Nehimaia 8:12 - Edo Bible (E Baibol Ẹdo) Version 1996

¹² Rhunmwuda ọnii, emwa ni hia ke gha rrie owa. Iran na ya re, iran na da vbe ẹko rhiẹnrhiẹnmwẹ, iran na ghae ne emwa ọvbehe vbe emwi ne iran mwẹ rhunmwuda, emwi ne a tie ma iran, la iran ehọ.

Nehimaia 8:12 ပူးပေါင်းရင်းမြစ်များ

I Krọnikol 29:22

Erriọ ọre ọ gha ye wẹ vbe ẹdẹ ne ẹdẹrriọ ẹko kegha rhiẹnrhiẹn iran hia vbe iran re, iran vbe da, vbe odaro e Nọyaẹnmwa. Iran keghi dọlegbe ma e Solomọn ọba ukpogieva. Iran na sa ori ye ọre uhunmwu zẹ vbe ọba iran vbe eni e Nọyaẹnmwa, Iran kevbe ma Zadọk ohẹn.

Nehimaia 8:10

Banbanna nian, wa gha rrie owa ne uwa rri evbare esi, wa fian vbe evbare uwa ne iran ne ẹ i mwẹ, ne uwa vbe sa ne iran vbe ayọn uwa. Ẹdẹ nọhuanrẹn ọ re ẹrẹ khin ne Nọyaẹnmwa rhunmwuda ọnii, wa ghẹ khiẹ. Oghọghọ ne Nọyaẹnmwa, rhie ne uwa gha ya uwa wegbe.”

Nehimaia 8:11

Avbe Livai keghi la uwu ẹbu iran, iran na gha bọ iran, iran na gha tama iran wẹ ne iran ghẹ khiẹ vbe ẹdẹ nọhuanrẹn vberriọ.

Nehimaia 8:13

Vbe ẹdẹ ne ọ lele ẹe, avbe ekaẹgbẹe dọmwadẹ ẹwae, deba avbe ohẹn keghi bu Ẹzra gha khian ne iran ya ruẹ vbene Uhi kha re.

Ẹsta 9:22

Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.

Job 23:12

Emwi ne Osanobua tae ọ re I ru vbe ẹghẹ hia; emwi ne ọ ho ọre I ru, ẹ i re ọghomwẹ.

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 119:127

iho ẹmwẹ iyi ruẹ sẹẹ igoru, sẹ igoru ne ọ mose sẹ ehia.

Psalm 119:130

Irhanotọ iruẹmwi ruẹn rhie uwanmwẹ rre, ọ vbe ma iran ni ma rẹn emwi ẹwaẹn.

Psalm 119:14

Ẹko mwẹ rhiẹnrhiẹn ye ne I gha lele iyi ruẹ sẹ ne I gha mwẹ ẹfe nibun.

Psalm 119:16

Avbe uhi ruẹ sẹ mwẹ ọyẹnmwẹ mẹ i ra vbe mianmian iyi ruẹ.

Psalm 119:171

Mẹ gha rho ruẹ vbe ẹghẹ hia, rhunmwuda, u ma mwẹ uhi ruẹ.

Psalm 119:174

Ghe vbene I rhie aro ye odẹ gha khẹ ẹsọhẹ imiẹnfan ruẹn Nọyaẹnmwa, I miẹn ẹkorhiẹnrhiẹnmwẹ vbe uhi ruẹ.

Psalm 119:72

Uhi ne uwẹ rhie ne emwa vuọn mwẹ aro ẹsẹse sẹ igho ni rre agbọn na hia.

Psalm 119:97

A miẹn vbene I ho ẹmwẹ uhi ruẹ hẹ, te I wa mu ẹẹn ro ne ebi ro.

Jerimaia 15:16

Wẹ gunmwẹ guan, I keghi rhie ehọ ye ẹmwẹ hia. Ọwuẹ ọ re imẹ khin Nọyaẹnmwa, Osanobua ne Oghodua, rhunmwuda ọnii ẹmwẹ ruẹn keghi ya oghọghọ kevbe ọyẹnmwẹ vuọn ekhọe mwẹ.

Iyẹn ne ọ Maan Ọghe Luk 24:32

Iran keghi gu egbe iran guan wẹẹ, “Ẹ i re te ọ gha giẹn vbe uwu ima vbe erhẹn vbe ọ guan, ẹkpo ne ọ na gha rhan otọ ebe ne ọ huanrẹn ma ima ban vbe odẹ!”

Ebe ne Pọl gbẹẹn gie emwa Rom 7:18

Mẹ rẹnrẹn wẹ, emwi ne ọ maa rhọkpa i rre uwu imẹ, vbe ikinnegbe mwẹ kẹkan na, rhunmwuda, a gha rhe miẹn wẹ emwi ne ọ maa te yẹ mwẹ ne a ru, sokpan ẹ i gun mwẹ ru.

Arhie Maan 11:10

Ẹko gha rhiẹnrhiẹn emwa ne agbọn ye uwu ne iran eva na wulo. Iran ghi do ugie ẹre, iran ghi gha ya emwi ha oko gie egbe, rhunmwuda, akhasẹ eva na, oya ne iran si ye emwa ne agbọn egbe keghi bu ẹsẹse.