Nehimaia 6:6 - Edo Bible (E Baibol Ẹdo) Version 1996

⁶ Ọ wẹẹ, “E Gesiẹm tama mwẹ, iran tae khian vbe ẹvbo hia ni lẹga wẹ te uwa ne Ju ho ne uwa sọtẹ, ọnii ọ sii ẹe ne uwa na dọlegbe gbe ekẹn ọlẹga nii. Ọ vbe tae wẹ, te u ho ne u ma egbe ruẹ ọba.

Nehimaia 6:6 ပူးပေါင်းရင်းမြစ်များ

Ẹzra 4:12

“Ma wẹ ne a guẹ rẹn Umogun wẹ avbe Ju ni ke otọe ruẹ ni, kevbe ehe ọvbehe rre, do yin e Jerusalẹm nian, iran gha dọlegbe bọ ẹvbo dan ne ọ sọtẹ nii. Iran suẹn gha gbe ekẹn ne ọ lẹga ẹre nẹ, ẹ i ghi rre gbe iran bọe fo.

Ẹzra 4:15

ne a ya gualọ uwu emwi ne avbe enikaro, avbe erha a odede gbẹnnẹ yotọ. A gha ru ẹe vberriọ, u gha miẹn wẹ te ẹvbo na wa sọtẹ ẹdẹdẹmwẹdẹ, kevbe wẹ ke ẹkpo nẹdẹ gha dee, ukpokpo ọ re ọ rhie ne avbe ọba kevbe avbe ogie isi hia. Ivbi ẹvbo ni, keghi re emwa nẹ i gie a kha yan. Ọnii ọ re ọ si ẹe ne a na dunmwu ẹvbo ni uan.

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Nehimaia 6:13

Iran dẹ ọe ne ọ ha mwẹ fi orukhọ, ne iran miẹn ehe na sa ọrho yọ mwẹ ukpọn, ne iran so mwẹ gọ.

Nehimaia 6:5

Ẹre Sanbọlat na gie ọkpa vbe uwu avbe eguọmwadia ẹre bu mwẹ gha dee, ọ na gie uhunmwu nogisẹn ye ebe ne a ma khui ne ẹẹn rhie gunmwẹ.

Nehimaia 6:7

Kevbe wẹ, u viọ avbe akhasẹ eso ye otọ nẹ ne iran tae vbe Jerusalẹm wẹ, wẹ ọrọre ọba ọghe Juda. Ẹ i mwẹ Umogun ma họn ẹmwẹ na, rhunmwuda ọnii, I zẹẹ ọẹ vbe iro wẹ ne imẹ vbe ruẹ miẹn egbe ne a tae vbene emwi na hia ye hẹ.”

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Matiu 5:11

“Ọ maa ne uwa vbe emwa a gha zan uwa, vbe iran a gha zẹ uwa owẹ, ighe iran vbe ba uwa ẹmwẹ, rhunmwuda ighe wa re emwa ni lele mwẹ.

Iyẹn ne ọ Maan Ọghe Luk 23:2

Iran keghi ba ẹre ifi ẹzọ wẹ, “Ma mu okpia na vbe uwu ehe ne ọ na ruẹn ẹmwẹ ye emwa ima ẹko, ọ wẹ ne iran ghẹ ghi ha igho uhunmwu gie Nọgbaisi, ọ wẹ rẹn tobọ irẹn ọrọre Kristi ne Ọba.”

Iyẹn ne ọ Maan Ọghe Jọn 19:13

Pailet ghi họn ẹmwẹ na, ọ rhie Jesu ladian, ọ keghi tota ye, ẹkete ibuohiẹn ne ọ rre ehe ne a tie ẹre “Ibare Okuta,” (ne avbe Hibru tie ẹre Gabata.)

Ebe ne Pọl gbẹẹn gie emwa Rom 3:8

A ghi wa tae vbe nian khekherriọ wẹ, “Wa gie ima wa gha ru emwi dan ne emwi ne ọ maa miẹn ehe na gha rre ẹmwata,” emwa eso wa rhia mwẹ eni ruan nẹ vbe ne iran na ba mwẹ ifi ẹzọ wẹ erriọ ọre imẹ kha re. A gha hu ahe gbe iran na, zẹ vbene ọ kere ne iran.

II Kọrinti 6:8

A ya ọghọ ne ima, a vbe fa ima uan, a ya ukpẹ sakan ima, a vbe tian ima, a ru ima vbe ọhọn ohoghe, sokpan ẹmwata ma ta.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.