viọ obọ da odukhunmwu, iran keghi kha wẹẹ, “Isẹ!” Iran na diguẹ gae, vbe ne iran na viọ aro rhu otọ.

Nehimaia 8:8

Iran keghi zẹ edu ẹre ladian iran na vbe rhan otọ ẹre zẹ vbene iran gha na rẹn otọ ẹre ighẹ emwa nii.

Nehimaia 9:3

Vbe omwa ẹgogo eha, a keghi gha tie Uhi e Nọyaẹnmwa ne Osanobua iran ma iran, vbe ẹgogo eha ne ọ lele ẹe, iran kegha miẹn orukhọ iran kue, iran na gha ga e Nọyaẹnmwa ne Osanobua iran.

Nehimaia 9:4

Ekpatako ne a gbae yo ghe odukhunmwu kegha rrọ ne avbe Livai, avbe emwa na: E Jesua, e Bani, e Kadmiẹl, Siebanaia, Bunni, Siẹrebia, e Bani, kevbe Kienani, keghi mudia yan rẹn. Iran keghi tọn urhu mu ya na erhunmwu ghe e Nọyaẹnmwa ne Osanobua iran.

Levitikọs 10:11

Wa ghi gha ma ivbi Izrẹl hia uhi ne I rhie la obọ Mosis gie uwa.”

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Diuteronomi 33:10

Iran gha ma emwa ruẹn re ne iran gha ya uhi ru emwi, iran gha zọ ese vbe aka ruẹ.