Nehimaia 8:1 - Edo Bible (E Baibol Ẹdo) Version 1996

¹ Vbe ọ ghi te sẹ uki ne ogihinrọn, ivbi Izrẹl hia keghi gbe ẹkun sotọ vbe ẹvbo edọmwadẹ ọghọe. vbe uki ne okaro ọghe, uki ni, iran hia ke do si egbe koko vbe Jerusalẹm, vbe ehe ne otọe na vbe aro vbe uwu Urho Amẹ. Iran ke wẹ ne Ẹzra ne ohẹn kevbe ne ọ rẹn uhi ne Nọyaẹnmwa rhie la obọ e Mosis gie ivbi Izrẹl ne ọ mu ebe nene uhi re.

Nehimaia 8:1 ပူးပေါင်းရင်းမြစ်များ

II Ọba 23:2

Iran hia keghi gha rrie Ọgua Osa, vbe ne avbe ohẹn na lele iran kevbe avbe akhasẹ deba emwa nekpa hia fẹẹrẹ kevbe avbe ọdafẹn kevbe ivbiogue. Ọba keghi tie ẹre ye iran hia ehọ ighẹ ebe ile nii ne a miẹn vbe Ọgua Osa.

II Krọnikol 34:15

Rẹn keghi tama Siafan wẹẹ, “I miẹn ebe uhi vbe uwu Ọgua Osa vbe emwa na.” Ọ keghi mu ebe ne ne Siafan,

II Krọnikol 34:30

Iran hia keghi gba gha rrie Ọgua Osa, avbe ohẹn kevbe avbe Livai kevbe emwa nekpa hia keghi lele iran, eni fee kevbe ivbiogue. Ọ keghi tie ebe uhi ne a miẹn vbe uwu Ọgua Osa ma iran hia.

Ẹzra 7:1

Vbe ukpo ni bun vbe iyeke ọnọna, vbe ẹghẹ ne Atakzaziz na gha re Ọgbaisi ọghe Pẹsia, okpia ọkpa kegha rrọọ ne a tie ẹre Ẹzra, ovbi uniẹn Errọn ne Ogie Ohẹn ọre ọ ka egbe ẹre lae vbe nian: Ẹzra kegha re ovbi e Seraia, ne ovbi Azaraia, ne ovbi e Hilkaia,

Ẹzra 7:10

Te Ẹzra wa mu aro ye ẹmwẹ nene uhi e Nọyaẹnmwa ne a ruẹ, kevbe ne a ya ruemwi kevbe ne ọ gha ma ivbi Izrẹl ne uhi kevbe ilele ni rrọọ.

Ẹzra 7:11

Avbe ebe emwamwa ne Ọgbaisi Atakzaziz viọ ne Ẹzra ne ohẹn kevbe ọrẹnbe, ọ re ena khin, ọmwa ne ọ wa vbe rẹn ọnrẹn ẹsẹse ighẹ avbe uhi kevbe iyi ne Nọyaẹnmwa viọ ne ivbi Izrẹl.

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Nehimaia 12:26

Ẹghẹ ne iran na na gha rrọọ kegha re ẹghẹ ọghe Joiakim ne ovbi e Jọsua kevbe eyẹ ọghe Jehozadak, kevbe ẹghẹ ọghe Nehimaia ne ne ọ khaemwisẹ, kevbe ẹghẹ ọghe Ẹzra ne ohẹn ne ọ vbe gha re ọmwa ne ọ rẹn Uhi dinmwi.

Nehimaia 12:37

Iran ghi sẹ Urho Uhunmwu ẹzẹ, iran keghi hin ikpawẹ ne ọ rrie Ẹvbo e Devid, iran keghi gberra ẹguae Devid, iran na dọlegbe do hin ekẹn nii vbe Urho Amẹ vbe odẹ ahọ ẹvbo nii.

Nehimaia 8:16

Rhunmwuda ọnii, avbe emwa ni keghi gele ya giagia ebe, iran na do gbe irhu yan owa iran kevbe ore iran, kevbe ore Ọgua Osa kevbe ughe ẹvbo vbe ọkpẹn Urho Amẹ kevbe Urho Ifreim.

Nehimaia 8:3

Evba nii ọ re ọ na ke owiẹ ya tie ebe nii ma iran ya sẹ ogiavan, iran hia ke wa gha kakabọ danmwehọ ẹre.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Levitikọs 9:5

Iran keghi viọ avbe emwi hia ne Mosis tama iran gha die odaro Owa Ukpọn Ile, emwa nii hia keghi si koko ye evba ne iran ga e Nọyaẹnmwa.

Malakai 4:4

Wa ye emwi ne Mosis ne ọguọmwadia mwẹ ma uwa ẹre rre. Avbe uhi kevbe ilele ne I viọ ne ẹẹn vbe Oke Sainai, ne ivbi Izrẹl hia gha ya ẹe ru emwi.

Matiu 13:52

Ọ keghi dọlegbe tama iran wẹẹ, “Ọnii rhie ma wẹ deghẹ ọma emwa Uhi ọkpa do khian ọrhuanegbe vbe uwu Arriọba ẹrinmwi, rẹn ghi do yevbe ọdafẹn nọyan owa, ọ ghi vbe gha viọ emwi ọgbọn kevbe emwi ọwiẹyi ke uwu aza ẹre ladian.”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Matiu 23:2

“Iran ni ma emwa Uhi kevbe avbe Farisi ọre a rẹn ye ni rhan otọ uhi e Mosis.

Matiu 23:34

Ne I tama uwa nian: I gha gie avbe akhasẹ, umẹwaẹn kevbe emamwaemwi gie uwa. Wa gha gbele eso ua vbọ, wa gha kan eso mu ugbugbe, wa gha gbe eso asan vbe Ọgua ediọn uwa, wa ghi vbe khulo iran ke ẹvbo ọkpa la ọvbehe.

Diuteronomi 31:11

U ghi tie ẹre ma ivbi Izrẹl vbe iran a rre do ga e Nọyaẹnmwa Osanobua uwa, vbe ehe ọkpa ne a na ga nii.

Giọgis 20:1

Ivbi Izrẹl hia fẹẹrẹ, ke Dan vbe odẹ okuọ ya sẹ Biẹsiẹba vbe odẹ ekẹn kevbe otọ Giliad vbe odẹ ahọ, ehia keghi khuẹnniẹn utiemwẹ na. Iran keghi wa si koko ye odaro e Nọyaẹnmwa vbe Mispa.

Giọgis 20:8

Emwa ni hia keghi wa koko kpaegbe, iran wẹẹ, “Ọmwa ne ọ gha yo owa vbe uwu ima i rrọ, ọ re owa ne owa ọ re ọ ye ra owa ukpọn nọ.