Nehimaia 7:5 - Edo Bible (E Baibol Ẹdo) Version 1996

⁵ Osanobua keghi rhie yọ mwẹ ekhọe wẹ ne I si avbe emwa nii koko, kevbe avbe ọkaolotu kevbe iran ni rre ukpo vbe uwu iran, ne I vbe ghe ebe uniẹn iran. I keghi gualọ ebe iran ni ka gha ke iwe rre miẹn, emwi ne I miẹn vbọ ọ re ọna khin:

Nehimaia 7:5 ပူးပေါင်းရင်းမြစ်များ

Ẹzra 7:27

Ẹzra keghi kha wẹẹ, “Wa rho e Nọyaẹnmwa ne Osanobua avbe erha mwẹ odede. Ọ ru ẹe ne ọgbaisi ya ọghọ ne Ọgua Osa e Nọyaẹnmwa ne ọ rre Jerusalẹm vbenian.

Nehimaia 5:19

Osanobua, lahọ, u ghi ye mwẹ rre vbe ne ọ maa, vbe ekpa emwi hia ne I ru ne avbe emwa na.

Nehimaia 6:14

I keghi na erhunmwu wẹẹ, “Osanobua, ghe emwi ne Tobaia kevbe Sanbọlat ru, ne u rri iran oya. Vbe ye okhuo ni rre ighẹ Nodaia kevbe avbe akhasẹ nekpa, emwa ni te gha ho ne iran ha mwẹ.”

Nehimaia 7:4

Ẹvbo ne ọ kpọlọ ọ re Jerusalẹm khin, sokpan, emwa ni rrọ ma gha bun, a ma he vbe bọlọ owa ni bun yọ.

Itan 2:6

E Nọyaẹnmwa ọ re ọ ya ẹwaẹn ne ọmwa. Obọ ẹre ọ re ẹwaẹn kevbe irẹnmwi ke rre.

Itan 3:6

Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

II Kọrinti 3:5

Rhunmwuda emwi rhọkpa i rre uwu ima ne ima gha sẹtin la ekpa ẹre kha wẹ ma sẹe ne ọ gha winna iwinna na. Ẹtin ne a ya sẹtin ruẹe ne ima mwẹ, obọ Osanobua ọre ọ ke rre.

II Kọrinti 8:16

Ma mobọ kpọnmwẹ Osanobua, ne ọ na ru ẹe wẹ vbene ọ bọbọ ima egbe ne a gha ye uwa obọ, erriọ ọre ọ vbe bọbọ Taitọs egbe.

Kọlose 1:29

Ne a miẹn ehe na ru ọna mwẹ uhunmwu, ọre I na domian, kevbe ne I na miẹn ẹsọn vbe ne I na lo ẹtin nọkhua ne Kristi rhie mẹ, kevbe ne ọ vbe winna vbe uwu imẹ.

Jems 1:16

Wa ghẹ gia rẹrẹ uwa re etẹn mwẹ ni ghan.