Nehimaia 7:2 - Edo Bible (E Baibol Ẹdo) Version 1996

² I keghi viọ arhin eva yọ ne iran gha khaemwisẹ yan Jerusalẹm, iran na kegha re ọtẹn mwẹ ne okpia ighẹ Hanani kevbe Hananaia ne ọkaokuo ne ọ gbearoghe odin ikhẹgbe. E Hananaia kegha re ọmwa ne ọ gie a muẹtinyan kevbe ne ọ vbe mu ohan Osanobua ne a i vbe miẹn egbọre ọvbehe.

Nehimaia 7:2 ပူးပေါင်းရင်းမြစ်များ

Gẹnẹsis 42:18

Ọ ghi sẹ ikpẹdẹ ne ogieha e Josẹf keghi tama iran wẹẹ, “Osanobua ọ re I ga, wa gha miẹn uhunmwu a deghẹ wa ru vbenian.

II Samuẹl 23:3

Osanobua Izrẹl guan nẹ, ne ọ de gue Izrẹl keghi tama mwẹ wẹẹ: “Ọba ne ọ ye ẹmwata khaemwisẹ, ne ọ khaemwisẹ vbe a mu ohan Osanobua,

I Ọba 18:12

A deghẹ I ghi kpao nẹ orhiọn e Nọyaẹnmwa tọ ọn mu gha rrie ehe ne a ma rẹn vbo? Ẹghẹ nii, mẹ gha ghi tama Ehab ighẹ u rre emwa, ighẹ rẹn ma ghi miẹn ọn, ọ ghi gbe mwẹ uan. Yerre wẹ, ke ẹghẹ ọvbokhan mwẹ gha dee, ekhọe ọ re I ya ga e Nọyaẹnmwa.

I Ọba 18:3

Ẹre Ehab na tie Obedaia ne ọka ẹguae. Obedaia keghi re ọmwa ne ọ ye ekhọe ga e Nọyaẹnmwa,

Nehimaia 1:2

E Hanani, ọkpa vbe uwu etẹn mwẹ, kevbe emwa ọvbehe eso, keghi ke Juda rre. I keghi nọ iran vbene ọ ghi ye hẹ ighẹ e Jerusalẹm kevbe avbe Ju ne ihua mwẹ ni ke Babilọn kevbe iwe gha dee.

Nehimaia 13:13

I keghi viọ avbe emwa na yọ ne iran gha gbe aro ghe avbe aza: e Sielemia ne ohẹn, e Zadọk ne ọ rẹn Uhi dinmwi kevbe Pedaia ne Livai, e Hanan ne ovbi e Zakọ ne ọ vbe re eyẹ e Matanaia, ne ọ gha ru iyohọ ne iran. I rẹnrẹn wẹ I gha sẹtin muẹtinyan avbe emwa na wẹ iran gha ye ekhọe ẹmwata ghae emwi ne a hẹ rre gba ihua iran ne iran gba winna obọ.

Nehimaia 2:8

I keghi vbe nọ wẹ ne ọ gbẹn ebe mẹ rhie gie Asaf ne ọ gbearoghe ẹgbo ọba, ne ọ khama rẹn wẹ ne ọ viọ erhan mẹ ne I ya kan ẹkhu onurho odin ne ọ degue Ọgua Osa, deba ọghe ekẹn ne a gbe lẹga ẹvbo kevbe owa ne imẹ ra dia. Ọgbaisi keghi wa viọ emwi ne I nọrẹn hia mẹ rhunmwuda, Osanobua gun mwẹ rrọọ.

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Nehimaia 7:3

I keghi tama iran wẹ ẹdẹ ma wan nẹ fẹẹrẹ, ne iran ghẹ gha kie urho e Jerusalẹm vbe owiẹ, kevbe wẹ, avbe iran ni khẹ odẹ te kpao vbe ota, a ghi khui ẹre, a ghi viọ avbe ogba ẹre kọ ẹe. I keghi vbe tama iran wẹ uwu emwa ni rre Jerusalẹm ọ re iran gha na zẹlẹ emwa ni khẹ odẹ, a ghi wa vbe rhie ehe ne dọmwadẹ ọghọe gha khẹ ne ẹẹn, kevbe nekpa, ne iran ya gha gbe ọrrẹrrẹ lẹga owa iran.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Psalm 101:6

Mẹ gha guan ẹse ye ọghe iran ni rhie ekhọe lele Osanobua, I gha gie iran gha rre ẹguae mwẹ. Iran ne ẹ i mwẹ okeke hiehiere I gha gie iran gha ru eguọmwadia mwẹ.

Ẹksọdọs 18:21

Sokpan, deba ọnii, zẹlẹ emwa nii sẹ vbe uwu iran, ne u ya iran ru ekaolotu emwa na ẹ ọkaolotu arriaisẹn, iyisẹn, ekigbesiyeha kevbe igbe. Ọ kere ne iran gha re emwa nii muohan Osanobua kevbe ne ọ gie a mu ẹtin yan, kevbe ne a i sẹtin rhie oko odieke na.

Daniẹl 6:4

Rhunmwuda ọnii, avbe iran ni su ẹvbo nekpa kevbe avbe gọvina kegha gualọ ehe ne iran gha na miẹn abakuru vbe odẹ ne Daniẹl ya gbearoghe otọe arriọba nii sokpan iran ma miẹn, rhunmwuda, ọmwa ne ọ gie a mu ẹtin yan ọ re Daniẹl khin, ọ ma vbe ru emwi ne ọ ma gba ọghe ogberhu.

Nọmbas 12:7

Sokpan I gha gue Mosis ne ọguọmwadia mwẹ guan, ọ lughaẹn. I rhie ẹre ye ne ọ gbe aro ghe izrẹl ne emwa mwẹ nẹ.

Matiu 24:45

“Gha ọre ọguọmwadia esi kevbe ne ọ wan nii, ọnii ọrọre ne arowa ẹre ya ru ne ọ gbe aro ghe eguọmwadia ne ihua ẹre ne ọ gha rhie evbare ne iran vbe ẹghẹ ne ọkere.

Matiu 25:21

Arowa ẹre keghi tama rẹn wẹẹ, ‘U ru ẹse ọguọmwadia ne ekhọe esi, ẹkoata ọre u ya gbe aro ghe igho kherhe na, I gha mu igho ne ọ kọnkọn nuẹn gha gbe aro ghe. La owa ne u do gunmwẹ ku obọ ye uwa.’

I Kọrinti 4:2

Emwi ọkpa ne a ho vbe obọ ọmwa ne a rhie emwi nẹẹn dayi ọrọre wẹẹ, ne ọ gha re ọmwa ne ọ gie arowa ẹre mu ẹtin yan.

II Timoti 2:2

U ghi viọ avbe ẹmwẹ nii ne u họẹn vbe I kpe orhu ẹre vbe odaro osẹe ni bun, u ghi viọ ne emwa ne u gha sẹtin mu ẹtin yan viọ mwẹ, emwa ni gha vbe sẹtin ma emwa ọvbehe re.