Nehimaia 8:17 - Edo Bible (E Baibol Ẹdo) Version 1996

¹⁷ Iran hia fẹẹrẹ ni ke iwe rre keghi gbe irhu dia, okaro ne a he ya ruẹe ọ re ọ na khin ke ẹghẹ Jọsua ne ovbi e Nọn gha dee. Egbe keghi wa gha mu iran hia, iran na gha ghọghọ.

Nehimaia 8:17 ပူးပေါင်းရင်းမြစ်များ

I Krọnikol 29:22

Erriọ ọre ọ gha ye wẹ vbe ẹdẹ ne ẹdẹrriọ ẹko kegha rhiẹnrhiẹn iran hia vbe iran re, iran vbe da, vbe odaro e Nọyaẹnmwa. Iran keghi dọlegbe ma e Solomọn ọba ukpogieva. Iran na sa ori ye ọre uhunmwu zẹ vbe ọba iran vbe eni e Nọyaẹnmwa, Iran kevbe ma Zadọk ohẹn.

II Krọnikol 30:26

Oghọghọ nọkhua kegha rre ore Jerusalẹm rhunmwuda, emwi ne ọ khọe vberriọ ma he ka sunu ke ẹghẹ e Solomọn ne ovbi e Devid gha dee.

II Krọnikol 35:18

A ma ghi ru egbe emwiukpo Alagberra ne ọ ye vberriọ ke ẹghẹ e Samuẹl ne Akhasẹ gha dee. A ma vbe miẹn ọkpa vbe uwu avbe ọba nikaro ni he ru Alagberra ne ọ yevbe ne Josaia ne ọba ru na, deba avbe ohẹn, avbe Livai, ivbi e Juda, ivbi Izrẹl kevbe ivbi e Jerusalẹm

II Krọnikol 8:13

Ọ keghi zọ ese ne a tọẹn zẹ vbene Uhi e Mosis mu ẹẹn ye otọ ne dọmwadẹ ẹdẹ ne ọ huanrẹn. Ẹdẹ Ikẹtin, Emwiukpo Uki Ọgbọn, kevbe emwiukpo eha ne a ru ukpukpo, ena ọre Emwiukpo Ebrẹd Nọmahue, Emwiorhọ kevbe Emwiukpo Irhu.

Ẹzra 3:4

Iran kevbe ru Emwiukpo Irhu zẹ vbene a mwamwa ẹẹn yi. Ẹdẹgbegbe ọ re iran ya zọ ese ne a vbe mwa ye ẹdẹ nii.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Diuteronomi 16:15

“Wa ghi ru emwiukpo na la ikpẹdẹ ihinrọn ya ye ọghọ ne Nọyaẹnmwa vbe ihe ọkpa ne a na ga ẹe nii. U ghi gha sẹ ọyẹnmwẹ rhunmwuda ighẹ e Nọyaẹnmwa fiangbe emwiokọ ruẹ kevbe iwinna ruẹn.

Hibru 11:13

Uwu iyayi ọre iran na hia na wulo. Emwi ne Osanobua ve ma he sẹ iran obọ, sokpan urria gbaan iran na bẹghe iran, iran keghi rhan obọ miẹn iran, iran keghi ye unu iran miẹn kue ma emwa hia wẹ, erhunmwuyẹn kevbe ekhẹn ọre iran khin vbe agbọn na.

Hibru 11:9

Vbe ekpa iyayi, rẹn keghi yin ẹvbo nii ne Osanobua ve ẹre re, vbene a miẹn wẹ orhunmwuyẹn rẹn khin. Rẹn keghi yin okhogbo ukpọn, irẹn kevbe Aizik kevbe Jekọb ne Osanobua vbe ve ẹre emwi vberriọ.

Hibru 4:8

Rhunmwuda, akpawẹ Jọsua viọ iran sẹ ihe ikẹtin ọghe Osanobua, Osanobua ghẹ ghi vbe do bu ẹdẹ ọvbehe vbe okiekie.

Jọsua 1:1

Ugbẹn vbe Mosis ne ọguọmwadia e Nọyaẹnmwa ghi wu nẹ, e Nọyaẹnmwa keghi tama e Jọsua ne ovbi Nọn ọmwa ne ọ gha ye Mosis obọ wẹẹ,