Nehimaia 7:3 - Edo Bible (E Baibol Ẹdo) Version 1996

³ I keghi tama iran wẹ ẹdẹ ma wan nẹ fẹẹrẹ, ne iran ghẹ gha kie urho e Jerusalẹm vbe owiẹ, kevbe wẹ, avbe iran ni khẹ odẹ te kpao vbe ota, a ghi khui ẹre, a ghi viọ avbe ogba ẹre kọ ẹe. I keghi vbe tama iran wẹ uwu emwa ni rre Jerusalẹm ọ re iran gha na zẹlẹ emwa ni khẹ odẹ, a ghi wa vbe rhie ehe ne dọmwadẹ ọghọe gha khẹ ne ẹẹn, kevbe nekpa, ne iran ya gha gbe ọrrẹrrẹ lẹga owa iran.

Nehimaia 7:3 ပူးပေါင်းရင်းမြစ်များ

Nehimaia 13:19

Rhunmwuda ọnii, ọ re I na yi iyi wẹ ne a gha khui urho ne a la la ore ẹvbo vbe omuhẹn Ẹdẹ ikẹtin hia, vbe ebi a wa da suẹn gha ro, kevbe wẹ ne a ghẹ dọlegbe kie ẹre ọvbehe ọ te ya sẹ ẹghẹ ne Ẹdẹ Ikẹtin ya gberra. I keghi viọ eso vbe uwu emwa mwẹ wẹ ne iran ghẹ gia viọ emwi la ore ẹvbo vbe Ẹdẹ Ikẹtin.

Nehimaia 3:23

E Bẹnjamin kevbe Hasiub keghi bọ ako ne ọ lele ẹe ne ọ rre odaro owa iran; Azaraia ne ovbi e Maaseia kevbe eyẹ Ananaia keghi bọ ako ne ọ lele ẹe ne ọ vbe rre odaro owa irẹn.

Nehimaia 7:2

I keghi viọ arhin eva yọ ne iran gha khaemwisẹ yan Jerusalẹm, iran na kegha re ọtẹn mwẹ ne okpia ighẹ Hanani kevbe Hananaia ne ọkaokuo ne ọ gbearoghe odin ikhẹgbe. E Hananaia kegha re ọmwa ne ọ gie a muẹtinyan kevbe ne ọ vbe mu ohan Osanobua ne a i vbe miẹn egbọre ọvbehe.

Nehimaia 7:4

Ẹvbo ne ọ kpọlọ ọ re Jerusalẹm khin, sokpan, emwa ni rrọ ma gha bun, a ma he vbe bọlọ owa ni bun yọ.

Psalm 127:1

A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

Psalm 147:13

Rẹn ruẹe ne onurho uwa wegbe; ọ fiangbe emwa ruẹn.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.