Nehimaia 8:3 - Edo Bible (E Baibol Ẹdo) Version 1996

³ Evba nii ọ re ọ na ke owiẹ ya tie ebe nii ma iran ya sẹ ogiavan, iran hia ke wa gha kakabọ danmwehọ ẹre.

Nehimaia 8:3 ပူးပေါင်းရင်းမြစ်များ

Nehimaia 10:29

Ma deba avbe ọkaolotu ima vẹn ihẹn, ne a miẹn wẹ, a deghẹ ma rhie obọ gberra, emwi gha rruan ima, wẹ, ma gha ya Uhi Osanobua ru emwi, uhi ne ọ rhie ne Mosis ne ọguọmwadia ẹre rhie rre, wẹ ma gha ru zẹ vbene e Nọyaẹnmwa khare hia, wẹ ma gha rhie uhi ẹre mwẹ, ma ghi vbe gha ru vbene ọ ho.

Nehimaia 13:1

Ugbẹn vbe iran ghi tie Uhi e Mosis ladian ye emwa nii ehọ, iran keghi sẹ ehe ne a gbẹnnẹ ọẹn yi wẹ ne a ghẹ gie ivbi e Amọn kevbe ivbi e Moab deba emwa Osanobua.

Nehimaia 8:1

Vbe ọ ghi te sẹ uki ne ogihinrọn, ivbi Izrẹl hia keghi gbe ẹkun sotọ vbe ẹvbo edọmwadẹ ọghọe. vbe uki ne okaro ọghe, uki ni, iran hia ke do si egbe koko vbe Jerusalẹm, vbe ehe ne otọe na vbe aro vbe uwu Urho Amẹ. Iran ke wẹ ne Ẹzra ne ohẹn kevbe ne ọ rẹn uhi ne Nọyaẹnmwa rhie la obọ e Mosis gie ivbi Izrẹl ne ọ mu ebe nene uhi re.

Nehimaia 8:18

Ke ikpẹdẹ ne okaro ọghe emwiukpo ni kpao ya sẹ ikpẹdẹ ne okiekie, iran kegha fian tie vbe ebe Uhi Osanobua ni ẹdẹgbegbe. Iran keghi ru emwiukpo nii la ikpẹdẹ ihinrọn, vbe ikpẹdẹ ne ogierẹnrẹn, iran keghi do ugie ne a ya mu ẹẹn ye otọ zẹ vbene Uhi khare.

Nehimaia 8:4

Ẹzra keghi mudia yan ekpatako ne a kan yo ghe ukhunmwu khẹ emwi na. Avbe ikpia na keghi mudia ye ọre oberhọmwa: e Matitaia, e Siẹma, Anaia, Uraia, e Hilkaia kevbe Maaseia. Iran na kevbe mudia ye ọre obọ iye ọmwa: e Pedaia, e Misiaẹl, e Malkija, e Hasium, e Hasbadana, e Zẹkaraia kevbe Mẹsiulam.

Nehimaia 8:5

Ehe ne Ẹzra na mudia yan ekpatako nii ne ọ yo sẹ iran hia, iran keghi tan aro yọ ọre egbe. Ọ ghi wa we ebe nii ọwarọkpa, ehia keghi wa kpaegbe mudia.

Iyẹn ne ọ Maan Ọghe Mak 12:37

Devid tobo ẹre tie ẹre ‘Nọyaẹnmwa,’ vbe nene Mẹzaia ghi vbe ya re ovbi Devid hẹẹ?”

Iyẹn ne ọ Maan Ọghe Luk 19:48

Sokpan iran ma rẹn vbene iran gha ruẹe hẹẹ rhunmwuda emwa hia kegha wa danmwehọ ẹre vbene iran i na ho ne ẹmwẹ ọnrẹn ọkpa kẹkan la iran iyeke ehọ de fua.

Iyẹn ne ọ Maan Ọghe Luk 8:18

“Rhunmwuda ọnii, wa ghi ye egbe vbene uwa ya danmwehọ hẹ, rhunmwuda ọmwa nọ mwẹ nẹ, te a ra gha rhie ba ẹre re, ọmwa ne ẹ i mwẹ emwi rhọkpa, a gha wa miẹn ẹre etunnẹ ne ọ te ro ighẹ irẹn mwẹ.”

Iwinna 13:15

Ugbẹn vbe iran ghi tie ebe Uhi Mosis kevbe emwi ne akhasẹ gbẹnnẹ ye otọ nẹ, iran ne avbe olotu Ọgua ediọn keghi gie ne a khama iran wẹẹ, “Etẹn, deghẹ wa mwẹ ẹmwẹ ibude ne uwa gha rhie ne emwa, wa do gu iran guan.”

Iwinna 13:27

Rhunmwuda, iran ni rre Jerusalẹm kevbe avbe ọkaolotu iran, ma rẹn wẹ rẹn ọrọre ọmiọnmwafan, vberriọ, ẹmwẹ avbe akhasẹ ne a tie vbe Ẹdẹ Ikẹtin hia ma gie iran rẹn otọ ẹre. Levba Sevba, iran keghi gie ẹmwẹ avbe akhasẹ nii sẹ vbe ne iran na bu abe uwu gbe Jesu.

Iwinna 15:21

Rhunmwuda ọkpẹre ne a kegha tie Uhi e Mosis vbe Ọgua ediọn vbe Ẹdẹ Ikẹtin hia, a vbe kpe orhu ẹmwẹ ọnrẹn vbe ẹvbo hia.”

Iwinna 16:14

Ọkpa vbe uwu iran ni họn ẹmwẹ ima keghi re Lidia ne ovbi Tiatira, ukpọn ododo ọre ọ khiẹn. Rẹn keghi re okhuo ne ọ ga Osanobua, Nọyaẹnmwa keghi rhie ẹre ekhọe yọ ne ọ danmwehọ ẹmwẹ ne Pọl ta.

Iwinna 17:11

Emwa ni rre ẹvbo na ọre ẹdẹ gbe vbe ẹko sẹ iran ni rre Tẹsalonaika. Iran keghi wa gbe ẹkun sẹ otọ gha danmwehọ ikporhu nii, iran kegha tie Ebe ẹsẹse gualọ otọ ẹre ne iran miẹn ehe na rẹn a deghẹ ẹmwata ọre ẹmwẹ ne Pọl tae khin.

Iwinna 20:11

Rẹn keghi dọlegbe hin egedege, ọ keghi gia ebrẹd, iran na re. Ọ keghi ye gha gu iran guan ya sẹ ẹghẹ ne ovẹn ya yan rre, ọ keghi kpao.

Iwinna 20:7

Vbe Ẹdẹ uzọla, ma keghi si egbe koko ne a rri evbare ivbiotu. Pọl kegha gu avbe emwa ni guan, ọ keghi guan rhinrin ya sẹ ogiasọn rhunmwuda rẹn gha kpao vbe ẹdẹ a gbe.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Diuteronomi 31:9

Ẹre Mosis na gbẹnnẹ avbe uhi Osanobua ye otọ, ọ na mu ne avbe ohẹn Livai ni siẹn ro Ẹkpẹti Ile ọghe Nọyaẹnmwa kevbe avbe ọkaolotu Izrẹl.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

Jọsua 8:35

E Jọsua keghi wa tie uhi ọghe Mosis hia fẹẹrẹ ma emwa ni gbe ẹbu nii, ke ikhuo kevbe ibiẹka kevbe avbe ọrriọvbe ni rre ehe ne iran ye.

Arhie Maan 2:29

“Adeghẹ u mwẹ ehọ, danmwehọ ẹmwẹ ne Orhiọn tama avbe esọsi.

Arhie Maan 3:22

“Adeghẹ u mwẹ ehọ danmwehọ ẹmwẹ ne Orhiọn tama avbe esọsi.”