Nehimaia 8:5 - Edo Bible (E Baibol Ẹdo) Version 1996

⁵ Ehe ne Ẹzra na mudia yan ekpatako nii ne ọ yo sẹ iran hia, iran keghi tan aro yọ ọre egbe. Ọ ghi wa we ebe nii ọwarọkpa, ehia keghi wa kpaegbe mudia.

Nehimaia 8:5 ပူးပေါင်းရင်းမြစ်များ

I Ọba 8:12

Ẹre Solomọn na na erhunmwu wẹẹ, “E Nọyaẹnmwa, wẹ ọ re ọ dunmwu owẹn ye iso, sevba, u keghi kha wẹ uwu okuku kevbe ebiebi u ra dia.

I Ọba 8:14

Emwa nii hia ghi wa mudia ye evba, e Solomọn keghi fi egbe werriẹ mu aro da iran, ọ na ya erhunmwu nọ afiangbe Osanobua ne iran.

Nehimaia 8:3

Evba nii ọ re ọ na ke owiẹ ya tie ebe nii ma iran ya sẹ ogiavan, iran hia ke wa gha kakabọ danmwehọ ẹre.

Nehimaia 8:4

Ẹzra keghi mudia yan ekpatako ne a kan yo ghe ukhunmwu khẹ emwi na. Avbe ikpia na keghi mudia ye ọre oberhọmwa: e Matitaia, e Siẹma, Anaia, Uraia, e Hilkaia kevbe Maaseia. Iran na kevbe mudia ye ọre obọ iye ọmwa: e Pedaia, e Misiaẹl, e Malkija, e Hasium, e Hasbadana, e Zẹkaraia kevbe Mẹsiulam.

Giọgis 3:20

Ehe ne ọba nii na tota rẹn ọkpa kẹkan vbe odukhunmwu vbe ughugha ne ọ furre, Ehud keghi bu ẹre gha de do tama rẹn wẹẹ, “Osanobua gie mwẹ uhunmwu ne I tama ruẹn.” Ọba nii ke kpaegbe.