Nehimaia 7:73 - Edo Bible (E Baibol Ẹdo) Version 1996

⁷³ Avbe ohẹn, avbe Livai, iran ni khẹ Ọgua Osa, avbe ikpemaba, ni bun vbe uwu avbe emwa kẹkan, iran ni winna vbe Ọgua Osa avbe ivbi Izrẹl hia, ehia keghi wa mu igiogbẹ gbọ ye avbe okpẹvbo kevbe ore nekhua vbe Juda.

Nehimaia 7:73 ပူးပေါင်းရင်းမြစ်များ

II Ọba 7:10

Rhunmwuda ọnii, iran na kpao hin agọ ivbi e Siria rre, iran na gha die Sameria, iran keghi datie avbe abodẹ ni rre onurho wẹẹ: “Ma ye agọ ivbi e Siria, ma ma miẹn ọmwa rhọkpa, a ma vbe họn ẹmwẹ ọmwa rhọkpa. A de avbe ẹsin ke ekẹtẹkẹtẹ ni rrọọ. Te avbe owa ukpọn he wa ye ye vbene ivbi e Siria ya sẹ ọe rae.”

I Krọnikol 9:2

Emwa kẹkan, avbe ohẹn kevbe Livai rre usun emwa ni ka wa gha die otọ iran.

Ẹzra 2:70

Avbe ohẹn kevbe avbe Livai deba eso vbe uwu avbe emwa nii, keghi yin ore ra ọkpẹn e Jerusalẹm, iran ni kpe ẹzi kẹn, iran ni khẹ Ọgua Osa, kevbe iran ni winna vbe Ọgua Osa keghi yin avbe ẹvbo ni lẹga eni, avbe Izrẹl ni dekẹe keghi ya yin ehe ne avbe erha iran odede kagha ye.

Ẹzra 3:1

Vbene ọ ghi te sẹ odẹ uki ne ogihinrọn, ivbi Izrẹl hia keghi gbe ẹkun sẹ otọ vbe dọmwadẹ ẹvbo iran. Iyeke ọnii, iran hia keghi si egbe koko vbe Jerusalẹm.

Nehimaia 11:3

Vbe avbe okpẹvbo kevbe ore nekhua ọghe otọe Izrẹl ni dekẹe, avbe ohẹn avbe Livai, iran ni winna vbe Ọgua Osa, kevbe ivbi uniẹn eguọmwadia e Solomọn, iran ọ re ọ tobọ iran gha koko egbe iran vbe ẹvbo iran. Avbe ọkhaẹvbo ni rre otọe e Juda ni do yin e Jerusalẹm ọre ena khin: