Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nehimaia 8:10 - Edo Bible (E Baibol Ẹdo) Version 1996

10 Banbanna nian, wa gha rrie owa ne uwa rri evbare esi, wa fian vbe evbare uwa ne iran ne ẹ i mwẹ, ne uwa vbe sa ne iran vbe ayọn uwa. Ẹdẹ nọhuanrẹn ọ re ẹrẹ khin ne Nọyaẹnmwa rhunmwuda ọnii, wa ghẹ khiẹ. Oghọghọ ne Nọyaẹnmwa, rhie ne uwa gha ya uwa wegbe.”

အခန်းကိုကြည့်ပါ။ ကော်ပီ




Nehimaia 8:10
32 ပူးပေါင်းရင်းမြစ်များ  

Vbe ikpẹdẹ ne ogierẹnrẹn, e Solomọn keghi zẹ. emwa ni hia urrie, iran hia keghi tian rẹn, iran kegha rrie owa vbe ne ọyẹnmwẹ na sẹ iran ye emwi esi hia ne Nọyaẹnmwa ya ne Devid ne ọguọmwadia ẹre kevbe ivbi Izrẹl ne emwa rẹn.


Uyi kevbe ẹtin lẹga ẹre ẹtin kevbe oghọghọ vuọn Ọgua Osa ẹre.


Avbe Livai keghi la uwu ẹbu iran, iran na gha bọ iran, iran na gha tama iran wẹ ne iran ghẹ khiẹ vbe ẹdẹ nọhuanrẹn vberriọ.


Rhunmwuda ọnii, emwa ni hia ke gha rrie owa. Iran na ya re, iran na da vbe ẹko rhiẹnrhiẹnmwẹ, iran na ghae ne emwa ọvbehe vbe emwi ne iran mwẹ rhunmwuda, emwi ne a tie ma iran, la iran ehọ.


Ọnii ọ sii ẹe ne avbe Ju ni re ivbi ẹvbo ne a giere na na ya ikpẹdẹ ne ogiwenẹ ọghe uki Ada hẹwẹ, iran ghi vbe gha ghọghọ ẹdẹ ne a ya re kevbe ne a ya da, kevbe ne a ya ye evbare zẹ ọhẹ gie egbe.


Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.


Izrẹl gha ghọghọ, rhunmwuda Ayi ne ọ yi uẹ; wa gha ghọghọ wa ne ivbi e Zaiọn, rhunmwuda ọba uwa!


Wẹ rhie akhọnmiotọ nekhua ne ima vbe aho ẹmwẹ ọmwa ruẹn, u ke gie ima khọnmiotọ.


Aro ọmwa gha ma vbe uhunmwu vbe ẹghẹ hia, egberranmwẹ ọ re ọ rhie gie ọmwa; emianmwẹ uwu ne huẹẹ nọ ne egbe wa gha kan ọmwa vbe ẹghẹ hia.


Rhie igho ye emwi atẹ vbe ihe ughughan nibun, rhunmwuda, u ma rẹn egbe emwi ne ọ ma dunna ne a ghae khẹ ruẹ vbe agbọn na.


Emwi ne ọ maa sẹẹ ne ọmwa gha sẹtin ru ọrọre ne ọ gha re, ne ọ gha da kevbe ne ọ ya okhuan ne ọ khuaẹn gha zọmọ. Levba se vba, I kevbe miẹn wẹ obọ Osanobua ọ re ọna ke rre.


Te ọ kere ne ima hia gha re, ne a gha da, ne a vbe ya emwi ne ima miẹn ẹsọn yi gha zọmọ. Emwi ne Osanobua ya ru ọmwa ẹse nọ.


Emwi ne I gualọ otọ ẹre miẹn ọ re ọna khin wẹ, emwi ne ọ kei ne ọmwa sẹ ọrọre ne ọ gha re, ne ọ gha da, ne ọ ye emwi ne ọ miẹn ẹsọn yi gha zọmọ vbe ẹdagbọn kherhe ne Osanobua rhie ne ẹẹn na: uhunmwu ne ọmwa mu rre ọ re onii khin.


Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.


I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.


Te i he rre ẹko iyimwẹ vbe Nọyaẹnmwa zẹ mwẹ ọ ya mwẹ ru ọguọmwadia ẹre nẹ ọ gha viọ emwa rẹn werriegbe rre ne ọ gha viọ ivbi Izrẹl ni zagha kua rre. E Nọyaẹnmwa mu uyi yọmwẹ egbe, rẹn ọrọre ehe ne ẹtin mwẹ ke rre.


Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.


“Ivbi e Zaiọn, wa gha ghọghọ wa hia ghọghọ ye emwi ne Osanobua uwa ru ne uwa. Ọ giee amẹ ne ọ sẹ ihe gie uwa vbe ẹghẹ vbe orhọ ma he suẹn, ọ bu amẹ fua ne uwa vbe okhuakhua, kevbe ẹghẹ orhọ, vbene ọ ka rhọ dee ẹdẹ.


Uwawa ne a ya le evbare hia vbe Jerusalẹm kevbe Juda, a gha zẹ ehia kọ ye ne a ya ga e Nọyaẹnmwa ne Oghodua. Iran ni do zọ ese gha ya ẹe le emiowo ne iran ya zọ ese. Ọ gha sẹ ẹghẹ nii, a i ghi miẹn avbe emwa ni do ẹki vbe uwu Ọgua Osa ọghe Nọyaẹnmwa ne Oghodua.


Wa viọ emwi ni rre uwu ọkpan kevbe ukpu ne uwa mwẹ ne ivbiogue, erriọ ọ gha na huan ne uwa.


Ọlọghọmwa ne iran miẹn wa dan mwẹ iran ghe ẹsẹsẹmwẹse, sokpan ẹko keghi ye rhiẹnrhiẹn iran sẹrriọ wẹ iran keghi ye zẹ emwi obọ ya ru ẹse wọrhọ wọrhọ, egbe ne a ya miẹn wẹ iran rre uwu a i mwẹ.


Adeghẹ erriọ nọ, mẹ gha vbe sẹtin mu ẹtin yan egbe emwi vberriọ. A deghẹ orhiọnkpa roro ẹe wẹ iruemwi ọghe ore egbe ọre ọ gha mu ẹtin yan, vbe odẹikodẹ ọre ọna khẹ ke imẹ sẹẹ, ne imẹ ru vberriọ.


Ẹko gha rhiẹnrhiẹn emwa ne agbọn ye uwu ne iran eva na wulo. Iran ghi do ugie ẹre, iran ghi gha ya emwi ha oko gie egbe, rhunmwuda, akhasẹ eva na, oya ne iran si ye emwa ne agbọn egbe keghi bu ẹsẹse.


Nọ iran, iran gha tama ruẹn. E Devid wẹ ne u rhan obọ itohan miẹn emwa irẹn rhunmwuda ma gha rrie edinran vbe ẹdẹ eghọ. Rhunmwuda ọnii, viọ emwi ne obọ ruẹ gbare ne ima ne eguọmwadia ruẹ; kevbe Devid ne ọ siọ ne ọ ghaan.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ