Nehimaia 8:15 - Edo Bible (E Baibol Ẹdo) Version 1996

¹⁵ Rhunmwuda ọnii, iran ke yi uhi na wẹ ne a ya tae ma emwa ni rre Jerusalẹm ke avbe okpẹvbo ke ore nekhua hia nekpa wẹẹ, “Wa gha rrie avbe oke ya giagia ewanmwẹ, ebe ẹgogo, orriema kevbe ebe ne a ya bọ owa, ne uwa do gbe irhu zẹ vbene a gbẹnnẹ ọẹn ye ebe Uhi.”

Nehimaia 8:15 ပူးပေါင်းရင်းမြစ်များ

Gẹnẹsis 8:11

ọ keghi dọlegbe bu ẹre rre vbe ota, rẹn keghi miẹn wẹ ọ ye ukpẹ mu ebe ohọ ne sọguọsọguọ. Ẹre Noa ghi na rẹn wẹ amẹ nii ka nẹ.

Levitikọs 23:4

Wa ghi ya avbe emwiukpo na wewe vbe ẹghẹ ne a rhie yọ.

Levitikọs 23:40

Vbe ẹdẹ nẹdẹrriọ, wa ghi hannọ emwi okọ ne ọ maa sẹ vbe ọmọ erhan uwa, wa ghi viọ ewanmwẹ kevbe abọ erhan ni mwẹ ebe ẹsẹse, na uwa suẹn ugamwẹ emwi okọ ne uwa ya ya ọghọ ne Nọyaẹnmwa Osanobua rua.

Zẹkaraia 1:8

Mẹ keghi bẹghe odibosa ọkpa ọghe Nọyaẹnmwa, ọ keghi hini ẹsin ne ọ baa. Ọ keghi yakọ vbe uwu ẹbu erhan eso vbe iya, avbe ẹsin ọvbehe eso keghi vbe rre ọre iyeke, ni baa, ni gbẹnnẹ ekẹnnẹkẹnnẹ, kevbe ni fuọfua.

Matiu 21:1

Iran ghi bu Jerusalẹm iran keghi do sẹ Bẹtfag vbe Oke Ọliv. Evba ọre Jesu ke gie eva vbe uwu avbe erhuanegbe ẹre ke odaro.

Iyẹn ne ọ Maan Ọghe Jọn 12:13

Rhunmwuda ọnii, iran keghi viọ ewanmwẹ mwẹ obọ ya khian vba ẹre, iran kegha wee bọọ wẹẹ, “Wa rhie urhomwẹ ne Osanobua. Afiangbe Osanobua nọ ne ọmwa ne ọ dee vbe eni Nọyaẹnmwa. Afiangbe Osanobua nọ ne Ọba Izrẹl.”

Diuteronomi 16:16

“Ikpia ẹvbo ruẹ hia, igba eha vbe ukpo ọ re iran gha yo ihọkpa nii ne a na ga ẹe ya gha ga e Nọyaẹnmwa, ena ọ re Alagberra, Emwiukpo Akọrhọre kevbe Emwiukpo Irhu. Dọmwadẹ ọghe ọe ghi rhie ọhẹ gha dee.

Arhie Maan 7:9

Vbe iyeke ọna, I ghi tọn aro mu, I keghi ya bẹghe agbọn ẹvbo ne ọmwa rhọkpa i sẹtin ka. Iran keghi ke agbọn ẹvbo ẹwae, uniẹn emwa kevbe ẹvbo ne a zẹ rre, iran mudia ye odaro ẹkete, iran keghi ya ogbọnmwọkpa haan, iran keghi viọ ewanmwẹ mwẹ obọ.